విజయ్ GOATలో స‌ర్‌ప్రైజ్ స్టార్

ఇల‌య‌ద‌ళ‌ప‌తి విజయ్ న‌టిస్తున్న భారీ యాక్షన్ థ్రిల్లర్ ది GOAT (ది గ్రేటెస్ట్ ఆఫ్ ఆల్ టైమ్) ఈ సీజన్‌లో మోస్ట్ అవైటెడ్ చిత్రాల‌లో ఒక‌టి. వినాయక చతుర్థి కానుకగా సెప్టెంబర్ 5న ఈ చిత్రాన్ని ప్రపంచవ్యాప్తంగా థియేటర్లలోకి తీసుకురావడానికి సన్నాహాలు చేస్తున్నారు. ఈ చిత్రంలో మీనాక్షి చౌదరి, ప్రశాంత్, ప్రభుదేవా, లైలా, జయరామ్, స్నేహ, అజ్మల్ అమీర్, వైభవ్ కీల‌క పాత్రలు పోషిస్తున్నారు.

స్టార్ కాస్టింగ్ ప‌రంగా ద‌ర్శ‌కుడు వెంక‌ట్ ప్ర‌భు చాలా జాగ్ర‌త్త‌లు తీసుకుంటున్నార‌ని, స్టార్ హీరోయిన్ త్రిష గోట్‌లో ప్రత్యేక అతిధి పాత్రకు ఎంపిక చేసార‌ని ఊహాగానాలు సాగాయి. త్రిష ఒక ప్రత్యేక పాట స‌హా కొన్ని సీన్ల‌లో విజయ్‌తో కలిసి కనిపించనుందనేది తాజా వార్త‌. త్రిష అతిధి పాత్ర చిత్రీక‌ర‌ణ పూర్త‌యింది. ఇది చాలా బాగా వచ్చింది. ఇది సినిమా ప్రధాన హైలైట్‌లలో ఒకటిగా ఉంటుందని లీక్ అందింది.

విజయ్-త్రిష జోడీకి భారీ స్థాయిలో అభిమానులు ఉన్నారు. ఆన్ ద స్క్రీన్ ఈ జంట కెమిస్ట్రీకి ప్ర‌త్యేకించి ఫ్యాన్సున్నారు. ఈ జంట చివరిసారిగా లియోలో కలిసి కనిపించారు. గిల్లి, కురువి లాంటి చిత్రాల్లో విజయ్ - త్రిష రొమాన్స్ గొప్ప‌గా పండింది. అంద‌మైన జంట‌ తమ కెమిస్ట్రీతో తెరను రోమాంచితం చేసారు. అందుకే ఇప్పుడు ది గోట్ లో క‌లిసి న‌టిస్తున్నారు అన‌గానే ఫ్యాన్స్ లో ఎంతో ఎగ్జ‌యిట్ మెంట్ క‌నిపిస్తోంది. ఏజీఎస్‌ ఎంటర్‌టైన్‌మెంట్ బ్యానర్ ఈ భారీ బడ్జెట్ చిత్రం కోసం దాదాపు 200కోట్లు ఖ‌ర్చు చేస్తోంద‌ని ప్ర‌చారం సాగుతోంది. దీనిని పాన్ ఇండియా మార్కెట్లో విడుద‌ల చేయ‌డమే ధ్యేయంగా అత్యంత భారీగా నిర్మిస్తున్నారు.