చైత‌న్య రెక్వ‌స్ట్‌ కి ఓకే చెప్పిన వెంకీ

నాగ‌చైత‌న్య మ‌జ్నుగా న‌టించ‌డానికి రెడీ అవుతున్న సంగ‌తి తెలిసిందే. మ‌ల‌యాళ హిట్ చిత్రం ప్రేమంకి రీమేక్ ఇది. ఇందులో శ్రుతిహాస‌న్‌ - దిశాప‌టానీ - అనుప‌మ ప‌ర‌మేశ్వ‌ర‌న్ వంటి క‌థానాయిక‌లు న‌టిస్తున్నారు. కార్తికేయ ఫేం చందు మొండేటి ఈ చిత్రానికి ద‌ర్శ‌క‌త్వం వ‌హిస్తున్నారు. అయితే ఈ సినిమాలో ఓ కీల‌క‌మైన రోల్ కోసం విక్ట‌రీ వెంక‌టేష్‌ ని సంప్ర‌దించార‌ని స‌మాచారం. నాగ‌చైత‌న్య స్వయంగా ఈ విష‌య‌మై వెంకీని క‌లిసి ముచ్చ‌టించారు. అందుకు వెంకీ నుంచి పాజిటివ్ సైన్ వ‌చ్చింద‌ని తెలుస్తోంది.

విక్ట‌రీ వెంక‌టేష్ గోపాల గోపాల - దృశ్యం చిత్రాల త‌ర్వాత వేరే ఏ ప్రాజెక్టు కోసం ఆన్‌ సెట్స్ వెళ్లిందే లేదు. ఇప్ప‌టికే చాలా గ్యాప్ వ‌చ్చింది. ప్ర‌స్తుతం ఫ్యామిలీ స‌మేతంగా ఊటీ వెళ్లి రిలాక్స‌వుతున్నారు. అట్నుంచి రాగానే కొత్త ప్రాజెక్టుల‌కు సంబంధించిన ప‌నిలోకి దిగుతార‌ని తెలుస్తోంది. ప్ర‌స్తుతం వెంకీ ఓ ఇద్ద‌రు ద‌ర్శ‌కుల‌కు గ్రీన్‌ సిగ్నల్ ఇచ్చాడు. మారుతి - క్రాంతి మాధ‌వ్ ఇద్ద‌రూ లైన్‌ లో ఉన్నారు. ఇప్ప‌టికే లైన్ వినిపించి డెవ‌ల‌ప్ చేసే ప‌నిలో ఉన్నారు. ఈ రెండు సినిమాల‌తో పాటు నాగ‌చైత‌న్య సినిమాలో కామియో రోల్ పోషిస్తాడు. మ‌ల‌యాళ వెర్ష‌న్ ప్రేమంలో వెట‌ర‌న్ యాక్ట‌ర్ అనంత్ నాగ్ పోషించిన పాత్ర‌నే విక్ట‌రీ వెంక‌టేష్ పోషిస్తార‌ని తెలుస్తోంది. ఎస్‌.రాధాకృష్ణ సితార ఎంట‌ర్‌ టైన్‌ మెంట్స్ ప‌తాకంపై ఈ చిత్రాన్ని తెర‌కెక్కిస్తున్నార‌ని టాక్‌.