ఏపీలో 'తుఫాన్' బ‌ల‌హీన ప‌డుతోందా?

కోలీవుడ్ స్టార్ విజ‌య్ ఆంటోనీ అంటే టాలీవుడ్ లో ఓ గుర్తింపు ఉంది. సందేశాత్మ‌క చిత్రాలు తీస్తాడ‌నే ఇమేజ్ అత‌డిపై ఉంది. 'బిచ్చ‌గాడు' సినిమా అత‌డికి ఎన‌లేని గుర్తింపును తీసుకొచ్చింది. ఆ విజ‌యంతో విజ‌య్ పేరు మ‌రింత ప్రాచుర్యంలోకి వ‌చ్చింది. కానీ ఆ త‌ర్వాత చేసిన ప్ర‌య‌త్నాలేవి పెద్ద‌గా ఫలించ‌లేదు. మ‌ళ్లీ బిచ్చ‌గాడు కి సీక్వెల్ గా బిచ్చ‌గాడు 2 కూడా చేసి యావ‌రేజ్ హిట్ అందుకున్నాడు.

బిచ్చ‌గాడు రేంజ్ లో హిట్ అవుతుంద‌ని అంచ‌నాలున్నా? బాక్సాఫీస్ వ‌ద్ద అది సాధ్యం లేదు. ఆ త‌ర్వాత చాలా సినిమాలు చేసాడు. కానీ ఏవి హిట్ స‌ర‌స‌న నిల‌వ‌లేదు. ఈ నేప‌థ్యంలో ఆగ‌స్టు 2న తుఫాన్ అంటూ మ‌రోసారి బాక్సాఫీస్ బ‌రిలోకి దిగుతున్నాడు. ఇంత‌వ‌ర‌కూ సినిమా ప్ర‌మోష‌న్లు కూడా బాగానే నిర్వ‌హిం చారు. కానీ రిలీజ్ స‌మ‌యం ద‌గ్గ‌ర ప‌డేస‌రికి సౌండింగ్ మిస్ అవుతుంది. మార్కెట్ లో తుపాన్ రిలీజ్ అవుతుంద‌నే హ‌డావుడి కనిపించ‌డం లేదు.

మ‌రి మొన్న‌టివ‌ర‌కూ ప్ర‌చారం చేసుకున్న యూనిట్ ఇప్పుడెందుకు ఒక్క‌సారిగా సైలెంట్ అయిన‌ట్లు? అన్న‌ది డౌట్. ప్ర‌చారం విష‌యంలో విజ‌య్ ఆంటోనీ ఏమాత్రం త‌గ్గే టైపు కాదు. ప్ర‌చారం కోసం బాగానే ఖ‌ర్చు చేస్తాడు. కానీ ఇప్పుడంత యాక్టివ్ గా క‌నిపించ‌లేదు. మ‌రి ఈమౌనానికి కార‌ణం ఏంటో తెలియాలి. ఇక్క‌డే కాదు కోలీవుడ్ లో కూడా ఈ సినిమా ప్ర‌చారం ఇలాగే ఉంద‌ని స‌మాచారం.

తెలుగు అంటే డ‌బ్బింగ్ అనుకుని లైట్ తీసుకుని ఉండొచ్చు. మ‌రి సొంత భాష‌లో కూడా ఎందుకు ప్రమోట్ చేయ‌డం లేద‌న్న‌ది స‌స్సెన్స్ గా మారింది. ఇప్ప‌టికే రిలీజ్ అయిన ప్ర‌చార చిత్రాలు పాజిటివ్ టాక్ నే తీసు కొచ్చాయి. మ‌రి రిలీజ్ స‌మ‌యంలో ఈ మౌనం ర‌క‌ర‌కాల సందేహాల‌కు తావిస్తోంది. మ‌రి ఏపీలో తుపాణ్ బ‌ల‌హీన ప‌డుతుందా? బ‌ల‌ప‌డుతుందా? అన్న‌ది చూడాలి. ఈ చిత్రాన్ని విజ‌య్ మిల్ట‌న్ తెర‌కెక్కించారు. ఆయ‌నే కెమెరామెన్ కూడా.