రాబిన్ హుడ్.. టాలీవుడ్ లోకి విద్యా వోక్స్

టాలీవుడ్ యంగ్ హీరో నితిన్.. బ్యాక్ టు బ్యాక్ ప్రాజెక్టులతో బిజీగా ఉన్న విషయం తెలిసిందే. అందులో భాగంగా ఇప్పుడు రాబిన్ హుడ్ మూవీతో ప్రేక్షకుల ముందుకు వచ్చేందుకు సిద్ధమవుతున్నారు. భీష్మ రూపంలో ఇప్పటికే నితిన్ కు మంచి హిట్ అందించిన వెంకీ కుడుముల.. రాబిన్ హుడ్ చిత్రానికి దర్శకత్వం వహిస్తున్నారు.

నితిన్, వెంకీ కుడుముల హిట్ కాంబో రిపీట్ అవుతుండడంతో సినిమాపై ఆడియన్స్ లో భారీ అంచనాలు నెలకొన్నాయి. ఇటీవల మేకర్స్ టీజర్ రిలీజ్ చేయగా.. అదిరిపోయే రెస్పాన్స్ వచ్చింది. అడ్వెంచరస్ ఎంటర్టైనర్ గా మూవీ ఉండబోతున్నట్లు టీజర్ అందరికీ క్లారిటీ ఇచ్చేసింది. సినిమాపై పాజిటివ్ బజ్ క్రియేట్ చేసింది.

రాబిన్ హుడ్ తరహాలోనే ప్రజల నుంచి సొమ్మును కాజేసే క్యారెక్టర్ లో హీరో నితిన్ సినిమాలో కనిపిస్తారని తెలుస్తోంది. నితిన్ సరసన యంగ్ బ్యూటీ శ్రీలీల హీరోయిన్ గా నటిస్తున్నారు. టాలీవుడ్ బాడ్ ప్రొడక్షన్ హౌస్ మైత్రీ మూవీ మేకర్స్ సంస్థ గ్రాండ్ గా నిర్మిస్తున్న రాబిన్ హుడ్ మూవీకి జీవీ ప్రకాష్ కుమార్ సంగీతం అందిస్తున్నారు.

అయితే క్రిస్మస్ కానుకగా డిసెంబర్ 25వ తేదీన సినిమాను రిలీజ్ చేస్తున్నట్లు మేకర్స్ ఇప్పటికే అనౌన్స్ చేశారు. టీజర్ తో ప్రమోషన్స్ స్టార్ట్ చేసిన మేకర్స్.. ఇప్పుడు మ్యూజికల్ ప్రమోషన్స్ ను షురూ చేస్తున్నారు. రేపు(నవంబర్ 26)న ఫస్ట్ సాంగ్ ను రిలీజ్ చేస్తామని ఇప్పటికే తెలిపారు. అదే సమయంలో మేకర్స్ తాజాగా క్రేజీ అప్డేట్ ఇచ్చారు.

రాబిన్ హుడ్ ఫస్ట్ సింగిల్ తో అమెరికా యూట్యూబర్, భారత సంతతి సింగర్ విద్యా వోక్స్ టాలీవుడ్ లోకి ఎంట్రీ ఇస్తున్నట్లు అనౌన్స్ చేశారు. వన్ మోర్ టైమ్ అంటూ సాగే ఫస్ట్ సింగిల్ కోసం ఇండో ఫ్యూజన్ మ్యూజిక్ లో మంచి టాలెంట్ ఉన్న ఆమెను రంగంలోకి దించినట్లు తెలిపారు. పవర్ ఫుల్ ఎనర్జీతో సాంగ్ ను విద్య వోక్స్ అదరగొట్టేశారని వెల్లడించారు.

అయితే మ్యూజిక్ అందిస్తూనే.. విద్యా వోక్స్ తో కలిసి ఫస్ట్ సింగిల్ ను జీవీ ప్రకాష్ కుమార్ కూడా పాడారు. అదే సమయంలో వెల్కమ్ టు టాలీవుడ్ విద్యా వోక్స్ అంటూ నెటిజన్లు కామెంట్లు పెడుతున్నారు. కాగా, తొలి సాంగ్ అందరినీ తప్పకుండా అలరిస్తుందని మూవీ టీమ్ గట్టి నమ్మకంతో ఉంది. మరి చూడాలి ఏం జరుగుతుందో...