బిత్తిరి స‌త్తి క్ష‌మాప‌ణ‌లు..కానీ టార్గెట్ చేస్తే మాత్రం!

`భగవద్గీత`పై చేసిన వీడియోతో బిత్తిరి సత్తి వివాదంలో ఇరుక్కున్న సంగ‌తి తెలిసిందే. భగవద్గీతను కించ పరిచేలా వీడియో చేశాడంటూ రాష్ట్రీయ వాన‌ర‌సేన హైద‌రాబాద్ సీసీఎస్‌లో బిత్తిరి సత్తిపై ఫిర్యాదు చేసిన‌ట్లు వార్త‌లొచ్చాయి. అలాగే కొంత మంది నెటి జ‌నులు సైతం సత్తిపై అసంతృప్తిని వ్య‌క్తం చేసారు. ఈ నేప‌థ్యంలో తాజాగా క్ష‌మాప‌ణ‌లు కోరుతూ స‌త్తి మ‌రో వీడియో రిలీజ్ చేసాడు.

భ‌గ‌వ‌ద్గీత‌పై చేసిన ఆ వీడియో కేవ‌లం స‌ర‌దాగా చేసింది మాత్ర‌మే. కానీ కొందరు త‌ప్పుగా అర్దం చేసుకున్నారు. ఎవ‌రినీ కించ‌ప‌రిచాల‌నో? మ‌నోభావాలు దెబ్బ‌తీయాల‌నో ఆ వీడియో చేయ‌లేదు. నాకు అలాంటి ఉద్దేశం కూడా లేదు. నేను ఎప్పుడు చిన్న చిన్న క్లిప్స్, రీల్స్ పెడుతుంటాను. అది నా వీడియోలు చూసిన వారంద‌రికీ తెలుస్తుంది. అదే విధంగా ఓ వీడియోలో చిన్న మిస్టేక్ వచ్చింది.

నా అభిమానులు, బంధుమిత్రులు, శ్రేయోభిలాషులను నిజంగా ఆ వీడియో కించపర్చినట్లు అనిపిస్తే తప్పకుండా క్షమించండి. నేను భ‌గ‌వ‌ద్గీతను ఆరాధిస్తాన‌ని, రామాయణం చ‌దువుతాను. కానీ ఎవరైనా ఉద్దేశ పూర్వకంగా నాపై తప్పుడు ప్రచారం చేస్తే మాత్రం.. తప్పకుండా ఎదుర్కొంటానని` అని తెలిపాడు. దీంతో ఈ వివాదం ఇక్క‌డితో తొల‌గిపోయే అవ‌కాశం ఉంది. బిత్తిరి స‌త్తికంటూ ప్ర‌త్యేక‌మైన ఫాలోయింగ్ ఉన్న సంగ‌తి తెలిసిందే.

ఆయ‌న యాస‌కే బోలెడంత మంది అభిమానులున్నారు. అదే క్రేజ్ స‌త్తికిసినిమాల్లో అవ‌కాశాలు కూడా తెచ్చి పెట్టింది. కొన్ని సినిమాలు కూడా చేసాడు. అలాగే స్టార్ హీరోల్ని, ద‌ర్శ‌కుల్ని ఇంట‌ర్వ్యూలు చేసాడు. వాళ్ల‌ని సైతం త‌న‌మైన కామెడీతో న‌వ్వించ‌డం స‌త్తి ప్ర‌త్యేక‌త‌. ఆ ర‌కంగా స‌త్తి ఇంట‌ర్వ్యూల‌కు స్పెష‌ల్ గా మారాడు. ఆ ర‌కంగానూ స‌త్తి ఆదాయం భారీగానే పెరిగింది.