వెన్నెల కిషోర్.. ఈసారి స్పై కామెడీ!

కమెడియన్ గా తనకంటూ ఒక ప్రత్యేకమైన స్టార్ ఇమేజ్ ను సంపాదించుకున్న వెన్నెల కిషోర్ ఎన్నో హిట్ సినిమాలలో కీలకమైన పాత్రలలో నటించాడు. ఇక మధ్యమధ్యలో లీడ్ రోల్స్ చేస్తున్న ఈ కమెడియన్ బాగానే ఆకట్టుకుంటున్నాడు. ఇక ఇప్పుడు అతని నుంచి లీడ్ రోల్ లో మరో సినిమా రాబోతోంది.

కామెడీతో నడిచే స్పై థ్రిల్లర్‌లు చాలా ఫంకీ వైబ్‌ని కలిగి ఉంటాయి. ఇక ఆ తరహాలోనే వెన్నెల కిషోర్ ఒక సినిమాతో ఆకట్టుకునేందుకు సిద్ధమవుతున్నాడు. హీరోగా వెన్నెల కిషోర్ నటించిన చిత్రం 'చారి 111'. ఇక ఈ సినిమా ఫస్ట్ లుక్ పోస్టర్‌ను విడుదల చేశారు. ఫస్ట్ లుక్ లో చారి అనే ఫంకీ గూఢచారి పాత్రలో కిషోర్‌ని హైలెట్ చేశారు.

చేతిలో గన్నుతో తన వేషధారణ మరియు ప్రవర్తనతో విభిన్నంగా కనిపిస్తున్నాడు కిషోర్. ఫంకీ గూఢచారి పాత్రలో డిఫరెంట్ గా ఆకట్టుకోబోతున్నట్లు తెలుస్తోంది. కిషోర్ మంచి నటుడు అని అందరికి తెలిసిందే. ఇక అతని కామెడీ టైమింగ్ ఈ స్పై థ్రిల్లర్‌లో క్లిక్ అయితే ఎంటర్టైన్మెంట్ మామూలుగా ఉండదని చెప్పవచ్చు.

ఇక సినిమా వివరాల్లోకి వెళితే.. చారి 111 చిత్రానికి టిజి కీర్తి కుమార్ దర్శకత్వం వహించారు. ఇందులో వెన్నెల కిషోర్ చారి అనే గూఢచారి పాత్రలో కనిపించనున్నాడు. ఇక నగరంలో నెలకొన్న గందరగోళం ఏమిటి? ఇక ఆ సమస్యల నుంచి చారి అతని టీమ్ ఎలా కాపాడింది అనే పాయింట్ తో సినిమా సరదాగా ఉండబోతున్నట్లు తెలుస్తోంది. బర్కత్ స్టూడియోస్ బ్యానర్‌పై అదితి సోని నిర్మించిన ఈ చిత్రానికి సైమన్ కె కింగ్ సంగీతం అందించారు.

ఈ చిత్రంలో సంయుక్త విశ్వనాథన్ కథానాయిక. సినిమా విడుదలకు సిద్ధంగా ఉన్నందున మరిన్ని క్రేజీ అప్డేట్స్ త్వరలో విడుదల కానున్నాయి. ఇక గతంలో వెన్నెల కిషోర్ హీరోగా కొన్ని ప్రయత్నాలు చేసినప్పటికీ పెద్దగా వర్కౌట్ కాలేదు. ఇక ఈసారి కాస్త భిన్నంగా స్పై కాన్సెప్ట్ తో తనదైన శైలిలో కామెడీ అందించేందుకు రెడీ అవుతున్నాడు. మరి ఈ రూట్లో ఏమైనా అతనికి సక్సెస్ వస్తుందో లేదో చూడాలి.