వరుణ్ తేజ్.. ఇలా అయితే ఎలా?

మెగా ప్రిన్స్ వరుణ్ తేజ్ రీసెంట్ గా లావణ్య త్రిపాఠిని పెళ్లి చేసుకొని కొత్త జీవితం స్టార్ట్ చేశాడు. పెళ్లి తర్వాత వరుణ్ తేజ్ నుంచి ప్రేక్షకుల ముందుకి రాబోతున్న సినిమా ఆపరేషన్ వాలంటైన్. తెలుగు, హిందీ భాషలలో ఈ మూవీ డిసెంబర్ 8న రిలీజ్ కాబోతోంది. మాజీ మిస్ వరల్డ్ మానుషీ చిల్లర్ ఈ సినిమాతో హీరోయిన్ గా టాలీవుడ్ లోకి అడుగుపెడుతోంది. ఆమెకిది మూడో సినిమా కావడం విశేషం.

ఇదిలా ఉంటే వరుణ్ తేజ్ ఎఫ్3 తర్వాత చేసిన గని, గాండీవదారి అర్జున సినిమాలు డిజాస్టర్ అయ్యాయి. భారీ అంచనాల మధ్య థియేటర్స్ లోకి వచ్చిన ఈ సినిమాలు మినిమం ఓపెనింగ్స్ కూడా రాబట్టలేకపోయాయి. ఓ విధంగా వరుణ్ తేజ్ మార్కెట్ ని ఈ రెండు చిత్రాలు కొలాప్స్ చేశాయని చెప్పాలి. భారీ బడ్జెట్ తో తెరకెక్కిన గాండీవదారి అర్జున అయితే ఏ మాత్రం బజ్ క్రియేట్ చేయలేదు.

ఈ సినిమాల తర్వాత ఆపరేషన్ వాలంటైన్ మూవీ డిసెంబర్ లో థియేటర్స్ లోకి రాబోతోంది. ఇప్పటి వరకు ఈ సినిమా నుంచి పోస్టర్స్ తప్ప చెప్పుకోదగ్గ టీజర్, సాంగ్స్ లాంటివి చిత్ర యూనిట్ నుంచి రాలేదు. రియల్ లైఫ్ సంఘటనల స్ఫూర్తితో ఈ చిత్రాన్ని. తెరకెక్కించారు. మూవీ రిలీజ్ కి ఇంకా 20 రోజుల సమయం మాత్రమే ఉంది. అయితే సినిమా నుంచి జనాల్లోకి వెళ్ళేంత గొప్ప అప్డేట్స్ అయితే రాలేదు. అసలు వరుణ్ నుంచి అలాంటి ఒక సినిమా వస్తున్నట్లు కూడా చాలా మందికి తెలియదు. ప్రమోట్ చేయడానికి ఒక్క బలమైన కంటెంట్ లేదా? అనే సందేహాలు వస్తున్నాయి.

దీంతో ఈ మూవీతో అయిన వరుణ్ తేజ్ హిట్ కొడతాడా లేదా అనే సందేహాలు వ్యక్తం అవుతున్నాయి. ఈ సినిమాతో బ్లాక్ బస్టర్ కొట్టి హిందీలో కూడా మార్కెట్ పెంచుకోవాలని వరుణ్ తేజ్ చూస్తున్నారు. అయితే అదంతా కేవలం సినిమాని ప్రమోషన్ చేసి ఎంత బలంగా జనాల్లోకి తీసుకెళ్తారు అనేదాని బట్టి ఉంటుంది. ఈ విషయంలో చిత్ర యూనిట్ మాత్రం ఇంకా వెనకే ఉంది.

హిందీ ఆడియన్స్ ని దృష్టిలో పెట్టుకొని సినిమా చేసారు అనుకున్న వరుణ్ తేజ్ కి కొద్దో గొప్పో మార్కెట్ టాలీవుడ్ లోనే ఉంది కాబట్టి కచ్చితంగా సినిమాకి పెట్టిన పెట్టుబడి వెనక్కి రావాలంటే తెలుగులో ప్రమోషన్ చేయాలి. మరి వరుణ్ తేజ్ కి లావణ్య త్రిపాఠి రూపంలో ఏమైనా అదృష్టం కలిసొచ్చి మూవీ సక్సెస్ అవుతుందేమో చూడాలి.