'నోటా' వాయిదా లేదు

ఫిలింస‌ర్కిల్స్ లో `గీత గోవిందం` సంచ‌ల‌నాల గురించి ఇంకా ఆస‌క్తిక‌ర చ‌ర్చ సాగుతూనే ఉంది. ఇటు టాలీవుడ్ స‌హా అటు కోలీవుడ్ - బాలీవుడ్‌ లోనూ ఈ సినిమా గురించిన అంద‌రిలో ఆస‌క్తిక‌ర డిబేట్ సాగింది. అందుకే ఇప్పుడు విజ‌య్ దేవ‌రకొండ బ్రాండ్ మార్మోగిపోతోంది. ఆ పేరు వింటేనే మార్కెట్ వ‌ర్గాల్లో ఒక‌టే ఉత్కంఠ. నటించిన నాలుగో సినిమాకే 100 కోట్ల క్ల‌బ్ హీరోగా రికార్డులు సృష్టించిన దేవ‌ర‌కొండ చుట్టూ ప్ర‌స్తుతం ఒక‌టే ఎగ్జ‌యిట్‌ మెంట్. అత‌డి సినిమా నోటా చుట్టూ నోట్లాట మొద‌లైంది. ఈ సినిమా వ‌స్తోంది అంటే అటూ ఇటూ ఇత‌ర రిలీజ్‌ ల విష‌య‌మై సందిగ్ధ‌త నెల‌కొన‌డం ఆస‌క్తిక‌ర చ‌ర్చ‌కు తావిచ్చింది.

దేవ‌ర‌కొండ తాజా చిత్రం `నోటా` రిలీజ్‌ వార్‌ లో ఉందిప్పుడు. ఇటీవ‌లే ట్రైల‌ర్ రిలీజైంది. ఈ ట్రైల‌ర్‌ కి జ‌నం నుంచి అద్భుత స్పంద‌న వ‌చ్చింది. స‌రిగ్గా తెలుగు రాష్ట్రాల్లో సిస‌లైన‌ పొలిటిక‌ల్ స్టంట్ మొద‌లైన వేళ `నోటా` అంటూ వ‌స్తున్నాడు దేవ‌ర‌కొండ‌. అత‌డి టైమింగ్ పెర్ ఫెక్ట్ అన్న ముచ్చ‌టా సాగుతోంది. ఈ నేప‌థ్యం నోటాపై హైప్‌ ను పెంచుతోంది. ఆ క్ర‌మంలోనే మేక‌ర్స్ నోటా ప్ర‌చారంలోనూ వేడి పెంచే ఆలోచ‌న‌లో ఉన్నారు. ప్ర‌స్తుతం డ‌బ్బింగ్ ప‌నులు వేగంగా పూర్త‌వుతున్నాయ‌ని తెలుస్తోంది.

నిన్న‌టికి నిన్న‌ ఈ సినిమా వాయిదా ప‌డింద‌ని - ముందే ప్ర‌క‌టించిన‌ట్టు అక్టోబ‌ర్ 4న‌ రావ‌డం లేద‌ని ప్ర‌చారం సాగింది. అక్టోబ‌ర్ 18న రిలీజ్ ప్లాన్ చేస్తున్నార‌ని కొంద‌రు తేదీని ప్ర‌క‌టించేస‌రికి ట్రేడ్‌ లో డైలమా నెల‌కొంది. కానీ నోటా మేక‌ర్స్ ఈ విష‌యాన్ని ఖండించారు. చెప్పిన తేదీకే వ‌స్తున్నాం. అక్టోబ‌ర్ 4 లేదా 5 తేదీల్లో క‌న్ఫామ్‌ గా వ‌చ్చేస్తున్నామ‌ని తెలిపారు. దీంతో సస్పెన్స్ వీడింది. ఇప్పుడు ర‌వితేజ అమ‌ర్ అక్బ‌ర్ ఆంటోనీ - రామ్ హ‌లో గురూ ప్రేమ‌కోస‌మే చిత్రాల‌కు స్కోప్ పెరుగింద‌న్న మాటా వినిపిస్తోంది. ఈ సినిమాల‌తో పాటు విశాల్‌- లింగుస్వామి `పందెంకోడి 2` రిలీజ్‌ కి వ‌స్తున్న సంగ‌తి తెలిసిందే.