కీర్తి సురేష్ తో సుహాస్.. జెట్ స్పీడ్ లోనే..

దసరా మూవీ తర్వాత కీర్తి సురేష్ తెలుగులో చేస్తోన్న సినిమా ఉప్పు కప్పురంబు. డిఫరెంట్ టైటిల్ తో తెరకెక్కుతోన్న ఈ మూవీలో సుహాస్ మరో కీలక పాత్రలో నటించాడు. అయితే వీరిద్దరూ హీరో, హీరోయిన్స్ గా నటించారా లేదంటే డిఫెరెంట్ రోల్స్ లో కనిపించబోతున్నారా అనేది మాత్రం తెలియదు. యంగ్ హీరో సుహాస్ వరుస హిట్స్ తో మంచి జోరు మీద ఉన్నాడు. డిఫరెంట్ కథలతో తన జర్నీని సాగిస్తున్నాడు.

ఈ సినిమాని అమెజాన్ ప్రైమ్ ఒరిజినల్ మూవీగా నిర్మిస్తోంది. ఐ.వి.శశి దర్శకత్వంలో ఈ మూవీ రెడీ అవుతోంది. నిన్నిలా నిన్నిలా సినిమాతో శశి దర్శకుడిగా కెరియర్ స్టార్ట్ చేశాడు. ఈ మూవీ పర్వాలేదనే టాక్ తెచ్చుకుంది. రెండో సినిమాగా ఉప్పు కప్పురంబు సినిమాని తెరకెక్కించారు. సినిమా బండి మూవీకి కథ అందించిన వసంత్ మారిగంటి ఉప్పు కప్పురంబు సినిమాకి కూడా స్టోరీ సమకూర్చారు.

అవుట్ అండ్ అవుట్ ఎంటర్టైన్మెంట్ తో ఈ మూవీ కథాంశం ఉండబోతోందని తెలుస్తోంది. ఇదిలా ఉంటే ఈ సినిమా షూటింగ్ కంప్లీట్ అయినట్లు తాజాగా సుహాస్ కన్ఫర్మ్ చేశారు. ఇన్ స్టాగ్రామ్ లో షూటింగ్ కంప్లీట్ అయ్యిందని కీర్తి సురేష్ తో కలిసి దిగిన ఫోటోని సుహాస్ షేర్ చేసుకున్నారు. ఈ ఫోటోలో కీర్తి చాలా ఫ్రెండ్లీగా సుహాస్ ని హగ్ చేసుకుంటూ కనిపించింది. జెట్ స్పీడ్ లోనే షూటింగ్ ఫినిష్ చేశారు.

కీర్తి సురేష్ తో కలిసి వర్క్ చేయడం చాలా సంతోషంగా ఉందని ఈ సందర్భంగా సుహాస్ తెలియజేశారు. త్వరలో అమెజాన్ ప్రైమ్ నుంచి ఈ మూవీ రిలీజ్ డేట్ పై ఎనౌన్స్ మెంట్ వచ్చే అవకాశం ఉందని తెలుస్తోంది. సుహాస్ ఈ ఏడాది అంబాజీపేట మ్యారేజ్ బ్యాండ్, శ్రీరంగ నీతులు, ప్రసన్న వదనం సినిమాలతో ప్రేక్షకుల ముందుకి వచ్చారు. ఈ మూడింటిలో రెండు కమర్షియల్ హిట్ అయ్యాయి. శ్రీరంగ నీతులు ఓటీటీ ఆడియన్స్ ని మెప్పించింది.

ఈ ఏడాదిలోనే 'జనక అయితే గనక' అనే మరో సినిమా కూడా సుహాస్ నుంచి రాబోతోంది. ఇప్పటికే ఈ మూవీ టీజర్ రిలీజ్ అయ్యింది. టీజర్ కి పాజిటివ్ రెస్పాన్స్ వచ్చింది. మరో ఇంటరెస్టింగ్ కథతో ఈ జెనరేషన్ కి కనెక్ట్ అయ్యే లైన్ తో మూవీ ఉండబోతోందని తెలుస్తోంది. దాంతో పాటు ఉప్పు కప్పురంబు మూవీ కూడా ఓటీటీలో రిలీజ్ అయితే ఈ ఏడాది అత్యధిక సినిమాలతో ప్రేక్షకుల ముందుకొచ్చిన హీరోగా సుహాస్ ఉంటాడు.