కొడకా కోటేశ్వర రావ్.. భలే ఉందే

అజ్ఞాతవాసి సినిమా రిలీజ్ వరకు ఇంకా చిత్ర యూనిట్ టీ లాంటి టీజర్స్ తోనే సరిపెట్టేట్టు ఉంది. ఇంకా ట్రైలర్ లాంటి టిఫిన్ ఏప్పుడు వస్తుంది దేవుడా అని పవన్ అభిమానులు చాలా ఎదురుచూస్తున్నారు. అయితే త్రివిక్రమ్ మాత్రం ఏ మాత్రం తొందరపడకుండా అభిమానుల ఓపికను క్యాచ్ చేసుకొని సినిమాపై అంచనాలను పెంచుతున్నాడు. అయితే సినిమాలో పవన్ పాడిన స్పెషల్ సాంగ్ త్వరలో రిలీజ్ కాబోతోంది అని చిత్ర యూనిట్ గత కొన్ని రోజుల్ క్రితం చెప్పిన సంగతి తెలిసిందే.

అయితే రీసెంట్ గా చిత్ర యూనిట్ ఆ స్పెషల్ సాంగ్ టీజర్ ని రిలీజ్ చేసింది. కొడకా కోటేశ్వర రావ్ అనే పాటను పవన్ ఈ సినిమాలో పాడాడు. అయితే రికార్డింగ్ థియేటర్ లో పవన్ పాడిన విధానాన్ని టీజర్ లో చూపించారు. కొడకా అని పవన్ హమ్మింగ్ చేసేలోపే త్రివిక్రమ్ నవ్వులు పవన్ సిగ్గు ఇక ఆ తరువాత అనిరుద్ రెడీ అనడం ఆ తరువాత కొడకా.. అని పవన్ ఉపందుకోవడంతో టీజర్ ఎండ్ అయ్యింది. అయితే చివరలో పవన్ కూర్చుని ఒక రిథమ్ ని అనుకరించడం చాలా బావుంది.

టీజర్ లో అదే ప్రధానంగా కనిపించింది. మొత్తంగా కళ్లు మూసి తెరిచే లోపే ఆ టీజర్ అయిపొయింది. దీంతో అభిమానులు భలే ఉందే అనుకుంటూనే.. పూర్తి పాట కోసం ఎదురుచూస్తున్నారు. డిసెంబర్ 31వ తేదీ సాయంత్రం ఆరు గంటలకు ఆ పాట రిలీజ్ కాబోతోంది. పవన్ ఫ్యాన్స్ న్యూ ఇయర్ సందర్బంగా ఆ పాటను డీజే సౌండ్ లో పెట్టుకొని డ్యాన్స్ వేయకుండా ఉండలేరు. బహుశా త్రివిక్రమ్ న్యూ ఇయర్ మూడ్ ని క్యాచ్ చేసినట్టున్నాడు అనిపిస్తోంది. చూడాలి మరి ఆ పాట ఎంతవరకు ఆకట్టుకుంటుందో..