ఆ యంగ్ హీరోకి కెరీర్ ట‌ర్నింగ్ ఛాన్స్!

బాలీవుడ్ లో రాజ్ కుమార్ హిరాణీ సంచ‌ల‌నాల గురించి చెప్పాల్సిన ప‌నిలేదు. రైట‌ర్ గా..డైరెక్ట‌ర్ హిరాణీ మార్కెట్ లో ఓ బ్రాండ్ ని క్రియేట్ చేసుకున్నారు. బాలీవుడ్ లో ఎంత మంది ద‌ర్శ‌కులున్నా? అత‌ని ప్ర‌త్యేక‌త వేరు. అందుకే ఇండ‌స్ట్రీ బ్లాక్ బ‌స్ట‌ర్ పీకే లాంటి సినిమా ఇవ్వ‌గ‌లిగారు. ఇప్ప‌టికీ 2000 బాక్సాఫీస్ వ‌సూళ్ల రికార్డు ఆయ‌న పేరిట ప‌దిలంగానే ఉంది.డైరెక్ట‌ర్ గా సినిమాలు చేయ‌డానికి స‌మ‌యం తీసుకున్నా? చేసాడు అంటే అది చ‌రిత్రే అవుతుంది.

మున్నాభాయ్ ఎంబీబీస్ ప్రాంచైజీ, 3 ఇడియ‌ట్స్,` పీకే`, సంజు ఇలా ప్ర‌తీది/ క‌ళాఖండ‌మే. చివ‌రిగా షారుక్ ఖాన్ తో డంకీ తెర‌కెక్కించారు. ఇది మాత్రం మిస్ ఫైర్ అయింది. ఐదేళ్ల గ్యాప్ తీసుకుని మ‌రీ డంకీ చేసినా? అంచ‌నా లు మాత్రం అందుకోలేక‌పోయింది. హిరాణీ కెరీర్ లో ఇదొక నిరుత్సాహ ప‌రిచిన చిత్రం. అయితే ఇప్పుడ‌లాంటి స్టార్ మేక‌ర్ చేతిలో యంగ్ హీరో విక్కీ కౌశ‌ల్ ప‌డ్డాడు. వీరిద్ద‌రి కాంబినేష‌న్ లో ఓ సినిమాకి రంగం సిద్ద‌మ‌వుతోంది.

ఇప్ప‌టికే స్క్రిప్ట్ ప‌నులు కూడా మొద‌లైన‌ట్లు స‌మాచారం. అయితే వీరిద్ద‌రికీ ఇంత‌కు ముందే ప‌రిచ‌యం ఉంది. హిరాణీ తెర‌కెక్కించిన సంజు, డంకీ చిత్రాల్లో విక్కీ కౌశ‌ల్ న‌టించాడు. అందులో కీల‌క పాత్ర‌లు పోషించాడు. ఈ సినిమాల ద్వారా అత‌డు ట్యాలెంట్ చూసిన రాజ్ కుమార్ నేరుగా అత‌డితోనే ఓ మూవీ చేయాల‌ని నిర్ణ‌యించు కున్న‌ట్లు తెలుస్తోంది. వీక్కి కోసం ప్ర‌త్యేకంగా క‌థ‌ను సిద్దం చేస్తున్న‌ట్లు స‌మాచారం.

ఆ ర‌కంగా వీరిద్ద‌రి కాంబినేష‌న్ లో రాబోతున్న తొలి చిత్ర‌మిది. త్వ‌ర‌లోనే పూర్తి వివ‌రాలు అధికారికంగా తెలిసే అవ‌కాశం ఉంది. విక్కీ కౌశ‌ల్ కి గొప్ప అవ‌కాశం ఇది. రాజ్ కుమార్ హిరాణీ తో ప‌నిచేయాల‌ని సూప‌ర్ స్టార్లు ఎంతో మంది వెయిట్ చేస్తున్నారు. ఆయ‌న సినిమా చేయ‌డ‌మే మూడు నాలుగేళ్ల‌కి ఒక‌టి చేస్తుంటారు. అందుకే వెయిటింగ్ లిస్ట్ అంత పెద్ద‌ది ఉంటుంది. కానీ హీరాణి మాత్రం త‌న‌కు న‌చ్చిన హీరోతోనే ప‌నిచేస్తాడు. ఇప్పుడా అరుదైన ఛాన్స్ విక్కీ కి ద‌క్కింది.