పొంగల్ రేసులో మరొకటి

కోలీవుడ్ స్టార్ హీరో చియాన్ విక్రమ్ ప్రస్తుతం అరుణ్ కుమార్ దర్శకత్వంలో 'వీర ధీర సూరన్' అనే మూవీ చేస్తున్నారు. భారీ బడ్జెట్ తో రెండు భాగాలుగా ఈ మూవీ తెరకెక్కుతోంది. అయితే 'వీర ధీర సూరన్ పార్ట్ 2' చిత్రాన్ని ముందుగా ప్రేక్షకుల ముందుకి తీసుకొని రాబోతున్నారు. ఈ సినిమా నుంచి రీసెంట్ గా ఫస్ట్ లుక్ రిలీజ్ అయ్యింది. అందులో రెండు చేతులతో రెండు కత్తులు పట్టుకొని మాస్ లుక్ లో విక్రమ్ కనిపిస్తున్నాడు.

పంచె కట్టుకొని చాలా మొరటుగా అతని పాత్ర ఉండబోతోందని ఈ లుక్ బట్టి అర్ధమవుతోంది. దూషారా విజయన్ ఈ చిత్రంలో విక్రమ్ కి జోడీగా నటిస్తోంది. భారీ బడ్జెట్ తో హెచ్ఆర్ పిక్చర్స్ బ్యానర్ పై రియా సైబు ఈ చిత్రాన్ని నిర్మిస్తోంది. ఇదిలా ఉంటే ఈ సినిమా షూటింగ్ ఆల్ మోస్ట్ కంప్లీట్ అయిపొయింది. ప్రస్తుతం పోస్ట్ ప్రొడక్షన్ వర్క్ జరుగుతోంది. ఈ ఏడాది విక్రమ్ 'తంగలాన్' మూవీతో ప్రేక్షకుల ముందుకొచ్చారు.

ఈ సినిమాకి మిశ్రమ స్పందనలు వచ్చాయి. విక్రమ్ పెర్ఫార్మెన్స్ కి మాత్రం విమర్శకుల ప్రశంసలు లభించాయి. దీని తర్వాత 'వీర ధీర సూరన్' మూవీ స్టార్ట్ చేసి శరవేగంగా షూటింగ్ పూర్తి చేసే పనిలో ఉన్నారు. 2025 సంక్రాంతి కానుకగా ఈ చిత్రాన్ని రిలీజ్ చేయాలని ప్లాన్ చేస్తున్నారు. టాలీవుడ్ లో సంక్రాంతికి మూడు పెద్ద సినిమాలు రిలీజ్ ఖాయం అయిపొయింది.

అయితే కోలీవుడ్ లో అజిత్ 'విదాముయార్చి' సంక్రాంతి పొంగల్ కానుకగా రిలీజ్ కాబోతోంది. ఇప్పుడు ఈ సినిమాకి పోటీగా 'వీర ధీర సూరన్ పార్ట్ 2 ని తెచ్చే ప్రయత్నం మేకర్స్ చేస్తున్నారు. పోస్ట్ ప్రొడక్షన్ వర్క్ కంప్లీట్ అయితే వీలైనంత వేగంగా థియేటర్స్ లోకి తీసుకొని రావాలని అనుకుంటున్నట్లు కోలీవుడ్ సర్కిల్ లో వినిపిస్తోంది. ఈ సినిమాకి వచ్చే టాక్ బట్టి 'వీర ధీర సూరన్ పార్ట్ 2' ని తెరకెక్కించే అవకాశాలు ఉన్నాయని టాక్.

విక్రమ్ ఈ సినిమాని సింగిల్ సిట్టింగ్ లో ఒకే చేసారంట. గత ఏడాది సిద్ధార్ధ్ తో చిన్ని అనే సినిమాని అరుణ్ కుమార్ తెరకెక్కించి సక్సెస్ అందుకున్నారు. దీని తర్వాత విక్రమ్ 'వీర ధీర సూరన్' మొదలు పెట్టాడు. మరి ఈ సినిమా విక్రమ్ కి ఎలాంటి సక్సెస్ ని ఇస్తుందనేది వేచి చూడాలి.