గీత కోసం కామ్రేడ్ వెయిటింగ్‌!

రౌడీ స్టార్ విజయ్ దేవరకొండ కెరీర్ లో బిగ్గెస్ట్‌ హిట్స్ లో గీతా గోవిందం ఒకటి. ఆ సినిమాలో విజయ్‌ దేవరకొండకు జోడీగా రష్మిక మందన్నా హీరోయిన్ గా నటించింది. అప్పటి నుంచి కూడా ఇద్దరి మధ్య సన్నిహిత సంబంధాలు కొనసాగుతున్నాయి. ఆ సమయంలోనే రష్మిక వివాహ నిశ్చితార్థం క్యాన్సిల్‌ అవ్వడంతో మీడియాలో రకరకాలుగా పుకార్లు షికార్లు చేశాయి.

గీతా గోవిందం సినిమా తర్వాత వీరిద్దరు కలిసి డియర్ కామ్రెడ్‌ సినిమాలో నటించారు. ఆ సినిమా నిరాశ పరిచిన కూడా ఇద్దరి మధ్య బంధం మరింత పెంచింది అనడంలో సందేహం లేదు. ఆ సినిమా తర్వాత మళ్లీ ఇప్పటి వరకు ఇద్దరి కాంబోలో సినిమా రాలేదు. ప్రేక్షకులు ముఖ్యంగా రౌడీ స్టార్ అభిమానులు వీరి కాంబో మూవీ కోసం వెయిట్‌ చేస్తున్నారు.

తాజాగా విజయ్‌ దేవరకొండ రష్మిక మందన్నా తో కలిసి నటించాలని ఉంది, అందుకోసం వెయిట్‌ చేస్తున్నట్లుగా పేర్కొన్నాడు. ఖుషి సినిమా ప్రమోషనల్ ఈవెంట్‌ కోసం చెన్నై వెళ్లిన విజయ్ దేవరకొండ అక్కడి మీడియా వారితో మాట్లాడుతూ ఉండగా రష్మిక మందన్నా తో మళ్లీ ఎప్పుడు నటిస్తారు అంటూ ఒక విలేకరి ప్రశ్నించగా అందుకోసం వెయిట్‌ చేస్తున్నాను అన్నాడు.

మంచి కథ వస్తే తప్పకుండా రష్మిక మందన్నా తో కలిసి నటిస్తాను అన్నాడు. ఆమెతో ఎప్పుడు కూడా తనకు మంచి స్నేహం ఉందని కూడా పేర్కొన్నాడు. గత కొన్నాళ్లుగా విజయ్ దేవరకొండ, రష్మిక మందన్నా ప్రేమలో ఉన్నారు అనే వార్తలు వస్తున్న నేపథ్యంలో తాజా వ్యాఖ్యలు ఆ వార్తలకు బలం చేకూర్చి నట్లు అవుతుంది.

విజయ్‌ దేవరకొండ ఖుషి సినిమా విడుదలకు సిద్ధంగా ఉంది. సమంత హీరోయిన్ గా నటించిన ఈ సినిమా ప్రమోషన్‌ కార్యక్రమాలు భారీ ఎత్తున జరుగుతున్నాయి. సినిమాకు విడుదలకు ముందే పాజిటివ్ బజ్ క్రియేట్‌ అయింది. ఖుషి సినిమా కోసం తాను కూడా వెయిట్‌ చేస్తున్నాను అంటూ రష్మిక మందన్నా కూడా ఆ మధ్య ఒక కార్యక్రమంలో చెప్పుకొచ్చింది.