సందీప్ ఫాంటసీ ఫిల్మ్ ఏమైనట్టు?
అయితే తాజాగా ఈ సినిమా విడుదల తేదీ గురించి ఓ వార్త వినిపిస్తోంది. గరుడ పురాణంలో మాయమైపోయిన ఓ నాలుగు పేజీల కథే ఈ భైరవకోన అని ఆ మధ్యలో మూవీటీమ్ తెలిపింది కదా.
By: Tupaki Desk | 4 Nov 2023 12:29 PM GMT
మంచి టాలెంట్ ఉన్న నటుడు సందీప్ కిషన్. వైవిధ్యమైన పాత్రలు, కథలు చేయాలనే తపన ఆయనలో ఎప్పుడూ ఉంటుంది. కానీ విజయాలు ఆయనతో కలిసిరావడం లేదు. గత కొద్ది కాలంగా సందీప్ చేస్తున్న సినిమాలన్నీ వరుసగా నిరాశ పరుస్తున్నాయి. ఆ మధ్య చివరిగా ఆయన చేసిన పాన్ ఇండియా మైఖేల్ ఫలితం సందీప్ను పూర్తిగా నిరాశపరిచింది. ఇప్పుడు ఆయన సోషియో ఫాంటసీ ఊరు పేరు భైరవకోన అనే సినిమా చేస్తున్నారు.
విఐ ఆనంద్ దర్శకత్వం వహిస్తున్నారు. ఈ చిత్రం పోస్ట్ ప్రొడక్షన్ దశలో వుంది. అయితే ఈ చిత్రానికి ఆ మధ్యలో గట్టిగా ప్రమోట్ చేశారు. ప్రచార చిత్రాలు కూడా విడుదల చేసి సినీ ప్రియుల్లో క్యూరియాసిటీని కూడా పెంచారు. కానీ ఇప్పుడు ఈ సినిమా పేరే కొంత కాలం నుంచి సరిగ్గా వినపడట్లేదు. ఇంకా సాలిడ్ రిలీజ్ డేట్ను కూడా లాక్ చేసుకోలేకపోయింది.
అయితే తాజాగా ఈ సినిమా విడుదల తేదీ గురించి ఓ వార్త వినిపిస్తోంది. గరుడ పురాణంలో మాయమైపోయిన ఓ నాలుగు పేజీల కథే ఈ భైరవకోన అని ఆ మధ్యలో మూవీటీమ్ తెలిపింది కదా. ఇలాంటీ ఫాంటసీ ఎలిమెంట్స్ను తెరపై చూపించాలంటే మంచి విజువల్ ఎఫెక్ట్స్ ఉండాలి. వీఎఫ్ఎక్స్ వర్క్ ఉంటుంది. అయితే ఈ చిత్ర వీఎఫ్ఎక్స్ వర్క్తో దర్శకుడు ఆనందంగా సంతృప్తిగా లేరని తెలిసింది. అందుకే కొన్ని సన్నివేశాలను రీవర్క్ చేస్తున్నారని టాక్ వినిపిస్తోంది.
అందుకే ఇలా ఆలస్యం అవుతోందని అంటున్నారు. సీజీ వర్క్ మొత్తం అనుకున్న విధంగా పూర్తైతే.. చిత్రాన్ని వచ్చే ఏడాది 2024 ఫిబ్రవరిలో మంచి స్లాట్ చూసుకుని విడుదల చేయాలని మేకర్స్ ప్లాన్ చేస్తున్నారని తెలిసింది.
ఈ చిత్రాన్ని ఎకె ఎంటర్‌టైన్‌మెంట్స్ బ్యానర్లోనే నిర్మిస్తున్నారు. రాజేష్‌ దండా నిర్మాత. అనిల్‌ సుంకర సమర్పిస్తున్నారు. వర్ష బొల్లమ్మ, కావ్య థాపర్‌ కథానాయికలుగా నటిస్తున్నారు. కాగా, గతంలో దర్శకుడు ఆనంద్ - సందీప్ కలిసి మాయవన్ అనే సినిమా చేశారు. మరి వరుస ఫ్లాప్ల్లో ఉన్న సందీప్కు ఈ చిత్రం ఎలాంటి రిజల్ట్ను అందిస్తుందో చూడాలి.
