మాస్ 'మట్కా'.. ఓ పనైపోయింది

మెగా ప్రిన్స్ వరుణ్ తేజ్ హీరోగా, కరుణ కుమార్ దర్శకత్వంలో తెరకెక్కుతున్న మాస్ యాక్షన్ ఎంటర్టైనర్ ‘మట్కా’ మూవీ షూటింగ్ పూర్తి అయింది. వైరా ఎంటర్‌టైన్‌మెంట్స్ మరియు ఎస్ఆర్టీ ఎంటర్‌టైన్‌మెంట్స్ బ్యానర్లపై డాక్టర్ విజయేందర్ రెడ్డి తీగల, రాజని తల్లూరి భారీ బడ్జెట్‌తో ఈ సినిమాను నిర్మిస్తున్నారు. ఇటీవల విడుదలైన టీజర్, మరియు మేకింగ్ వీడియోలు మంచి స్పందన తెచ్చుకున్నాయి. యాక్షన్ సన్నివేశాలతో పాటు వరుణ్ తేజ్ లుక్ సినిమాపై అంచనాలు పెంచాయి.

ఈ రోజు దసరా సందర్భంగా చిత్ర యూనిట్ శుభాకాంక్షలు తెలియజేస్తూ, సినిమా విడుదలకు సమీపిస్తున్నట్లు ప్రకటించారు. చిత్ర యూనిట్ తెలిపిన వివరాల ప్రకారం, నవంబర్ 14న ప్రపంచవ్యాప్తంగా ఈ సినిమా థియేటర్లలో విడుదల కానుంది. ప్రొడక్షన్ వర్క్స్ ముగిసినా, పోస్ట్ ప్రొడక్షన్ పనులు కూడా వేగంగా సాగుతున్నాయి. ఇప్పటికే ప్రమోషనల్ కార్యక్రమాలు ప్రారంభం కావడంతో, ప్రేక్షకులలో ఈ సినిమాపై మంచి బజ్ ఏర్పడింది.

‘మట్కా’లో వరుణ్ తేజ్ తన పాత్రలో విభిన్నమైన లుక్ లో కనిపించనున్నాడు. ఇటీవల విడుదలైన పోస్టర్ లో ఓ వృద్ధుడు గెటప్ లో గన్ పట్టుకొని, సిగరెట్ తాగుతూ కఠినమైన లుక్ లో ఉన్నాడు. ఆ లుక్ సినిమాకు మరింత హైప్ తెచ్చిపెట్టింది. ఇందులో అతని పెర్ఫార్మెన్స్ అత్యంత ఆసక్తికరంగా ఉండబోతుందని చిత్ర యూనిట్ చెబుతోంది.

ఇక ఈ సినిమా వరుణ్ తేజ్ కెరీర్ లో అత్యంత భారీ బడ్జెట్‌తో నిర్మిస్తున్న ప్రాజెక్ట్. హీరోయిన్ గా మీనాక్షి చౌదరి మరియు నోరా ఫతేహీ ప్రధాన పాత్రల్లో నటిస్తున్నారు. సినిమాకు జివి ప్రకాష్ కుమార్ సంగీతం అందిస్తున్నారు. అద్భుతమైన ట్యూన్స్‌తో ఇప్పటికే సౌండ్ ట్రాక్ పట్ల ప్రేక్షకుల్లో ఆసక్తి పెరుగుతోంది. కార్తికా శ్రీనివాస్ ఎడిటింగ్ వహించగా, కెమెరా వర్క్ కోసం ఏ. కిశోర్ కుమార్ పని చేస్తున్నారు.

మట్కా సినిమా వాస్తవికత, మాస్ ఎలిమెంట్స్ కలబోసిన డ్రామా తో రూపొందించబడింది. కరుణ కుమార్ దర్శకత్వం సినిమాకు ప్రధాన బలం అవుతుందని, యాక్షన్ ప్రాధాన్యత కలిగిన సీన్స్ ప్రేక్షకులను ఆకట్టుకునేలా ఉంటాయని సమాచారం. ‘మట్కా’ సినిమా వరుణ్ తేజ్ అభిమానులకు పెద్ద పండుగలా ఉండబోతోందని చిత్ర యూనిట్ చెబుతోంది. యాక్షన్ ఎంటర్‌టైన్‌మెంట్‌తో పాటు సినిమా ఎమోషనల్ సన్నివేశాలతో ప్రేక్షకులను కట్టిపడేస్తుందని, నవంబర్ 14న థియేటర్లలో సినిమా విడుదలకు సర్వం సిద్ధమైందని చిత్ర బృందం తెలిపింది.