వ‌రుణ్ తేజ్ వాట్ నెక్స్ట్?

మెగా ప్రిన్స్ వ‌రుణ్ తేజ్ న‌టించిన 'మ‌ట్కా' భారీ అంచ‌నాల మ‌ధ్య రిలీజ్ అయి డిజాస్ట‌ర్ అయిన సంగ‌తి తెలిసిందే. ఈ సినిమా కోసం వ‌రుణ్ తేజ్ ఎంత ఎఫెర్ట్ పెట్టి ప‌నిచేసాడో తెలిసిందే. వ‌రుణ్ కెరీర్ లోనే తొలి భారీ బ‌డ్జెట్ చిత్రంగా దీన్ని ప‌ట్టాలెక్కించారు. అందుకే పాన్ ఇండియాలో భారీ ఎత్తున రిలీజ్ చేసారు. కానీ అన్ని అంచ‌నాలు తొలి షోతోనే తారుమార‌య్యాయి. ఏదో అనుకుంటే మార్కెట్ లో ఇంకేదో జ‌రిగింది.

ఇది ఏమాత్రం ఊహించ‌న‌ది. ముఖ్యంగా వ‌రుణ్ తేజ్ చాలా ఆశ‌లు పెట్టుకున్నాడు. అంత‌కు ముందు న‌టించిన 'గాంధీవ‌దారి అర్జున‌', 'ఆప‌రేష‌న్ వాలెంటైన్' ప్లాప్ అయ్యాయి. ఈ రెండు చిత్రాల‌కంటే ముందు 'ఎఫ్ -3' తో చిన్న పాటి విజ‌యాన్ని వెంక‌టేష్ తో షేర్ చేసుకోవాల్సి వ‌చ్చింది. దీంతో 'మ‌ట్కా'తో సోలో గా బంప‌ర్ హిట్ కొట్టాల‌ని ఆశించాడు కానీ ప‌న‌వ్వ‌లేదు. మ‌రి ఇప్పుడు వ‌రుణ్ తేజ్ ఏం చేస్తున్న‌ట్లు? అంటే ఇంత‌వ‌ర‌కూ కొత్త ప్రాజెక్ట్ ఏది క‌మిట్ అవ్వ‌లేదు.

సాధార‌ణంగా ఓ సినిమా సెట్స్ లో ఉండ‌గానే రెండు..మూడు సినిమాల‌కు సంత‌కం చేస్తాడు. కానీ 'మ‌ట్కా' సెట్స్ లో ఉండ‌గా అలాంటివేం జ‌ర‌గ‌లేదు. మ‌రి విన్న క‌థ‌లేవి న‌చ్చ‌లేదా? లేక ద‌ర్శ‌కులు సెట్ అవ్వ‌లేదా? అసలు స్టోరీలే విన‌లేదా? అన్న‌ది తెలియాల్సిన అంశం. ఏది ఏమైనా వ‌రుణ్ ఇలా సైలెంట్ గా ఉండ‌టం మెగా అభిమానుల్ని కాస్త నిరుత్సాహ ప‌రుస్తుంది. మెగా ఫ్యామిలీ హీరోల్లో డిఫ‌రెంట్ అటెంప్ట్ లు చేయ‌డం వ‌రుణ్ కే చెల్లింది.

టెక్నిక‌ల్ కాన్సెప్ట్ లు ఎంచుకోవాల‌న్నా? ఇన్నోవేటివ్ థాట్స్ ఎంక‌రేజ్ చేయాల‌న్నా వ‌రుణ్ ముందుంటాడు. అలాంటి న‌టుడి ప్ర‌యత్నాలు స‌క్సెస్ అయితే మ‌రింత మంది కొత్త వారికి అవ‌కాశాలు ద‌క్కుతాయి. కొత్త వారిని ప్రోత్స‌హించ‌డంలో వ‌రుణ్ ముందుంటాడు. కొత్త ఏడాదిలోకి అడుగు పెట్ట‌డానికి ఇంకా న‌ల‌భై రోజులే స‌మ‌యం ఉంది. మ‌రి ఈలోగా కొత్త ప్రాజెక్ట్ ని సెట్ చేసి కొత్త ఏడాదిలో తీపి క‌బురు చెబుతాడా? అన్న‌ది చూడాలి.