'హ‌ల‌మ‌తి హ‌బీబో' మ‌ళ్లీ షేక్ చేయ‌డం ఖాయ‌మే!

కోలీవుడ్ స్టార్ విజ‌య్ అర‌బికుతు (హలమతి హబీబో) సాంగ్ అండ్ డాన్స్ ఇండియావైడ్ ఎంత సంచ‌ల‌న మైందో చెప్పాల్సిన ప‌నిలేదు. సోష‌ల్ మీడియా లో ఈ పాట‌కి ఓ రేంజ్ లో రెస్పాన్స్ వ‌చ్చింది. విజయ్ స్టెప్పుల్ని రీల్స్ చేసిన అభిమానులెంతో మంది. ఈ పాట‌ తో అనిరుద్ ర‌విచంద్ర‌న్ పేరు మ‌రోసారి మారుమ్రోగిపోయింది. విజ‌య్-పూజాహెగ్డే లా ఐకానిక్ స్టెప్పులు ఇప్ప‌టికీ వైర‌ల్ అవుతూనే ఉన్నాయి.

తాజాగా ఈ పాట క్రేజ్ ని 'బ‌వాల్' టీమ్ ఎన్ క్యాష్ చేసుకుంటున్న‌ట్లు తెలుస్తోంది. వ‌రుణ్ ధావ‌న్-జాన్వీక‌ప‌ర్ జంట‌గా నితిష్ తివారీ ద‌ర్శ‌క‌త్వంలో రెండో ప్ర‌పంచ యుద్ద నేప‌థ్యంలో 'బ‌వాల్' నిన్న ఓటీటీ లో రిలీజ్ అయింది. తాజ‌గా హ‌ల‌మ‌తి హ‌బీబో సాంగ్ ని బాలీవుడ్ స్టార్ హీరో వరుణ్ ధావన్ 'బవాల్‌'లో రీక్రియేట్ చేసారు. దళపతి విజయ్ డ్యాన్స్ స్టెప్‌ను వ‌రుణ్ రీక్రియేట్ చేశాడు.

ఈ పాట‌ ని నేరుగా డిజిటల్ ప్లాట్‌ఫారమ్ ప్రైమ్ వీడియో లో విడుద‌ల చేసారు. వరుణ్ విద్యార్థుల బృందానికి డ్యాన్స్ ఎలా చేయాలో నేర్పిస్తాడు. ఈ క్ర‌మంలో విజయ్ డ్యాన్స్ మూవ్‌లను వ‌రుణ్ రీక్రియేట్ చేస్తాడు. డ్యాన్స్ స్టెప్‌ని రీక్రియేట్ చేసిన తర్వాత డ్యాన్స్‌లో గ్రేస్ ఉండటం ముఖ్యం అని వరుణ్ ధావన్ చెబుతాడు. ఈపాట వినిపిస్తూనే పూన‌కాలు లోడ్ అవుతాయి. అలాంటిది ఇదే పాట‌ ని మ‌రో స్టార్ రీక్రియేట్ చేస్తే ఎలా ఉంటుందో చెప్పాల్సిన ప‌నిలేదు.

అభిమానుల‌ కు డ‌బుల్ పూన‌కాలు లోడ్ అవ్వ‌డం ఖాయం. యూట్యూబ్ లో ఈ రీక్రియేష‌న్ సాంగ్ రికార్డులు మోత మ్రోగించ‌డం ఖాయం. విజయ్ స్టెప్పును వరుణ్ ధావన్ అనుకరిస్తున్న వీడియో క్లిప్ సోషల్ మీడియా లో జోరుగా వైరల్ అవుతోంది. ఈ పాట‌ ని వ‌రుణ్ రీక్రియేట్ చేయ‌డం చూసి విజ‌య్ అభిమానులు ఆనందంతో ఉప్పొంగిపోతున్నారు. అదీ మా విజ‌య్ రేంజ్ అంటూ కామెంట్లు పోస్ట్ చేస్తున్నారు. సినిమా లో ఈ చిన్న సన్నివేశం సినిమా మొదటి పది నిమిషాల్లో వ‌స్తుంది.