టాలీవుడ్ క్రష్ వైష్ణవి లిస్టులో ఆ ఇద్దరు స్టార్స్

బేబీ సినిమాతో హీరోయిన్ గా టాలీవుడ్ లో సెన్సేషన్ క్రియేట్ చేసి తనదైన పర్ఫామెన్స్ తో వరుస అవకాశాలు అందుకుంటున్న అందాల భామ వైష్ణవి చైతన్య. తెలుగు అమ్మాయిలకు టాలీవుడ్ లో పెద్దగా ఛాన్స్ లు రావనే టాక్ చాలా కాలంగా ఉంది. దానికి తగ్గట్లుగానే ఎప్పటి నుంచో హీరోయిన్స్ గా కొనసాగుతున్న తెలుగు బ్యూటీస్ గ్లామర్ షోకి సై అంటున్నా కూడా అవకాశాలు ఆశించిన స్థాయిలో రావడం లేదు.

అయితే బేబీ సినిమా తర్వాత వైష్ణవి చైతన్య వరుసగా రెండు పెద్ద బ్యానర్లలో అవకాశాలు అందుతుంది. ప్రస్తుతం టాలీవుడ్ హీరోయిన్స్ లో యూత్ క్రష్ గా వైష్ణవి చైతన్య మంచి ఇమేజ్, ఫ్యాన్ ఫాలోయింగ్ సొంతం చేసుకుంది. హీరోయిన్ గా చేసిన మొదటి సినిమాలోనే బోల్డ్ పెర్ఫార్మన్స్ తో అందర్నీ క్లీన్ బోల్డ్ చేసిన వైష్ణవి నెక్స్ట్ టాలీవుడ్ స్టార్ హీరోయిన్ అనేంతలా క్రేజ్ సొంతం చేసుకుంది.

ప్రస్తుతం ఈ బ్యూటీ లవ్ మీ (ఇఫ్ యు డేర్) అనే సినిమాతో ప్రేక్షకుల ముందుకు రాబోతోంది. దిల్ రాజు బ్యానర్ లో ఆశిష్ హీరోగా లవ్ అండ్ హారర్ థ్రిల్లర్ జోనర్ లో ఈ మూవీ తెరకెక్కింది. అరుణ్ భీమవరపు ఈ చిత్రంతో దర్శకుడుగా పరిచయం అవుతున్నారు. తాజాగా మూవీ ట్రైలర్ ప్రేక్షకుల ముందుకు వచ్చింది. ఈ సందర్భంగా ఏర్పాటు చేసిన మీడియా మీట్ లో వైష్ణవి చైతన్య ఆసక్తికర విషయాలు పంచుకుంది.

అల్లు అర్జున్ తో హీరోయిన్ నటించే ఛాన్స్ వస్తే నటిస్తారా అని మీడియా అడిగిన ప్రశ్న కచ్చితంగా చేస్తానని వైష్ణవి సమాధానం చెప్పింది. అల వైకుంఠపురములో వైష్ణవి అల్లు అర్జున్ చెల్లెలుగా నటించింది. అలాగే సందీప్ రెడ్డి వంగా దర్శకత్వంలో తెరకెక్కనున్న స్పిరిట్ మూవీలో ప్రభాస్ చెల్లిగా నటిస్తున్నారా అని మరో జర్నలిస్ట్ అడిగారు. ఆ వార్తల్లో ఎలాంటి నిజం లేదని, ఒకవేళ నటించే అవకాశం నమస్తే వదులుకోనని చెప్పుకొచ్చింది.

తన అభిమాన హీరో రామ్ పోతినేని అని, చిన్నప్పటి నుంచి అతనంటే తనకి క్రష్ ఉందని మీడియా మీట్ లో వైష్ణ చెప్పడం విశేషం. ప్రస్తుతం బ్యూటీ బొమ్మరిల్లు భాస్కర్ దర్శకత్వంలో సిద్దు జొన్నలగడ్డకి జోడిగా జాక్ అనే మూవీలో నటిస్తోంది. మరో రెండు మూడు సినిమాలు చర్చల దశలో ఉన్నట్లు ఇండస్ట్రీ వర్గాల్లో వినిపిస్తున్న మాట. ఒక వేళ రామ్ పోతినేనికి జోడీగా వైష్ణవికి ఛాన్స్ వచ్చిన ఆశ్చర్యపోవాల్సిన పని లేదు.