వధూవరులుగా ఒక్కటైన వరుణ్ లవ్.. ఎంత బాగున్నారో..

మెగా ప్రిన్స్ వరుణ్ తేజ్, హీరోయిన్ లావణ్య త్రిపాఠి పెళ్లి ఇటలీలో డెస్టినేషన్ వెడ్డింగ్ గా జరుగుతోన్న సంగతి తెలిసిందే. ఎ వేడుక కోసం వారం రోజులు ముందే కుటుంబ సభ్యులు అందరూ ఇటలీ వెళ్ళిపోయారు. అక్కడ పెళ్ళికి సంబందించిన కార్యక్రమాలు జరిగాయి. అలాగే రాత్రి 7 గంటలకి వీరిద్దరూ ఏడడుగులు నడిచి పెళ్లితో ఒకటయ్యారు.

వీరి పెళ్లి ఫోటోని నాగబాబు కొనెదల ఇన్ స్టాగ్రామ్ లో షేర్ చేశారు. కొత్త జీవితంలోకి అడుగుపెడుతున్న కొనెదల వరుణ్ తేజ్, లావణ్య కొనెదలకి అందరూ ఆశీర్వాదాలు అందించాలని కోరారు. ఈ ఫోటోలో వరుణ్, లావణ్య నమస్కరిస్తూ ఆశీర్వాదాలు తీసుకుంటూ ఉండటం విశేషం. ఇప్పుడు ఈ పిక్ సోషల్ మీడియాలో వైరల్ గా మారింది.

దీనికంటే ముందుగా వరుణ్ తేజ్ కి ఒక కారులో కుటుంబ సభ్యులు పెళ్లి మండపంలోకి తీసుకు వెళ్తోన్న విజువల్స్ వైరల్ అయ్యాయి. వీటిని మెగా అభిమానులు ట్విట్టర్ లో షేర్ చేస్తూ వైరల్ చేస్తున్నారు. అలాగే పవన్ కళ్యాణ్ వెనక్కి తిరిగి ఉన్న ఫోటో కూడా బయటకొచ్చింది. టీషర్ట్ వేసుకొని క్యాజువల్ స్టైల్ లో పవన్ కళ్యాణ్ సింపుల్ గా కనిపిస్తూ ఉండటం విశేషం.

వీరి పెళ్లి వేడుక కుటుంబ సభ్యులు, బంధుమిత్రుల సమక్షంలో వైభవంగా జరిగిందని ఈ ఫోటోల బట్టి అర్ధమవుతోంది. అక్కడి నుంచి బయలుదేరి వచ్చిన తర్వాత సినిమా ఇండస్ట్రీలో అందరికి రిసెప్షన్ ఏర్పాటు చేయనున్నారు. ఈ రిసెప్షన్ ని సినీ, రాజకీయ ప్రముఖులు అందరూ హాజరుకానున్నారు. మెగా అభిమానులు అయితే ఈ పెళ్లి ఫోటోలు, ఫ్యామిలీ పిక్స్ కోసం సోషల్ మీడియాలో రిక్వెస్ట్ చేస్తున్నారు.

పవర్ స్టార్ అభిమానులు అయితే తమ అన్న ఫోటో ఒకటి షేర్ చేయాలని కోరుతున్నారు. మెగా ఫ్యామిలీ ఇంట పెళ్లి సందడి ఇప్పుడు సోషల్ మీడియాలో ట్రెండింగ్ అవుతోంది. వరుణ్, లావణ్య పెళ్లి ఫోటోని షేర్ చేస్తూ సెలబ్రిటీ ప్రముఖులు ట్విట్టర్ లో విషెస్ చెబుతున్నారు.