నాగ చైతన్య, శోభిత.. గిఫ్ట్ అడిగిన వేణు స్వామి సతీమణి

సెలబ్రెటీ ఆస్ట్రాలజర్ వేణు స్వామి భార్యగా కంటే ప్రముఖ వీణా వాయిదాకారిణిగా తెలుగు రాష్ట్రాలలో వీణాశ్రీవాణి మంచి గుర్తింపు అందుకున్నారు. ఈమె తన యుట్యూబ్ ఛానల్ లో రెగ్యులర్ గా వీణావాయిద్యంపై తెలుగు సినిమాల సాంగ్స్ ని ప్లే చేస్తూ మంచి గుర్తింపు తెచ్చుకున్నారు. సంగీతకళాకారిణిగా వీణా శ్రీవాణిపై చాలా మందికి విశేషమైన గౌరవం ఉంది. ఆస్ట్రాలజర్ వేణు స్వామి మీద ఎన్ని రకాల ట్రోలింగ్స్ సోషల్ మీడియాలో జరిగిన వీణశ్రీవాణి స్పందించలేదు.

సోషల్ మీడియాలో జరిగే ట్రోలింగ్ ని ఆమె లైట్ తీసుకునేవారు. నెటిజన్లు కూడా వేణుస్వామిని టార్గెట్ చేసిన వీణాశ్రీవాణి జోలికి వెళ్లే ప్రయత్నం చేయలేదు. కేవలం ట్రోలింగ్, విమర్శలు అన్ని కూడా వేణు స్వామి చుట్టూనే తిరుగుతూ ఉండేవి. అయితే కొద్ది రోజుల క్రితం నాగ చైతన్య, శోభిత నిశ్చితార్ధం జరిగిన సంగతి అందరికి తెలిసిందే. ఆ మరుసటి రోజే వేణు స్వామి నాగ చైతన్య, శోభిత వైవాహిక జీవితం గురించి తన జ్యోతిష్యం చెప్పారు.

ఇద్దరు మూడేళ్ళకి మించి కలిసుండరని చెబుతూ వీడియో రిలీజ్ చేశారు. దీనిపై సోషల్ మీడియాలో తీవ్ర స్థాయిలో విమర్శలు వచ్చాయి. వేణుస్వామి మీద మహిళా కమిషన్ కి ఫిర్యాదు చేశారు. వాటికి సంబందించిన నోటీసులు కూడా వేణు స్వామి అందుకున్నారు. వేణు స్వామి అలా నాగ చైతన్య, శోభిత వైవాహిక బంధంపై ప్రెడిక్షన్ చెప్పడాన్ని చాలా మీడియా ఛానల్స్ తప్పు పట్టాయి. దీనిపై వేణు స్వామి భార్య వీణాశ్రీవాణి మొదటి సారి రియాక్ట్ అయ్యారు.

వేణు స్వామి మీద జరుగుతున్న విమర్శల దాడిని ఆమె ప్రశ్నిస్తూనే ఓ వర్గం మీడియా ధోరణిని తప్పు పట్టారు. చాలా అంశాలపై ఆ వీడియోలో వీణాశ్రీవాణి మాట్లాడారు. వీడియోలో వేణు స్వామి చేసిన పనిని ఆమె సమర్ధించలేదు. అలా అని వ్యతిరేకించలేదు. వీణాశ్రీవాణి షేర్ చేసిన వీడియో వైరల్ అయ్యింది. ఇదిలా ఉంటే తాజాగా వీణాశ్రీవాణి మరో వీడియో కూడా ట్విట్టర్ లో పోస్ట్ చేశారు. ఇందులో నాగచైతన్య, శోభితకి అభినందనలు తెలియజేస్తూనే, నాకు మీరు గిఫ్ట్ ఇవ్వాలంటూ వీణాశ్రీవాణి కోరారు.

మీ నిశ్చితార్ధ వేడుకకి సంబందించిన న్యూస్ ని కొంతమంది డైవర్ట్ చేసి ఇతరులని టార్గెట్ చేయడానికి ఉపయోగించుకున్నారు. ఈ విషయంలో మీరు కచ్చితంగా నాకు మంచి గిఫ్ట్ ఇవ్వాల్సిందే… పెద్దగా ఏమీ అవసరం లేదు. లేటెస్ట్ ఎల్.వి బ్యాగ్ ఇస్తే సరిపోతుంది అంటూ వ్యంగ్యంగా ఆమె వీడియో పెట్టారు. వేణు స్వామికి మహిళా కమిషన్ నోటీసులు ఇవ్వడంపై వీణా శ్రీవాణి తన ఆవేదనని పరోక్షంగా బయటపెట్టి ఉంటారనే అభిప్రాయం సోషల్ మీడియాలో వ్యక్తం అవుతోంది.అసలు ఈమె నాగ చైతన్య ని గిఫ్ట్ అడగటం ఏమిటో జనాలకి అర్ధం కావడం లేదు.