ఉస్తాద్ భగత్ సింగ్.. మరో స్ట్రాంగ్ కత్తితో పవన్

పవర్ స్టార్ పవన్ కళ్యాణ్ పుట్టినరోజు సందర్భంగా రాబోయే సినిమాలకు సంబంధించిన అప్డేట్స్ అయితే ఒకదాని తర్వాత మరొకటి రిలీజ్ అవుతూ ఉన్నాయి. ప్రస్తుతం లైనప్ లో ఉన్న సినిమాలు వేటికవే భిన్నంగా తెరిపైకి రాబోతున్నాయి. అయితే అందులో రీమేక్ సినిమాలపై ఫ్యాన్స్ అయితే కొంత ఆ సంతృప్తితోనే ఉన్నారు. ఇక మొత్తానికి ఈరోజు OG సినిమా అప్డేట్ తో అయితే ఫ్యాన్స్ సంబరాలు చేసుకున్నారు.

సుజీత్ అంచనాలకు తగ్గట్టుగానే పవన్ కళ్యాణ్ ను హై వోల్టేజ్ యాక్షన్ తో ప్రజెంట్ చేయడంతో తప్పకుండా సినిమా ఆకట్టుకుంటుంది అనే నమ్మకంతో ఉన్నారు. అయితే అంతకంటే ముందుగానే తెల్లవారుజామున హరిహర వీరమల్లు పోస్టర్ తో కొంత పాజిటివ్ వైబ్రేషన్స్ క్రియేట్ చేశారు. ఆ సినిమా ఆగిపోయి చాలా రోజులయ్యింది. ఒక సినిమా ఉంటుందో లేదో అని అనుకుంటున్న సమయంలో మొత్తానికి పోస్టర్ వదిలి ఒక నమ్మకం అయితే ఇచ్చారు.

ఇక అందరి ఫోకస్ హరీష్ శంకర్ ఉస్తాద్ భగత్ సింగ్ మీదే ఉండగా సాయంత్రం మరో అద్భుతమైన పోస్టర్ విడుదల అయింది. ఈ సినిమాకు సంబంధించిన ఫస్ట్ టీజర్ కూడా ఇదివరకే విడుదలైన విషయం తెలిసిందే. ఇక నేడు పుట్టినరోజు సందర్భంగా చిత్ర యూనిట్ పవన్ కళ్యాణ్ కు శుభాకాంక్షలు తెలుపుతూ ఫ్యాన్స్ కిక్కించే విధంగా ఒక మంచి పోస్టర్ అయితే రిలీజ్ చేసింది.

అందులో పవన్ కళ్యాణ్ ముస్లిం మతస్తులకు అండగా ఉంటున్నట్లుగా హైలెట్ చేశారు. కళ్ళజోడు లుంగీలో చేతిలో రక్తంతో ఉన్న కత్తిని పవన్ పట్టుకొని ఉన్నాడు. చూస్తూ ఉంటే పవన్ కళ్యాణ్ ఇందులో సెన్సిటివ్ అంశాలను టచ్ చేయబోతున్నట్లుగా తెలుస్తోంది. మొత్తానికి ఓజి గ్లింప్స్ తో పాటు ఇందులో కూడా కత్తి కనిపించడంతో ఈరోజు పవన్ కళ్యాణ్ బర్తడే అప్డేట్స్ అయితే ఫ్యాన్స్ కు మంచి కిక్ ఇచ్చాయి.

ఈ సినిమా తమిళ హిట్ మూవీ తేరికి రీమేక్ అని అందరికీ తెలిసిన విషయమే. కానీ దర్శకుడు హరీష్ తనదైన శైలిలో పవన్ కళ్యాణ్ ను ఈ సినిమాలో డిఫరెంట్ గా చూపించడానికి ప్రయత్నం చేస్తున్నాడు. మైత్రి మూవీ మేకర్స్ నిర్మిస్తున్న ఈ సినిమాలో శ్రీలీల మెయిన్ హీరోయిన్ గా నటిస్తోంది. ఇక త్వరలోనే మరిన్ని అప్డేట్స్ రాబోతున్నాయి.