UI సైకలాజికల్ కల్కి.. ఆడియన్స్ అసలైన స్టార్స్..!

రెండు దశాబ్దాల క్రితమే పాన్ ఇండియా సినిమాలతో ప్రేక్షకులను అలరించిన హీరో ఉపేంద్ర. ఆయన తీసిన A, ఉపేంద్ర సినిమాలు తెలుగులో కూడా సూపర్ హిట్ అయ్యాయి. ఉపేంద్ర కథలు, సినిమాలు ఎప్పుడూ అడ్వాన్సెడ్ గా ఉంటాయిల్. ఆయన నుంచి చాలా కాలం తర్వాత తన మార్క్ గా వస్తున్న సినిమా UI. ఈ ఇయర్ మోస్ట్ అవైటెడ్ మూవీగా వస్తున్న ఈ సినిమాను ఉపేంద్ర స్వీయ దర్శకత్వంలో తెరకెక్కించారు. లహరి ఫిలింస్, జి మనోహరన్ & వీనస్ ఎంటర్టైనర్స్ కెపి శ్రీకాంత్ కలిసి ఈ మూవీ నిర్మించారు. ఈ సినిమాను తెలుగులో గీతా ఫిల్మ్ డిస్ట్రిబ్యూటర్స్ రిలీజ్ చేస్తున్నారు. ఇప్పటికే UI నుంచి వచ్చిన ప్రమోషనల్ కంటెంట్ కి సూపర్ రెస్పాన్స్ వచ్చింది. సినిమా డిసెంబర్ 20న ప్రేక్షకుల ముందుకు వస్తున్న ఈ సినిమా గురించి మీడియాతో ముచ్చటించారు ఉపేంద్ర. ఆ విశేషాలు ఏంటో ఇప్పుడు చూద్దాం.

'UI' కాన్సెప్ట్, ఐడియా ఎలా మొదలైంది ?

మన ఎడ్యుకేషన్ సిస్టం లో ఏ ఫర్ ఆపిల్.. బి ఫర్ బ్యాట్.. ఇలా నేర్పించారు. వాళ్లు ఏం చెప్తే అది బైహాడ్ చేసుకుని దాన్నే నేర్చుకున్నాం. అదొక సిస్టంలాగా మారిపోయింది. దీనివలన మన థింకింగ్ కెపాసిటీ తగ్గిపోయింది. అప్పుడే ఏ ఫర్ ఆపిల్ తో ఇంకొన్ని వర్డ్స్ చెప్పుంటే మన ఆలోచన మరోలా ఉండేది. నా కథల్లో కూడా అలాంటి ఏదైనా ఒక కొత్త ఆలోచననే చెప్పాలనే ప్రయత్నం చేస్తుంటాను.

UI ఆలోచన కూడా అలా వచ్చినదే. U అండ్ I... మీలోనూ నాలోను ఒకటే కథ ఉంది. నేను ఆలోచిస్తున్నట్టుగానే మీరు ఆలోచిస్తున్నారా? క్రాస్ చెక్ చేసుకున్నప్పుడు మన ఆలోచనలన్నీ ఒకేలా ఉన్నాయి. నేను ఫీల్ అవుతున్నాదే మీరూ ఫీల్ చేస్తున్నారు. ఇది ఆడియన్స్ తో ఇంటరాక్టివ్ అయ్యే సినిమా. చూస్తున్నప్పుడు ప్రేక్షకులే చాలా విషయాల్ని డీకోడ్ చేస్తారు. ఈ సినిమాని మెటాఫరికల్ చేశాం.

నా వరకు థియేటర్లో కూర్చుని సినిమా చూసిన ఆడియన్స్ అసలైన స్టార్స్. నా మొదటి సినిమాతోనే దాన్ని కన్ఫర్మ్ చేసుకున్నాను. ఆడియన్స్ ఒక ఫిలిం మేకర్ కంటే పైనే ఉంటారు. ఈ సినిమాతో ఆడియన్స్ ఇంటరాక్ట్ అవుతారు.

అమీర్ ఖాన్ ని కూడా మీ సినిమా కదిలించింది కదా ?

అమీర్ ఖాన్ గారు చాలా బిగ్ స్టార్. ఆయనకి మా సినిమా నచ్చడం చాలా ఆనందంగా ఉంది. అదంతా ఆయన గొప్పతనం. ఆయన సినిమా గురించి మాట్లాడారు. అది మాకు చాలా హెల్ప్ అయింది.

మీ సినిమాల్లో ఒక ఆవేశం ఉంటుంది. అలాంటి కథలు చెప్పాలనే ధైర్యం మీకు ఎలా వచ్చింది?

ఏమో నాకే తెలియదండి. నాకు చెప్పాలనిపించింది సినిమా ద్వారా చెప్పేస్తాను. ఏంజెల్స్ వెళ్లడానికి భయపడే దారిలో.. ఒక పూల్ వెళ్తాడని సామెత ఉంది. బహుశా ఆ గట్ ఫీలింగ్ తో వెళ్తున్నానేమో(నవ్వుతూ)

ఇదంతా ఆడియన్స్ గొప్పతనం గానే భావిస్తాను నా సినిమాలన్నింటి గురించి చాలా చక్కగా డీకోడ్ చేసి అంతాలా గుర్తుపెట్టుకోవడం చాలా ఆనందాన్నిస్తుంది.

ఈ సినిమా వార్నర్ వీడియోలో కల్కి లాంటి కాంప్లెక్స్ కనిపించింది.. దాని గురించి చెప్పండి?

అందులో మైథిలాజికల్ కల్కి చూశారు. ఇందులో సైకలాజికల్ కల్కి చూస్తారు.

మీ క్యారెక్టర్ చాలా కొత్తగా ఉంది. లుక్ పరంగా ఎలాంటి కేర్ తీసుకున్నారు?

నిజానికి లుక్ విషయంలో ఇందులో చాలా పెద్ద ప్రాసెస్ ఉంటుంది. ఏడాది స్క్రిప్ట్ కి పడితే మరో ఏడాది లుక్, క్యారెక్టర్ డిజైన్ కే పడుతుంది.

UI టెక్నికల్ వాల్యూస్ గురించి ?

ఆర్ట్ డైరెక్టర్ శివకుమార్ ఒక సర్రియల్ వరల్డ్ క్రియేట్ చేశారు. చాలా డిఫరెంట్ సెట్స్ డిజైన్ చేశాం. ఇందులో ఉండే సెట్స్ మొదట్లో చూసినప్పుడు చాలా విచిత్రంగా ఉంటాయి. తర్వాత డీకోడ్ చేసినప్పుడు దాని వెనుక ఉన్న మీనింగ్ అర్థం అవుతుంది.

అజ్నీస్ లోక్ నాథ్ మ్యూజిక్ ఈ సినిమాకి బిగ్ ప్లస్ పాయింట్. తను పాన్ ఇండియా మోస్ట్ సక్సెస్ఫుల్ మ్యూజిక్ డైరెక్టర్. నాకు చాలా టైం ఇచ్చి చాలా వండర్ఫుల్ మ్యూజిక్ ఇచ్చారు. హంగేరీలో రికార్డింగ్ చేసాము. చాలా వండర్ ఫుల్ గా వచ్చింది.

సినిమా రన్ టైం గురించి?

టు అవర్స్ టెన్ మినిట్స్ ఉంటుంది. నాకు ఏదైనా విషయాన్ని లాగ్ చేసి చెప్పడం ఇష్టం ఉండదు. సినిమా చాలా ఫాస్ట్ గా ఉంటుంది.

సన్నాఫ్ సత్యమూర్తి తర్వాత తెలుగులో మళ్లీ సినిమా చేయకపోవడానికి కారణం?

అల్లు అర్జున్ నా ఫేవరెట్ యాక్టర్. నేను ఆయనకి ఫ్యాన్ ని. అలాగే త్రివిక్రమ్ గారు చాలా ఇష్టం. ఆ ఇద్దరు కాంబినేషన్లో సన్ ఆఫ్ సత్యమూర్తి చేయడం చాలా ఆనందాన్నిచ్చింది. ఆ సినిమా తర్వాత కూడా కొన్ని కథలు వచ్చాయి. అయితే నా మూవీ వర్క్స్ ఉండడం వల్ల చేయడం కుదరలేదు.

మీ సినిమాలకి సీక్వెల్స్ చేసే ఆలోచన ఉందా?

లేదండి. నా కథలకు పార్ట్ 2 చేసే ఆలోచన నాకు రాదు. ఇంకా ఏమైనా కొత్త కథలు చెప్పాలని ఉంటుంది. ఈ సినిమా చూసిన తర్వాత ఆడియన్స్ దీనికి రెండో పార్ట్ కూడా చేయాలని అంటే అప్పుడు ఆలోచిస్తాను.

మీ కథల్లో బాధ పెట్టే వాళ్ళ కంటే బాధపడే వాళ్ళని ఎక్కువ క్వశ్చన్ చేస్తారు? దాని గురించి చెప్పండి?

మీరన్నది కరెక్టే. మనం ఎక్కువగా ప్రాబ్లం గురించే మాట్లాడుతాం. సొల్యూషన్ గురించి ఎవరు మాట్లాడరు. ఎందుకంటే సొల్యూషన్ ఇవ్వడం చాలా డిఫికల్ట్. ఈ విషయంలో కొంచెం ట్రై చేస్తాను. సొల్యూషన్ ఇక్కడే ఉంది దాని గురించి ఆలోచించండి అని చెప్పడానికి ప్రయత్నిస్తాను. అది కొంతమందికి అర్థమవుతుంది. కొంతమంది జాలీగా సినిమా చూసి వెళ్లిపోతారు.

మీ సినిమాలన్నీ చాలా డిఫరెంట్ కాన్సెప్ట్స్ తో ఉంటాయి కదా.. సెన్సార్ లో ఎలాంటి సమస్యలు ఎదుర్కొంటారు?

'ఓం' సినిమాకి చాలా ప్రాబ్లం అయింది. తర్వాత నా 'ఏ' సినిమా చూసి థిస్ ఫిల్మ్ ఇస్ అన్ ఫిట్ ఫర్ రిలీజ్ అని వెళ్ళిపోయారు. తర్వాత రివైజ్ కమిటీలో ఎక్స్ట్రాడినరీగా ఉందని సర్టిఫికెట్ ఇచ్చారు. నా కథలు, స్క్రీన్ ప్లే డిఫరెంట్ గా ఉంటాయి. బహుశా అందుకే అలా రియాక్ట్ అయి ఉంటారని భావించాను. ఈ సినిమా వరకు ఎలాంటి కట్స్ లేకుండా ఇచ్చారు.

ప్రేక్షకుల్ని ఆలోచింపజేసే సినిమాలు తీయాలనేది మీ ఉద్దేశమా?

లేదండి. సినిమా అనేది ఎప్పుడూ కూడా ఎంటర్టైన్మెంట్ మీడియా. ఆడియన్స్ ఎంటర్టైన్మెంట్ కోసం సినిమాకి వస్తారు. ఎంటర్టైన్మెంట్ కమర్షియల్ ఎలిమెంట్స్ అన్నీ ఉండాలి. ఈ సినిమాలో కూడా సాంగ్స్ ఫైట్స్ మంచి మ్యూజిక్ విజువల్ గ్రాండియర్ అన్ని ఉన్నాయి. నార్మల్ గా చూసినప్పుడు ఒక మంచి సినిమా లాగా ఉంటుంది. కొంచెం డీప్ గా వెళ్తే ఇంకొక లేయర్ కనిపిస్తుంది. ఇంకా డెప్త్ లో చూస్తే ఒక పొలిటికల్ యాంగిల్ కనిపిస్తుంది. ఇంకా లోతుగా వెళ్తే ఫిలాసఫికల్ యాంగిల్ కనిపిస్తుంది. అన్ని ట్రై చేశాను. ఆడియన్స్ ఎలా రియాక్ట్ అవుతారో చూడాలి.

ఒక ఫిలిం మేకర్ గా ఏదైనా మార్పు చేయాలని ఆలోచన ఉంటుందా ?

మార్చడానికి నేను ఎవరిని? నన్ను నేనే మార్చుకోలేకపోతుంటాను. నేను మెసేజ్ ఇవ్వను. తీసుకోను. ఈ సినిమాలో కూడా అదే చెప్పాను.

ఒకప్పటికి ఇప్పటికీ ఫిలిం టెక్నాలజీలో ఎలాంటి మార్పు వచ్చింది?

చాలా మార్పు వచ్చిందండి. ఇప్పుడు ఒక రూమ్ లో కూర్చుని ఒక ఫిలిం తయారు చేయొచ్చు. అయితే టెక్నాలజీని ఎలా వాడుతున్నాం అనేదాని మీదే అంత డిపెండ్ అయి ఉంటుంది.

మీ పోస్టర్స్ చాలా యూనిక్ గా ఉంటాయి దాని గురించి చెప్పండి?

నాగభూషణ్ అనే ఆర్టిస్ట్ చేస్తారు. సర్రిలిక్ గా డిజైన్ చేయడం నాకు ఇష్టం. ఈ టైటిల్ కూడా ఆడియన్స్ సినిమా చూసిన తర్వాత డీకోడ్ చేసేస్తారు.

నిర్మాతల గురించి?

అందరూ కెప్టెన్ అఫ్ ది షిప్ ఇంపార్టెంట్ అంటారు. నేను మాత్రం ఓనర్ ఆఫ్ ది షిప్ ఇంపార్టెంట్ అని అంటాను. ఈ సినిమాకి ఇంత పెద్ద స్కేల్లో ఖర్చు పెట్టి తీశారు అంటే ఆ క్రెడిట్ అంతా నిర్మాతలకే దక్కుతుంది. నిర్మాతలు పర్సనల్ ఇంట్రెస్ట్ తీసుకుని తీశారు. చాలా సపోర్ట్ ఇచ్చారు. సినిమాకి ఆర్టిస్టులు, టెక్నీషియన్లు, అందరి కాంట్రిబ్యూషన్ ఉంది. అంతా టీం వర్క్.

రజనీకాంత్ గారితో కూలీ సినిమా చేస్తున్నారు కదా.. ఎలా అనిపించింది ?

ఆయనతో వర్క్ చేయడం నా లైఫ్ డ్రీమ్. నేను ఆయనకి ఏకలవ్య శిష్యుడిని. ఆయనతో సినిమా చేయడం వండర్ఫుల్ ఎక్స్ పీరియన్స్.