ఆ పాత్రకి బాలయ్య సెట్టవుతారు - వెంకీ అట్లూరి

'లక్కీ భాస్కర్' సినిమాతో అక్టోబర్ 31న డైరెక్టర్ వెంకీ అట్లూరి థియేటర్స్ లో తన అదృష్టాన్ని పరీక్షించుకోబోతున్నాడు. చివరిగా ధనుష్ తో 'సార్' మూవీ చేసి సూపర్ హిట్ అందుకున్న వెంకీ అట్లూరి ఇప్పుడు దుల్కర్ సల్మాన్ తో చేసిన 'లక్కీ భాస్కర్' ద్వారా మరో బ్లాక్ బస్టర్ ని తన ఖాతాలో వేసుకోవాలని అనుకుంటున్నారు. పీరియాడికల్ డ్రామాగా, ఇంటరెస్టింగ్ స్టోరీతో ఈ చిత్రాన్ని వెంకీ అట్లూరి తెరకెక్కించారు. ఈ మూవీ ట్రైలర్ కి పాజిటివ్ రెస్పాన్స్ వచ్చింది.

ఇదిలా ఉంటే ఈ సినిమా ప్రమోషన్స్ లో భాగంగా ఓ పాడ్ కాస్ట్ ఇంటర్వ్యూలో వెంకీ అట్లూరి పాల్గొన్నారు. అందులో భాగంగా ఆయన మాట్లాడుతూ ఆయన చేస్తారో లేదో తెలియదు కానీ సుభాష్ చంద్ర బోస్ రోల్ కి బాలకృష్ణ బాగా సెట్ అవుతారు. అయన అప్పీరియన్స్, ఫిషియల్ ఫీచర్స్ సుభాష్ చంద్ర బోస్ పాత్రకి పర్ఫెక్ట్ గా సరిపోతాయని వెంకీ అట్లూరి పేర్కొన్నారు. ఈ మాటల బట్టి భవిష్యత్తులో వెంకీ అట్లూరి బాలయ్యతో సుభాష్ చంద్ర బోస్ కథతో మూవీ ఏమైనా చేస్తాడా అనే ప్రశ్నలు సోషల్ మీడియాలో వినిపిస్తున్నాయి.

బాలయ్య గతంలో విభిన్నమైన పాత్రలు చేశారు. కమర్షియల్ హీరోగా మాత్రమే దేశ భక్తి నిండిన పాత్రలలో నటించి మెప్పించారు. ఆ సినిమాలు కమర్షియల్ గా సక్సెస్ కాకపోయిన బాలయ్య పెర్ఫార్మెన్స్ కి విమర్శకుల ప్రశంసలు లభించాయి. క్రిష్ దర్శకత్వంలో 'గౌతమీపుత్ర శాతకర్ణి'గా నటించి మెప్పించారు. అందుకే బాలయ్యకి ఏ పాత్ర అయిన సెట్ అవుతుందని ఆయన అభిమానులు అంటున్నారు.

బాలయ్య అన్ స్టాపబుల్ షోలో 'లక్కీ భాస్కర్' టీమ్ మొత్తం పాల్గొన్నారు. ఇందులో బాలకృష్ణ దుల్కర్ సల్మాన్ తో పాటు వెంకీ అట్లూరిపైన అదిరిపోయే పంచ్ లు వేశారు. అలాగే వెంకీ అట్లూరి చాలా ఇంటరెస్టింగ్ విషయాలు ఈ షోలో బాలయ్యతో చెప్పుకున్నట్లు తెలుస్తోంది. 'లక్కీ భాస్కర్' తర్వాత వెంకీ అట్లూరి చేయబోయే సినిమా ఏంటనే ప్రశ్న ఇప్పుడు టాలీవుడ్ సర్కిల్ లో వినిపిస్తోంది.

యంగ్ హీరోతోనే మళ్ళీ సినిమా చేస్తాడా లేదంటే సీనియర్ హీరోలైన బాలయ్య, చిరంజీవి, వెంకటేష్ లాంటి వారితో మూవీస్ కోసం ప్రయత్నం చేస్తాడా అనేది తెలియాల్సి ఉంది. బాలకృష్ణ ప్రస్తుతం బాబీ దర్శకత్వంలో 'NBK109' మూవీని కంప్లీట్ చేశారు. సంక్రాంతికి ఈ మూవీ థియేటర్స్ లోకి రాబోతోంది. దీని తర్వాత అఖండ 2 చిత్రం బోయపాటి దర్శకత్వంలో పాన్ ఇండియా ప్రాజెక్ట్ గా తెరకెక్కనుంది. రీసెంట్ గా ఈ మూవీని లాంచ్ చేశారు.