లెజెండ్ శ్రీ‌దేవికి అంత పెద్ద వీరాభిమాని ఈ నటి
మామ్ శ్రీదేవి ప్రతిభను మెచ్చుకుంటూ త‌న‌ను యాక్షన్ రోల్స్‌లో చూడాలని కోరికను బాల‌న్ వ్యక్తం చేసింది.
By: Tupaki Desk | 13 Nov 2024 3:30 AM GMT
లెజెండ‌రీ నటి శ్రీదేవి త‌న‌దైన అందం ప్ర‌తిభ‌తో ప్ర‌జ‌ల హృదయాల‌ను గెలుచుకున్నారు. ప్ర‌పంచ‌వ్యాప్తంగా భారీగా అభిమానుల‌ను సంపాదించుకున్నారు. శ్రీ‌దేవికి స‌హ న‌టీన‌టులు కూడా గొప్ప అభిమానులే. అలాంటి వారిలో క‌చ్ఛితంగా విద్యా బాల‌న్ ఒక‌రు. బాల‌న్ తాజా ఇంట‌ర్వ్యూలో మాట్లాడుతూ శ్రీదేవిపై త‌న అభిమానాన్ని దాచుకోలేక‌పోయారు. మామ్ శ్రీదేవి ప్రతిభను మెచ్చుకుంటూ త‌న‌ను యాక్షన్ రోల్స్‌లో చూడాలని కోరికను బాల‌న్ వ్యక్తం చేసింది. అయితే ఆ అవకాశం ఇకపై సాధ్యం కాదని అంగీకరించింది. శ్రీదేవి అస‌మాన నటి.. పరిపూర్ణ నటి అని కూడా బాల‌న్ అభివర్ణించారు.
తాజా ఇంట‌ర్వ్యూలో విద్యాబాలన్ కు ఒక ప్ర‌శ్న ఎదురైంది. మాధురి ధీక్షిత్ కాకుండా ఇంకా ఎవ‌రిని మీరు అభిమానిస్తారు? అన్న ప్ర‌శ్న‌కు బాల‌న్ స‌మాధాన‌మిచ్చింది. శ్రీదేవిపై తనకున్న ప్రగాఢ అభిమానాన్ని బాల‌న్ ధృవీక‌రించింది. శ్రీదేవి నటనను చూడటం నాకు చాలా ఇష్టం. ఆమె అత్యంత పరిపూర్ణమైన నటి అని నేను అనుకుంటున్నాను. శ్రీదేవి చేయలేనిది ఏమీ లేదు. యాక్షన్ పాత్ర‌ల్లోను చేయ‌గ‌ల‌రు. కానీ ఇప్పుడు ఆ అవకాశం రాదు అని అన్నారు.
అలాగే శ్రీదేవి, రేఖ న‌డుమ స్నేహం గురించి బాల‌న్ గుర్తు చేసారు. శ్రీదేవి మ‌ర‌ణానంత‌రం జాన్వీ క‌పూర్- ఖుషీ క‌పూర్ ల‌ను ఓదార్చిన నటి రేఖ అన్న విషయం ఈ సంద‌ర్భంగా చ‌ర్చ‌కు వ‌చ్చింది. అలాగే త‌న జీవితంలో మొద‌టిసారి రిషీ క‌పూర్ ని ద‌గ్గ‌ర‌గా చూసి థ్రిల్ అయ్యాన‌ని, అది క్రేజీ ఫ్యాన్ మూవ్ మెంట్ అని కూడా బాల‌న్ ఈ ఇంట‌ర్వ్యూలో తెలిపారు. ఇటీవ‌లే బ్లాక్ బ‌స్ట‌ర్ మూవీ భూల్ భులాయా 3లో బాల‌న్ న‌టించిన సంగ‌తి తెలిసిందే. త‌దుప‌రి ప‌లు క్రేజీ ప్రాజెక్టుల‌తో విద్యా బాల‌న్ మెస్మ‌రైజ్ చేయ‌నున్నారు.
