సైంధవ్.. స్పీడ్ మామూలుగా లేదు

నిహారిక ఎంటర్‌టైన్‌మెంట్ ప్రతిష్టాత్మక పాన్ ఇండియా ప్రాజెక్ట్, "సైంధవ్" షూటింగ్ ఏమాత్రం గ్యాప్ లేకుండా కొనసాగుతోంది. హిట్ ఫ్రాంచైజ్ దర్శకుడు శైలేష్ దర్శకత్వంలో తెరకెక్కుతున్న ఈ సినిమాలో హీరో వెంకటేష్ నెవర్ బిఫోర్ అనేలా సరికొత్త యాక్షన్ పాత్రలో మెస్మరైజ్ చేయబోతున్నట్లు అర్థమవుతుంది. ఇప్పటికే విడుదలైన పోస్టర్స్ కూడా పాజిటివ్ వైబ్రేషన్స్ క్రియేట్ చేశాయి. అంతేకాకుండా ఈ సినిమాలో భారీ తారాగణం కూడా హాట్ టాపిక్ గా మారిపోయింది. ఇక ఇటీవల ఈ సినిమా ఒక కీలకమైన షెడ్యూల్ను పూర్తి చేసుకుంది.

చాలా రోజులుగా చిత్ర యూనిట్ సభ్యులు సినిమాకు సంబంధించిన హై వోల్టేజ్ ఎమోషనల్ క్లైమాక్స్ సన్నీవేషాలను పూర్తి చేయడానికి ప్రయత్నాలు చేస్తోంది. అయితే మధ్యలో వాతావరణం వలన కొంత గ్యాప్ అయితే వచ్చింది. అయినప్పటికీ దర్శకుడు శైలేష్ పక్కా ప్రణాళికతో సినిమాను షెడ్యూల్ ను పూర్తి చేశాడు. ఫైట్ మాస్టర్ రామ్ లక్ష్మణ్ నేతృత్వంలో ఈ యాక్షన్ ఎపిసోడ్స్ ను చిత్రీకరించారు.

వర్షం కాస్త ఇబ్బంది పెట్టినప్పటికీ కూడా చిత్ర యూనిట్ ఏమాత్రం వెనుకడుగు వేయకుండా షెడ్యూల్ ను పూర్తి చేసింది. ఇక అందుకు సంబంధించిన ఒక కీలకమైన వీడియోను కూడా విడుదల చేశారు. 16 రోజుల నాన్ స్టాప్ షెడ్యూల్లో చాలా బిజీ బిజీగా పాల్గొన్న ప్రతి ఒక్కరికి కూడా దర్శకుడు ప్రత్యేకంగా కృతజ్ఞతలు తెలిపాడు.

చిత్ర నిర్మాణ సంస్థ "శ్యామ్ సింగ రాయ్" సినిమాతో ఎ స్థాయిలో సక్సెస్ అందుకుందో ప్రత్యేకంగా చెప్పనక్కర్లేదు. ఇక ఆ సినిమా తరువాత వస్తున్న సైంధవ్ తప్పకుండా అంతకుమించి అనేలా సక్సెస్ అవుతుందని చెబుతున్నారు. HITverse ఫేమ్ శైలేష్ కొలను ఈ సినిమాలో యాక్షన్ తో పాటు మంచి ఎమోషనల్ కంటెంట్ ను కూడా హైలెట్ చేయబోతున్నట్లు తెలుస్తోంది. విక్టరీ వెంకటేష్ కు ఇది 75వ చిత్రం కావడం విశేషం.

గ్రిప్పింగ్ ఎమోషనల్ క్లైమాక్స్ సన్నివేశాన్ని క్యాప్చర్ చేస్తూ, కీలకమైన 16 రోజుల షెడ్యూల్‌ని పూర్తి చేయడం ద్వారా ప్రొడక్షన్ టీమ్ తమ నిబద్ధతను ప్రదర్శించింది. ముఖ్యంగా, ఈ సన్నివేశంలో ఎనిమిది మంది కీలక నటీనటులు నటించారు. సవాలుతో కూడిన పరిస్థితులలో దీనిని పూర్తి చేశారు.

ఇక "సైంధవ్" లో నవాజుద్దీన్ సిద్ధిక్, శ్రద్ధా శ్రీనాథ్, రుహాని శర్మ, ఆండ్రియా జెరేమియా మరియు సారా వంటి వారు ప్రధాన పాత్రలలో కనిపించబోతున్నారు. సంతోష్ నారాయణన్ ఈ చిత్రానికి తన మ్యూజిక్ అందిస్తుండగా, ఎస్ మణికందన్ సినిమాటోగ్రఫర్ గా వర్క్ చేస్తున్నారు. ఇక "సైంధవ్" ఒక పాన్ ఇండియా రేంజ్ కు తగ్గట్టుగా డిసెంబర్ 22న క్రిస్మస్ సందర్భంగా విడుదల కానుంది.