హరీష్ శంకర్ తో మెగాస్టార్.. మ్యాటర్ ఏంటంటే..

కమర్షియల్ డైరెక్టర్ హరీష్ శంకర్ మిస్టర్ బచ్చన్ సినిమా విడుదలకు ముందు చాలా కాన్ఫిడెంట్ గానే కనిపించాడు. కానీ ఆ సినిమా ఊహించని ఫలితాన్ని ఇచ్చింది. ఈ సినిమా ఇంపాక్ట్ అయితే అతని కెరియర్ మీద పెద్దగా పడకపోవచ్చనే మాట వినిపిస్తోంది. ఇప్పుడు పవన్ కళ్యాణ్ తో చేయబోయే ఉస్తాద్ భగత్ సింగ్ పూర్తి చేయడానికి హరీష్ శంకర్ ప్లాన్ చేసుకుంటున్నారు. అది మినిమమ్ హిట్టయినా లైన్ లోకి వచ్చినట్లే

పవన్ కళ్యాణ్ డేట్స్ కోసం హరీష్ వెయిట్ చేస్తున్నారు. పవన్ కళ్యాణ్ మొదటిగా ఓజీ, హరిహర వీరమల్లు సినిమాల షూటింగ్స్ కంప్లీట్ అయ్యాక ఉస్తాద్ భగత్ సింగ్ స్టార్ట్ అయ్యే అవకాశం ఉందంట. ఇదిలా ఉంటే హరీష్ శంకర్ మెగాస్టార్ చిరంజీవితో మూవీ చేస్తారనే మాట చాలా కాలంగా వినిపిస్తోంది. మిస్టర్ బచ్చన్ మూవీ ప్రమోషన్స్ లో కూడా హరీష్ శంకర్ ఈ విషయంపై క్లారిటీ ఇచ్చారు.

అయితే మెగాస్టార్ తో సినిమా ఎప్పుడు ప్రారంభం అవుతుందనేది బాస్ చేతిలోనే ఉందని హరీష్ శంకర్ అన్నారు. ఇదిలా ఉంటే హరీష్ శంకర్ దర్శకత్వంలో మెగాస్టార్ చిరంజీవి షూట్ సారధి స్టూడియోలో జరిగిందంట. అయితే ఇది ఒక యాడ్ షూట్ అని తెలుస్తోంది. ఈ యాడ్ కి హరీష్ శంకర్ డైరెక్షన్ చేసినట్లు తెలుస్తోంది.

అయితే మెగాస్టార్ చిరంజీవి చాలా కాలంగా కమర్షియల్ యాడ్స్ చేయడం లేదు. మరి ఇప్పుడు చేస్తున్నది కమర్షియల్ యాడా, లేదంటే ఏదైనా సోషల్ అవేర్ నెస్ కోసం చేస్తోన్న యాడ్ షూటా అనేది తెలియాల్సి ఉంది. ఇదిలా ఉంటే మెగాస్టార్ చిరంజీవి ప్రస్తుతం వశిష్ట మల్లిడి దర్శకత్వంలో విశ్వంభర మూవీ చేస్తున్నారు. ఈ మూవీ షూటింగ్ దశలో ఉంది.

2025 సంక్రాంతికి విశ్వంభర మూవీ థియేటర్స్ లోకి రానుంది. దీని తర్వాత మోహన్ రాజా దర్శకత్వంలో చిరంజీవి ఒక సినిమా చేయనున్నారు. సుస్మిత కొణెదల ఈ చిత్రాన్ని నిర్మించబోతోందని తెలుస్తోంది. బీవీఎస్ రవి ఈ సినిమాకి కథ అందిస్తున్నారంట. త్వరలో ఈ చిత్రానికి సంబందించిన అఫీషియల్ ప్రకటన వచ్చే అవకాశం ఉందనే టాక్ వినిపిస్తోంది.

ఈ సినిమా కూడా కంప్లీట్ అయ్యాక అప్పటి సిచువేషన్ బట్టి హరీష్ శంకర్ దర్శకత్వంలో మెగాస్టార్ చిరంజీవి మూవీ చేసే అవకాశం ఉండొచ్చనే ప్రచారం నడుస్తోంది. ఈ లోపు హరీష్ శంకర్ కూడా పవన్ కళ్యాణ్ తో ఉస్తాద్ భగత్ సింగ్ చిత్రాన్ని పూర్తి చేసే ఛాన్స్ ఉంటుంది.