బలగం వేణు ఏ హీరోతో వస్తున్నాడు..?

అంతకుముందు కమెడియన్ గా సినిమాలు చేస్తూ వచ్చిన వేణు జబర్దస్త్ లో కామెడీ స్కిట్స్ చేసి బుల్లితెర ఆడియన్స్ ని మెప్పించాడు. జబర్దస్త్ నుంచి ఎగ్జిట్ అయ్యాక సినిమాల పరంగా కెరీర్ గ్రాఫ్ పెంచుకోలేని వేణు డైరెక్టర్ గా మారేందుకు ఒక కథ రాసుకు ని దిల్ రాజు ని మెప్పించి బలగం సినిమా చేశాడు. బలగం లాంటి ఎమోషనల్ మూవీ అది కూడా కమెడియన్ గా చేసిన వేణు చేస్తాడని ఆడియన్స్ గెస్ చేయలేకపోయారు. అందుకే ఆ సినిమా ఎన్నో అవార్డులు రివార్డులు అందుకుంది.

వేణు మీద దిల్ రాజు పెట్టుకున్న నమ్మకం నిజం చేయడంతో దిల్ రాజు మరో లక్కీ ఛాన్స్ అందించాడని తెలుస్తుంది. బలగం కోసం వేణు కి లిమిటెడ్ బడ్జెట్ ని కేటాయించిన దిల్ రాజు ఈసారి వేణు కోరిన బడ్జెట్ అడిగిన హీరో ఇస్తానని అన్నాడట.

అయితే స్టార్ హీరోలతో వేణు సినిమా చేసే ఛాన్స్ ఇప్పుడప్పుడే లేదు. వాళ్లంతా కూడా పాన్ ఇండియా సినిమాల తో దూసుకెళ్తున్నారు. అందుకే వేణు టైర్ 2 హీరోల మీద గురి పెట్టినట్టు తెలుస్తుంది. కమెడియన్ గా తన సినిమా లో కామెడీ మిస్ చేశాడు వేణు. అంటే బలగం సినిమా లో అది కుదరదని వదిలేశాడు.

కానీ తన సెకండ్ సినిమా మంచి కామెడీ ఎంటర్టైనర్ గా దానితో పాటుగా ఎమోషనల్ కంటెంట్ తో వస్తున్నాడట. ఇప్పటికే లైన్ రాసుకోవడం దిల్ రాజు దానికి ఓకే చేయడం అంతా జరిగిందట. మీడియం రేంజ్ హీరోల్లో ఆ కథకు సరిపోయే ఇద్దరి పేర్లు చర్చల్లో ఉందట. అందులో ఒక మెగా హీరో కూడా ఉన్నాడని టాక్. అయితే వేణు సెకండ్ సినిమా ఏ హీరో చేస్తాడు. ఈ సినిమా కథ ఎలా ఉండబోతుంది లాంటి విషయాల మీద త్వరలో క్లారిటీ రానుంది.

వేణు మాత్రం ఆ ఇద్దరి హీరోల్లో ఎవరు ఓకే చేఇనా సినిమా చేయాలని అనుకుంటున్నాడట. ప్రస్తుతం దిల్ రాజు వేణు కోసం ఆ హీరోల ని సెట్ చేసే పనుల్లో ఉన్నారని తెలుస్తుంది. బలగం తో డైరెక్టర్ గా తన ప్రతిభ కనబరచిన వేణు కమర్షియల్ సినిమాల ను కూడా బాగా హ్యాండిల్ చేయగలడనే నమ్మకంతో ఈసారి దిల్ రాజు లెక్కకు మించి బడ్జెట్ పెట్టాలని ఫిక్స్ అయ్యాడట.

మరి దిల్ రాజు, వేణు చేయబోతున్న ఈ రెండో ప్రయత్నం ఎలా ఉండబోతుందో చూడాలి. ఇదే కాదు బలగం తర్వాత వేణు ఒకేసారి 3 కథల ను రెడీ చేసుకుని ఏది ఓకే అంటే అది సెట్స్ మీదకు తీసుకెళ్లాలనే మెగా ప్లానింగ్ తో ఉన్నాడని తెలుస్తుంది.