హీరో న్యూడ్‌ ఫోటో.. ఆర్జీవీ కామెంట్స్ వైరల్‌

రామ్‌ గోపాల్‌ వర్మ తనకు సంబంధం ఉన్నా లేకున్నా బర్నింగ్ టాపిక్ పై, ట్రెండింగ్ టాపిక్స్ పై స్పందిస్తూ ఉంటాడు. గత కొన్ని రోజులుగా యానిమల్ సినిమాకు సంబంధించిన విషయాలను గురించి స్పందిస్తూ ఉన్న వర్మ ఆ సినిమా దర్శకుడు సందీప్‌ వంగ పై ప్రశంసల వర్షం కురిపిస్తూ ఉన్నాడు. యానిమల్ సినిమా పై వర్మ చేసిన కామెంట్స్ అందరి దృష్టిని ఆకర్షించాయి.

ఇప్పుడు బాలీవుడ్‌ హీరో విద్యుత్‌ జమాల్ న్యూడ్‌ ఫోటో గురించి వర్మ స్పందించాడు. ప్రతి ఏడాది విద్యుత్‌ జమాల్‌ హిమాలయాల్లో వారం నుంచి పది రోజుల పాటు ఒంటరిగా గడుపుతాడు. ఆ సమయంలో ఆయన ఒంటిపై బట్టలు లేకుండా నగ్నంగా ఉంటాడట. ఈ విషయాన్ని స్వయంగా ఆయన పేర్కొన్నాడు.

ఈసారి విద్యుత్‌ జమాల్‌ తన న్యూడ్‌ ఫోటోను షేర్ చేశాడు. ఆ ఫోటో తెగ వైరల్‌ అవుతోంది. విద్యుత్‌ జమాల్ న్యూడ్‌ ఫోటో పై రామ్‌ గోపాల్ వర్మ స్పందించాడు. హీరో తెగువకి మరియు పట్టుదలకు అభినందనలు తెలియజేస్తూ వర్మ చేసిన పోస్ట్‌ ప్రస్తుతం అందరి దృష్టిని ఆకర్షిస్తోంది.

వర్మ ట్విట్టర్ లో.. హే విద్యుత్‌ నీలోని యానిమల్ ను బయటకు తీసుకు వచ్చేందుకు ఇదే సమయం. సరైన సమయంలో నువ్వు ఈ ఫోటోలను షేర్‌ చేశావు. గ్రీకు దేవుడిగా కనిపిస్తున్న నీకు మిలియన్‌ సెల్యూట్స్‌. నీ డేరింగ్‌ కి సెల్యూట్‌ అన్నట్లుగా ట్వీట్ చేశాడు. ప్రస్తుతం ఈ ట్వీట్‌ వైరల్‌ అవుతోంది.

మొత్తానికి విద్యుత్‌ జమాల్ అలాంటి న్యూడ్ ఫోటోలు షేర్‌ చేయడమే చాలా పెద్ద విషయం అంటే.. ఆ ఫోటోలపై రామ్ గోపాల్ వర్మ వంటి ప్రముఖ సెలబ్రిటీ స్పందించడం తో మరింతగా ఆ ఫోటోలు సోషల్ మీడియాలో చర్చనీయాంశంగా మారాయి అనడంలో సందేహం లేదు.