ఉప్పి సార్ యూత్ పల్స్ పట్టేస్తారా..?

ఇప్పటి యూత్ ఆడియన్స్ కు ఉపేంద్ర గురించి ఆయన తీసిన సినిమాల గురించి తెలియదు కానీ ఒక రెండు దశాబ్ధాల క్రితం మాత్రం యూత్ ఐకాన్ అంటే ఉపేంద్ర అనిపించేలా చేసుకున్నాడు. ఆయన చేసిన కన్నడ సినిమాలు తెలుగు ప్రేక్షకులను కూడా ఉర్రూతలూగించేలా చేశాయి. ఏ, ఉపేంద్ర సినిమాలు ఉపేంద్ర కు తెలుగులో కూడా స్టార్ డం వచ్చేలా చేశాయి. ఆ తర్వాత ఆయన తెలుగులో కూడా కొన్ని సినిమాలు చేశారు. ఐతే ఆఫ్టర్ లాంగ్ గ్యాప్ ఉపేంద్ర తన మార్క్ సినిమాగా యూ.ఐ సినిమా చేస్తున్నాడు.

దేవుడి నామాల రూపంలో ఉన్న ఈ టైటిల్ తోనే ఈసారి తానొక ట్రెండ్ సృష్టించబోతున్న విషయాన్ని చెప్పారు ఉపేంద్ర. ఆయన స్వీయ దర్శకత్వంలో తెరకెక్కుతున్న ఈ UI సినిమా త్వరలో ప్రేక్షకుల ముందుకు రాబోతుంది. ఈ సినిమాతో మరోసారి ఉపేంద్ర స్టామినా ఏంటో తెలుస్తుందని అంటున్నారు. ఉపేంద్ర, రీష్మ నానయ్య లీడ్ రోల్ లో నటించిన UI ప్రచార చిత్రాలు సినిమాపై మంచి బజ్ పెంచాయి.

ఈ సినిమాలో మరోసారి ఒకప్పటి ఉపేంద్రా కనిపిస్తారని అంటున్నారు. కన్నడలో అయితే UI సినిమా గురించి ఒక రేంజ్ లో హంగామా జరుగుతుంది. తెలుగు రాష్ట్రాల్లో కూడా ఉపేంద్ర ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు. ఐతే ఒకప్పటి యూత్ ఆడియన్స్ ని తన సినిమాలతో అలరించిన ఉపేంద్ర ఇప్పటి యూత్ ఆడియన్స్ పల్స్ పట్టేస్తాడా లేదా అన్నది చూడాలి.

హీరోగా చేస్తూనే సినిమాలో బలమైన పాత్ర ఉంటే చేస్తూ వస్తున్న ఉపేంద్ర చివరగా తెలుగులో అల్లు అర్జున్ సన్నాఫ్ సత్యమూర్తి సినిమాలో నటించారు. ఇచ్చిన పాత్ర ఎలాంటిదైనా తన మార్క్ నటనతో దానికి ఒక పరిపూర్ణత తీసుకొస్తారు ఉపేంద్ర. అందుకే ఆయన క్రేజ్ ఎప్పటికీ ఒకేలా ఉంటుంది. UI తో మరోసారి తన మాస్ స్టామినా చూపించాలని చూస్తున్న ఉపేంద్ర ప్రయత్నాలు ఎంతవరకు ఫలిస్తాయన్నది చూడాలి. ఈ సినిమా ప్రమోషన్స్ బాధ్యత కూడా తన భుజాన వేసుకున్న ఉపేంద్ర. ప్రేక్షకులకు ఈసారి తన సినిమా ద్వారా ఒక డిఫరెంట్ ఎక్స్ పీరియన్స్ అందిస్తానని అంటున్నారు. ఉపేంద్ర బల్ల గుద్ది చెబుతున్నారు అంటే కచ్చితంగా యు.ఐ లో ఆయన మార్క్ స్పష్టంగా ఉంటుందని ప్రేక్షకులు అంచనా వేస్తున్నారు.