సేతుపతి సినిమా.. 700 కోట్లు సాధ్యమేనా?
కోలీవుడ్ విలక్షణ నటుడు విజయ్ సేతుపతి ల్యాండ్ మార్క్ మూవీ మహారాజా ఎలాంటి హిట్ అయిందో అందరికీ తెలిసిందే.
By: Tupaki Desk | 25 Nov 2024 4:30 PM GMT
కోలీవుడ్ విలక్షణ నటుడు విజయ్ సేతుపతి ల్యాండ్ మార్క్ మూవీ మహారాజా ఎలాంటి హిట్ అయిందో అందరికీ తెలిసిందే. యంగ్ డైరెక్టర్ నిథిలన్ స్వామినాథన్ దర్శకత్వం వహించిన ఆ సినిమా.. ఓ రేంజ్ లో అందరినీ మెప్పించింది. ఎలాంటి అంచనాలు లేకుండా ప్రేక్షకుల ముందుకు వచ్చి భారీ స్థాయిలో వసూళ్లు రాబట్టింది.
బాక్సాఫీస్ వద్ద ఏకంగా రూ.100 కోట్లకు పైగా కలెక్షన్స్ సాధించింది మహారాజా మూవీ. థియేటర్లలోనే కాదు ఓటీటీలో కూడా అదరగొట్టేసింది. రికార్డ్ స్థాయిలో వ్యూస్ సంపాదించుకుంది. కంటెంట్ ఉంటే తిరుగలేదన్న విధంగా దూసుకుపోయింది. మెయిన్ గా విజయ్ సేతుపతి యాక్టింగ్ కు విమర్శకుల నుంచి కూడా ప్రశంసలు వచ్చాయి.
ఇప్పుడు మహారాజా మూవీ చైనాలో విడుదలకు సిద్ధమవుతున్నట్లు కొద్ది రోజులుగా వార్తలు వస్తున్నాయి. నవంబర్ 29వ తేదీన విడుదల అవ్వనుంది. ఏకంగా అక్కడ 40 వేల స్క్రీన్లలో రిలీజ్ కానుందని టాక్ వినిపిస్తోంది. యిషి ఫిల్మ్స్, అలీబాబా పిక్చర్స్ అందుకు తగ్గ అన్ని ఏర్పాట్లు పూర్తి చేస్తున్నట్లు జోరుగా ప్రచారం సాగుతోంది.
ఇక ఇప్పటికే చైనాలో మహారాజా మూవీ ప్రీమియర్ షోను సక్సెస్ ఫుల్ గా ప్రదర్శించగా.. లక్షా 30 వేల డాలర్లు వసూలు చేసినట్లు తెలుస్తోంది. దీంతో చైనా మూవీ లవర్స్ ను కచ్చితంగా మహారాజా ఆకట్టుకుంటుందని అంతా అంచనా వేస్తున్నారు. తండ్రీకూతుళ్ల సెంటిమెంట్ తో తెరకెక్కిన చిత్రం బాగా కనెక్ట్ అవుతుందని భావిస్తున్నారు.
అదే సమయంలో ఇప్పటికే చైనాలో అనేక ఇండియన్ మూవీస్ సూపర్ రెస్పాన్స్ అందుకున్నాయి. అమీర్ ఖాన్ దంగల్, సీక్రెట్ సూపర్ స్టార్, రాణి ముఖర్జీ హిచ్కీ, శ్రీదేవి MOM వంటి ఎమోషనల్ మూవీస్ చైనీస్ ఆడియన్స్ ను కట్టి పడేశాయి. దీంతో ఇప్పుడు మహారాజా కూడా అక్కడ బ్లాక్ బస్టర్ హిట్ అవ్వడం పక్కా అని అంటున్నారు.
ఇప్పటి వరకు చైనాలో హైయెస్ట్ గ్రాస్ వసూళ్లు సాధించిన ఇండియన్ మూవీగా దంగల్ చిత్రం నిలిచింది. ఇప్పుడు 40 వేల స్క్రీన్స్ లో రిలీజ్ అవ్వనున్న విజయ్ సేతుపతి మహారాజా మూవీ.. రూ.700 కోట్లకుపైగా వసూళ్లను రాబట్టే అవకాశం ఉన్నట్లు ట్రేడ్ పండితులు అంచనా వేస్తున్నారు. మరి ఏం జరుగుతుందో వేచి చూడాలి.
