'ఓం శాంతి ఓం' వివాదం ..షారుఖ్‌ను కోర్టుకు లాగిన మనోజ్ కుమార్!

Manoj Kumar : ప్రముఖ నటుడు మనోజ్ కుమార్ ముంబైలో శుక్రవారం, ఏప్రిల్ 4న కన్నుమూశారు. ఆయన మరణం చిత్ర పరిశ్రమను తీవ్ర దిగ్భ్రాంతికి గురిచేసింది. దేశభక్తి చిత్రాలతో పాటు, దివంగత నటుడు మొండి వైఖరికి కూడా పేరుగాంచారు. 2008లో షారుఖ్ ఖాన్ తనను ఎగతాళి చేశాడని ఆరోపిస్తూ ఆయనపై రూ.100 కోట్ల దావా వేసినప్పుడు ప్రజలు ఆయనలోని మరో కోణాన్ని చూశారు. కోణాన్ని చూశారు.

షారుఖ్ ఖాన్ నటించిన, ఫరా ఖాన్ దర్శకత్వం వహించిన 2007 చిత్రం 'ఓం శాంతి ఓం' థియేటర్లలో విడుదలైంది. ఆ చిత్రంలో షారుఖ్ పాత్ర మనోజ్ కుమార్‌ను వ్యంగ్యంగా అనుకరిస్తూ తన చేతులతో ముఖాన్ని కప్పుకోవడం కనిపించింది. ఇది సీనియర్ నటుడు మనోజ్ కుమార్‌కు ఆగ్రహం తెప్పించింది. ఆ సన్నివేశాన్ని తొలగించి క్షమాపణ చెప్పకపోతే షారుఖ్ ఖాన్, చిత్ర నిర్మాతల మీద 2008లో చట్టపరమైన చర్యలు తీసుకుంటానని ఆయన హెచ్చరించారు.

అయితే, 'ఓం శాంతి ఓం' చిత్రం తరువాత జపాన్‌లో కూడా అదే సన్నివేశంతో విడుదల కావడంతో మనోజ్ కుమార్ మరింత ఆగ్రహానికి గురయ్యారు. తనను "అవమానించినందుకు" గాను షారుఖ్ ఖాన్, చిత్ర నిర్మాతల మీద రూ.100 కోట్ల నష్టపరిహారం కోరుతూ ఆయన దావా వేశారు.

ఈ వివాదం తరువాత షారుఖ్ ఖాన్ ఈ-మెయిల్ ద్వారా మనోజ్ కుమార్‌కు లిఖితపూర్వక క్షమాపణ చెప్పారని కుమార్ తరపు న్యాయవాది పేర్కొన్నారు. అయితే, షారుఖ్ హామీ ఇచ్చినప్పటికీ, జపాన్‌లో విడుదలైన 'ఓం శాంతి ఓం' వెర్షన్‌లో అభ్యంతరకరమైన సన్నివేశం అలాగే ఉండిపోయింది. దీనితో కుమార్ "తీవ్రంగా కలత చెందారు. షాక్‌కు గురయ్యారు" అని ఆయన న్యాయవాది తెలిపారు.

"ఆ సన్నివేశాలను తొలగించకుండానే సినిమాను జపాన్‌లో విడుదల చేశారు. నేను వారిని రెండుసార్లు క్షమించాను. కానీ ఈసారి కాదు. వారు నన్ను అవమానించారు. 2008లో ఆ సన్నివేశాలను శాశ్వతంగా, అన్ని ప్రింట్లు, ప్రసార మాధ్యమాల నుంచి తొలగించాలని కోర్టు ఆదేశించినందున వారు కోర్టు ధిక్కరణకు కూడా పాల్పడ్డారు" అని మనోజ్ కుమార్ ఆగ్రహం వ్యక్తం చేశారు.

'భారత్ కుమార్' అని మరో పేరు ఉన్న మనోజ్ కుమార్ ఏప్రిల్ 4న ముంబైలోని కోకిలాబెన్ ధీరూభాయ్ అంబానీ ఆసుపత్రిలో గుండెపోటుతో మరణించారు. ఆయనను ఫిబ్రవరి 21న ఆసుపత్రిలో చేర్చారు. డీకంపెన్సేటెడ్ లివర్ సిర్రోసిస్ కారణంగా ఆయన ఆరోగ్యం క్షీణించింది. ఆయన అంత్యక్రియలు శనివారం ముంబైలోని పవన్ హాన్స్ శ్మశానవాటికలో జరుగుతాయి.