వరుణ్​-లావణ్య ప్రీ వెడ్డింగ్ పార్టీ.. ఎవరెవరు వచ్చారంటే..

మెగా హీరో వరుణ్‌ తేజ్‌ - లావణ్య త్రిపాఠి పెళ్లి వేడుకలు సందడి సందడి సాగుతున్నాయి. ఈ క్రమంలోనే ఇటీవల మెగాస్టార్​ చిరంజీవి ఇంట్లో ప్రీ వెడ్డింగ్‌ సెలబ్రేషన్స్‌ గ్రాండ్​గా జరిగిన సంగతి తెలిసిందే. తాజాగా ఇప్పుడు అల్లు వారి నివాసంలో మరో గ్రాండ్‌ పార్టీని నిర్వహించారు. కాబోయే నూతన వధూవరులకు అభినందనలు తెలుపుతూ ఈ పార్టీ చేశారు.

హీరో అల్లు అర్జున్‌ కుటుంబ సభ్యులు​ ఈ గ్రాండ్​ పార్టీని ఏర్పాటు చేసి గెస్ట్​లను ఆహ్వానించారు. మెగాస్టార్​ చిరంజీవి, అల్లు అరవింద్‌ ఫ్యామిలీ మెంబర్స్​తో పాటు హీరో నితిన్‌, ఆయన సతీమణి షాలినీ, నటి రీతూవర్మ, పలువురు సన్నిహితులు పార్టీలో సందడి చేస్తూ ఎంజాయ్ చేశారు.

దీనికి సంబంధించిన పిక్స్​ను అల్లు శిరీష్‌ సోషల్​ మీడియాలో ఎక్స్ ట్విట్టర్​లో షేర్​ చేశారు. "త్వరలో వరుణ్‌ - లావణ్య పెళ్లి జరగనున్న సందర్భంగా మా ఇంట్లో ఓ గ్రాండ్​ పార్టీ జరిగింది" అని శిరీష్​ వ్యాఖ్య రాసుకొచ్చారు. ప్రస్తుతం ఈ ఫొటోలు సోషల్​ మీడియాలో బాగా ట్రెండ్ అవుతున్నాయి. ఇవి చూసిన నెటిజన్లు, అభిమానులు వరుణ్​ - లావణ్యకు మరోసారి శుభాకాంక్షలు తెలుపుతున్నారు.

కాగా, 'మిస్టర్‌' సినిమా సమయంలో వరుణ్‌ తేజ్‌ - లావణ్య త్రిపాఠి స్నేహితులయ్యారు. ఆ తర్వాత అంతరిక్షం మూవీ షూటింగ్​లో ప్రేమలో పడ్డారు. అభిరుచులు కలవడంతో రిలేషన్‌లోకి వచ్చారు. మొదట వరుణ్​ తేజ్​ ప్రపోజ్‌ చేశారు. దానికి లావణ్య ఓకే చెప్పింది. అనంతరం ఇరు కుటుంబాలు కూడా వీరి నిర్ణయాన్ని అంగీకరించాయి. నిశ్చితార్థాన్ని సింపుల్​గా చేశారు.

ఇప్పుడు పెళ్లి కూడా సింపుల్​గానే కానుంది. ఇటలీలోని టస్కాలో వీరి వివాహాం జరగనుంది. నవంబర్‌ 1వ తేదీన వీరి పెళ్లి వేడుక జరగనుందని ప్రచారం సాగుతోంది. అయినా దీనిపై ఎలాంటి అధికారిక సమాచారం లేదు. ఇకపోతే ప్రస్తుతం వరుణ్ ​ ఆపరేషన్ వాలైంటైన్​ పాన్ ఇండియా సినిమాలో నటిస్తున్నారు. ఈ చిత్రం ఈ ఏడాది డిసెంబర్ 8న ప్రేక్షకుల ముందుకు రానుంది.