దళపతి గోట్.. ఫ్యాన్స్ కూడా షాక్ అయ్యేలా..!

దళపతి విజయ్ లేటెస్ట్ మూవీ ది గోట్ సినిమా శుక్రవారం ప్రేక్షకుల ముందుకు వచ్చింది. వెంకట్ ప్రభు దర్శకత్వంలో తెరకెక్కిన ఈ సినిమా సైన్స్ ఫిక్షన్ యాక్షన్ ఎంటర్టైనర్ గా తెరకెక్కించారు. విజయ్ సినిమా కోలీవుడ్ లో ఎలా ఉన్నా ఆడేస్తుంది. గోట్ సినిమాకు టాక్ తో సంబంధం లేకుండా ఫ్యాన్స్ సూపర్ అనేస్తున్నారు. కానీ అక్కడ తప్ప మిగతా ఏ భాషలోనూ సినిమా చూసిన ప్రేక్షకులు పెదవి విరుస్తున్నారు. తెలుగులో మైత్రి మూవీ మేకర్స్ రిలీజ్ చేసిన విజయ్ గోట్ సినిమాకు అంత గొప్ప టాక్ రాలేదు.

ఐతే ఈ సినిమాలో విజయ్ వెరైటీగా కొంతమంది స్టార్ హీరోల రిఫరెన్స్ లు తీసుకోవడం సర్ ప్రైజ్ చేసింది. ముఖ్యంగా షారుఖ్ ఖాన్ ఐకానిక్ ఫోజు, సూపర్ స్టార్ రజినీకాంత్ పడైయప్పలో మ్యూజిక్ తో పాటుగా మహేష్ ఒక్కడు సినిమా తరహాలో యోగి బాబు పాత్ర ఇలా అన్ని కావాలని పెట్టారు. ఇక విజయ్ గిల్లి సినిమాలో త్రిష తో వేసిన స్టెప్పులను మళ్లీ ఇన్నేళ్ల తర్వాత రిపీట్ చేశారు. ఐతే ఇవన్నీ దళపతి ఫ్యాన్స్ కి ఫీస్ట్ అందించినా కామన్ ఆడియన్స్ కు మాత్రం అంతగా ఎక్కలేదు.

ఫలితంగా తమిళంలో అది కూడా దళపతి ఫ్యాన్స్ గోట్ చూసి ఆహా ఓహో అనేస్తున్నా అసలు టాక్ మాత్రం అంతగా బాగాలేదు. సినిమాకు రన్ టైం ఒక మైనస్ కాగా ఫస్ట్ హాఫ్ కొద్దిగా బెటర్ అనిపించి సెకండ్ హాఫ్ మీద ఎక్కువ భారం పడగా సెకండ్ హాఫ్ అంచనాలను అందుకోకపోవడంతో సినిమాకు డివైడ్ టాక్ వచ్చింది. ఐతే దళపతి విజయ్ కి ఉన్న ఫ్యాన్ బేస్ తో ఫస్ట్ డే కలెక్షన్స్ మాత్రం అదిరిపోయాయని తెలుస్తుంది.

విజయ్ చివరి సినిమాగా చెప్పుకుంటున్న గోట్ సినిమా ఫ్యాన్స్ కు ట్రీట్ ఇచ్చినా కామన్ ఆడియన్స్ మాత్రం సంతృప్తి చెందలేదు. ఐతే నిజంగానే దళపతి విజయ్ పూర్తిగా సినిమాలకు గుడ్ బై చెబుతారా లేదా టైం చూసుకుని కొనసాగిస్తారా అన్నది క్లారిటీ రావాల్సి ఉంది. ఈమధ్యనే తన పార్టీ ని అనౌన్స్ చేసి రాజాకీయాళ్లోకి వస్తున్నానని ప్రకటించిన విజయ్ ఇక నుంచి తాను ఒక యాక్టర్ మాత్రమే కాదు పొలిటీషియన్ గా కూడా రియల్ హీరో అనిపించుకోవాలని ఫిక్స్ అయ్యారు.