చికటినే భయపెట్టే టైగర్.. మాస్ రాజా సాలీడ్ సౌండ్!

మాస్ మహారాజ్ రవితేజ కెరీర్ లోనే అత్యంత భారీ బడ్జెట్ తో రూపొందిన సినిమా టైగర్ నాగేశ్వరరావు. అలాగే ఈ సినిమా రవితేజ సినిమా కెరియర్ లోనే అత్యధిక స్థాయిలో విడుదల కాబోతోంది. పాన్ ఇండియా రేంజ్ లో ఈ సినిమాను విడుదల చేయాలని అనుకుంటున్నారు. ఇక ఈ సినిమాకు సంబంధించిన ప్రమోషన్స్ కూడా చాలా హడావిడిగా కొనసాగుతున్నాయి.

ఇప్పటికే ఒక పాటను కూడా విడుదల చేయగా డీసెంట్ రెస్పాన్స్ అయితే అందుకుంది. ఇక ఇప్పుడు హీరో క్యారెక్టర్ కు సంబంధించిన మరొక సాంగ్ ను విడుదల చేశారు. అందులో టైగర్ నాగేశ్వరరావు పాత్ర విధానాన్ని ధైర్యాన్ని తెగింపుని హైలెట్ చేసే విధంగా చంద్రబోస్ అద్భుతమైన లిరిక్స్ అయితే అందించారు. ఇక అనురాగ్ కులకర్ణి పాడిన ఈ పాటకు జీవి ప్రకాష్ కుమార్ బాణీలు అందించారు.

రవితేజ స్టువర్ట్ పురం గజదొంగ టైగర్ నాగేశ్వరరావు పాత్రలో కనిపించబోతున్న విషయం తెలిసిందే. అందరూ ఆగిపోయిన చోటే వీడు మొదలవుతాడు. చీకటిని భయపెట్టేదే వీడు.. అంటూ సాగే ఈ పాట హీరో క్యారెక్టర్ ను పవర్ ఫుల్ గా ఎలివేట్ చేస్తోంది. ఇక విజువల్స్ కూడా చాలా ఘాటుగా ఉన్నాయి అనిపిస్తోంది.

సినిమాను దర్శకుడు వంశీ డిఫరెంట్ ర్రా ఫిలిం గా తెరపైకి తీసుకురాబోతున్నాడు. ఇప్పటికే విడుదలైన టీజర్ కూడా పాజిటివ్ వైబ్రేషన్స్ క్రియేట్ చేసింది. మార్కెట్లో కూడా ఈ సినిమాకు మంచి డిమాండ్ అయితే ఏర్పడింది. ఇప్పటికే నిర్మాత చాలా ఏరియాలకు సంబంధించిన బిజినెస్ డీల్స్ కూడా క్లోజ్ చేసుకున్నాడు.

ఇక ఈ సినిమాను దసరా సందర్భంగా అక్టోబర్ 20వ తేదీన గ్రాండ్గా ఫ్యాన్ ఇండియా రేంజ్ కు తగ్గట్టుగా విడుదల చేయబోతున్నారు. ఈ సినిమాలో రవితేజకు జోడిగా నుపూర్ సనమ్ నటిస్తోంది. ఇక రేణు దేశాయ్ ఒక ప్రత్యేకమైన పాత్రలో కనిపించబోతున్నారు. త్వరలోనే సినిమాకు సంబంధించిన ట్రైలర్ను కూడా విడుదల చేయబోతున్నారు. ఈ సినిమాతో రవితేజ కెరియర్ బిగ్గెస్ట్ హిట్ అందుకోవాలి అని చూస్తున్నాడు. మరి సినిమా ఆ అంచనాలను అందుకుంటుందో లేదో చూడాలి.