సంక్రాంతికి కుదరకపోతే.. ఉస్తాద్ సెకండ్ ప్లాన్..

పవర్ స్టార్ పవన్ కళ్యాణ్ హీరోగా హరీష్ శంకర్ దర్శకత్వంలో తెరకెక్కుతోన్న సినిమా ఉస్తాద్ భగత్ సింగ్. తమిళ్ హిట్ మూవీ తెరి రీమేక్ గా ఈ చిత్రాన్ని సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. అయితే రీమేక్ ల విషయంలో హరీష్ శంకర్ కింగ్ అనే సంగతి తెలిసిందే. అందుకే ఉస్తాద్ భగత్ సింగ్ కచ్చితంగా బ్లాక్ బస్టర్ పక్కా అని అందరూ భావిస్తున్నారు. ఈ సినిమా30 శాతం షూటింగ్ ఇప్పటికే కంప్లీట్ అయ్యింది.

ప్రస్తుతం పవర్ స్టార్ పవన్ కళ్యాణ్ వారాహి యాత్రతో బిజీగా ఉన్నారు. ఈ కారణంగా ఉస్తాద్ భగత్ సింగ్ మూవీ షూటింగ్ వాయిదా పడింది. తాజాగా నెక్స్ట్ షెడ్యూల్ ప్లాన్ చేసుకోమని పవర్ స్టార్ నుంచి హరీష్ శంకర్ కి కన్ఫర్మేషన్ వచ్చినట్లుగా తెలుస్తోంది. దీంతో సినిమా షూటింగ్ షెడ్యూల్ కోసం దర్శకుడు హరీష్ శంకర్ కసరత్తు చేస్తున్నారు. ఈ చిత్రాన్ని వచ్చే సంక్రాంతికి రిలీజ్ చేయాలని హరీష్ శంకర్ భావించారు.

కానీ పవన్ కళ్యాణ్ ప్రస్తుతం ఉన్న బిజీ షెడ్యూల్లో ఈ సినిమాకి డేట్స్ వెంట వెంటనే ఇచ్చే అవకాశం లేదు. ఓవైపు వారాహి యాత్ర చూసుకుంటూనే ఉస్తాద్ భగత్ సింగ్ మూవీ కంప్లీట్ చేయాల్సి ఉంది. దీంతో ఈ చిత్రాన్ని వచ్చే ఏడాది ఆరంభంలో రిలీజ్ చేయడానికి ప్లాన్ చేసుకున్నట్లుగా ఇండస్ట్రీ వర్గాలలో వినిపిస్తున్న మాట. అసెంబ్లీ ఎన్నికల కంటే ముందుగానే సమ్మర్ లో ఉస్తాద్ భగత్ సింగ్ సినిమాని ప్రేక్షకులకు అందించాలని హరీష్ శంకర్ అనుకుంటున్నారంట.

మరోవైపు సుజిత్ దర్శకత్వంలో ఓజీ మూవీ కూడా పవన్ కళ్యాణ్ చేస్తున్నారు. ఈ మూవీ షూటింగ్ దశలోనే ఉంది. ఇప్పటికే పవన్ కళ్యాణ్ కి సంబందించిన కీలక ఎపిసోడ్స్ అన్ని కూడా కంప్లీట్ చేసినట్లు తెలుస్తోంది. కరెక్ట్ గా 30 రోజుల కాల్ షీట్స్ ఇస్తే పవర్ స్టార్ కి సంబందించిన పోర్షన్ కంప్లీట్ అయిపోతుందంట. ఈ చిత్రాన్ని డివివి దానయ్య పాన్ ఇండియా రేంజ్ లో రిలీజ్ చేయడానికి ప్లాన్ చేస్తున్నారు. అలాగే డిసెంబర్ లో క్రిస్మస్ డేస్ లో ప్రేక్షకులకి అందించాలని భావిస్తున్నారు.

ఉస్తాద్ భగత్ సింగ్ కి పవన్ కళ్యాణ్ కనీసం 50 నుంచి 70 రోజులు డేట్స్ కేటాయించాల్సి ఉంది. సినిమా మొత్తం ఆయనే కనిపించనున్న నేపథ్యంలో మెజారిటీ సీన్స్ లో పవన్ కళ్యాణ్ స్క్రీన్ ప్రెజెన్స్ ఉంటుంది. ఈ కారణంగానే ఎక్కువ రోజులు ఉస్తాద్ కోసం కేటాయించాలంట. మరి నెక్స్ట్ షెడ్యూల్ కి పవన్ గ్రీన్ ఇచ్చిన నేపథ్యంలో షూటింగ్ ఇప్పటి నుంచి జరిగే అవకాశం ఉందనేది తెలియాల్సి ఉంది.