విజయ్ సేతుపతి 'విడుతలై-2'.. ట్రైలర్ టాక్ ఇలా..

కోలీవుడ్ స్టార్ హీరో విజయ్ సేతుపతి.. రీసెంట్ గా మహారాజ మూవీతో ప్రేక్షకుల ముందుకు వచ్చి బ్లాక్ బస్టర్ హిట్ అందుకున్న విషయం తెలిసిందే. ఫాదర్ డాటర్ సెంటిమెంట్ తో నిథిలన్ తెరకెక్కించిన ఆ సినిమాతో ఆడియన్స్ ను ఓ రేంజ్ లో మెప్పించారు. ఇప్పుడు సూపర్ హిట్ మూవీ విడుతలై సీక్వెల్ తో థియేటర్లలో సందడి చేసేందుకు సిద్ధమవుతున్నారు.

తమిళ ప్రముఖ దర్శకుడు వెట్రిమారన్ తెరకెక్కిస్తున్న ఆ సినిమా.. క్రిస్మస్ కానుకగా ప్రేక్షకుల ముందుకు రానుంది. డిసెంబర్ 20వ తేదీన విడుదల చేయనున్నట్లు ఇప్పటికే మేకర్స్ ప్రకటించారు. అయితే గత ఏడాది థియేటర్లలో రిలీజ్ అయిన విడుతలై పార్ట్‌-1.. బాక్సాఫీస్ వద్ద మంచి విజయాన్ని అందుకుంది. విమర్శకుల నుంచి ప్రశంసలు కూడా దక్కించుకుంది.

దీంతో సీక్వెల్ పై అంతా భారీ అంచనాలు పెట్టుకున్నారు. ఆ నేపథ్యంలో మేకర్స్.. రిలీజ్ చేసిన ట్రైలర్ ఇప్పుడు సోషల్ మీడియాలో వైరల్ అవుతోంది. సినిమాపై మంచి బజ్ క్రియేట్ చేస్తోంది. ఫస్ట్ పార్ట్ ముగిసిన చోట నుంచి సీక్వెల్ స్టార్ట్ అవుతున్నట్లు క్లారిటీ ఇచ్చేసింది. ఓవరాల్ గా సోషల్ మీడియాలో పాజిటివ్ రివ్యూస్ అందుకుని దూసుకుపోతోంది.

అయితే విడుతలై పార్ట్-1 అంతా ప్రజలు, పోలీసుల మధ్య వివాదం కంటే ఎక్కువగా కొండ ప్రాంతంలో ఉన్న పోలీసు చుట్టూ తిరుగుతుంది. విజయ్ సేతుపతి గెస్ట్ రోల్ లో కనిపించారు. ఇప్పుడు సీక్వెల్ లో ఫుల్ లెంగ్త్ రోల్ పెరుమాళ్ చేస్తున్నట్లు అర్థమవుతుంది. కుల వివక్షకు వ్యతిరేకంగా తిరుగుబాటెలా ఎంచుకున్నాడనేది మూవీగా తెలుస్తోంది.

ట్రైలర్ లో నటి మంజు వారియర్ ను పరిచయం చేశారు మేకర్స్. పెరుమాళ్ ప్రేయసిగా కనిపించారు. వెట్రిమారన్ ఈసారి పెరుమాళ్ పాత్రను నడిపిస్తూ హృదయాన్ని కదిలించే మరో కథను అందిస్తున్నట్లు అర్థమవుతోంది. ట్రైలర్ లో విజువల్స్ చాలా నేచురల్ గా ఉన్నాయి. విజయ్ సేతుపతి.. మరోసారి అలరించనున్నట్లు క్లియర్ గా తెలుస్తోంది.

ఇక సినిమా విషయానికొస్తే.. విజయ్, మంజు వారియర్ తోపాటు గౌతమ్ మీనన్, రాజీవ్ మీనన్, చేతన్ తదితరులు కీలక పాత్రలు పోషిస్తున్నారు. లెజెండరీ మ్యూజిక్ డైరెక్టర్ ఇళయరాజా సంగీతం అందిస్తున్నారు. ప్రస్తుతం షూటింగ్ చివర దశలో ఉండగా.. రిలీజ్ కు ఏర్పాట్లు చేస్తున్నారు మేకర్స్. మరి విడుతలై పార్ట్ 2 ఎలాంటి హిట్ అవుతుందో వేచి చూడాలి.