స్ర్కిప్టును తిట్టట్లేదు.. అమలు చేయలేదంతే

మామూలుగా కొన్ని సినిమాలు చేయగానే.. కొన్ని ఫెయిలైనప్పుడు.. రాంగ్‌ స్టోరీ ఎంచుకున్నాను అంటూ చాలామంది హీరోహీరోయిన్లు పబ్లిక్ గానో మీడియా సాక్షిగానో కామెంట్లు చేస్తుంటారు. కాని ఈ విషయంలో యాంకర్ రష్మికి ఒక ప్రత్యేక స్థానం ఉంది. అమ్మడు ఇలాంటి విషయాలపై చాలా ప్రొఫెషనల్ గా రెస్పాండ్ అవుతందనడానికి.. ఈ యొక్క ఎగ్జాంపుల్ చాలు.

మొన్ననే రిలీజైన రష్మీ సినిమా ''అంతం'' అంతే లేకుండా పోయింది. అయితే ఆ సినిమాలో ఆమె చేసింది చాలా చిన్న పాత్రే. కాబట్టి సినిమా ఫెయిల్యూర్ కాని సక్సెస్ కాని ఆమె నెత్తిన వేయలేం. రష్మిని ఇదే విషయం అడుగుతూ.. ఇలాంటి బ్యాడ్ స్ర్కిప్ట్ ఎందుకు సెలక్టు చేసుకున్నావ్ అమ్మాయి? అంటే.. ''అబ్బే అసలు ఏ స్ర్కిప్టు కూడా గుడ్‌ బ్యాడ్‌ అని ఉండదు. అన్నీ బాగుంటాయి. కాకపోతే స్ర్కిప్టును సరిగ్గా తీయలేకపోతే.. ఎగ్జిక్యూట్‌ (అమలు) చేయలేకపోతే మాత్రం రిజల్టు తేడా పడుతుంది'' అంటూ సెలవిచ్చింది. మొత్తానికి అమ్మడు స్టోరీని తిట్టట్లేదు.. తీసిన డైరక్టర్ ను తిడుతోంది అనమాట.

ఏదేమైనా కూడా ఇప్సుడు రష్మి తన హోప్స్ అన్నీ కూడా ''తను వచ్చెనంట'' అనే జోంబీ కామెడీ సినిమాపైనే పెట్టుకుంది. ఈ సినిమా జూలై 29న రిలీజై హిట్టయితే రష్మి రేంజు వేరే రేంజుకు వెళ్లే ఛాన్సుంటుంది.