మహేష్ బాబు వల్లే నేను ఇలా..!

విజయ్ దేవరకొండ సమంత కలిసి నటించిన ఖుషి సినిమా శుక్రవారం రిలీజ్ అవుతుంది. శివ నిర్వాణ డైరెక్ట్ చేసిన ఈ సినిమాను మైత్రి మూవీ మేకర్స్ నిర్మించారు. లవ్ స్టోరీ ఫ్యామిలీ ఎంటర్టైనర్ గా రాబోతున్న ఈ సినిమా రిజల్ట్ విషయంలో మేకర్స్ చాలా కాన్ఫిడెంట్ గా ఉన్నారు. పాన్ ఇండియా రిలీజ్ అవుతున్న ఈ సినిమా ప్రమోషన్స్ భారీగా చేస్తున్నారు. ఈ క్రమంలో విజయ్ దేవరకొండ తన ఫ్యాన్స్ తో స్పెషల్ చిట్ చాట్ చేశారు. ఖుషి సినిమా విశేషాలతో పాటుగా తన పర్సనల్ విషయాలను కూడా ఫ్యాన్స్ తో పంచుకున్నారు విజయ్.

తనకు హీరో అవ్వాలన్న ఆలోచన వచ్చిన సందర్భం గురించి చెప్పుకొచ్చారు విజయ్. పోకిరి సినిమాలో మహేష్ ఎంట్రీ సీన్ చూసి ఆ టైం లోనే తను హీరో అవ్వాలని ఫిక్స్ అయ్యానని అన్నారు విజయ్. అసలైన హీరోయిజం ఇది అనిపించిందని అందుకే ఆ నిమిషం హీరో అవ్వాలని నిర్ణయించుకున్నా అన్నారు విజయ్. అంతేకాదు తనకు అవకాశం వస్తే ఆ సీన్ ని రీక్రియేట్ చేస్తానని చెప్పారు విజయ్. మహేష్ మీద తనకున్న అభిమానాన్ని ఎప్పుడు చూపిస్తూ వచ్చిన విజయ్ మరోసారి పోకిరి సీన్ తనని హీరోగా మారేందుకు ప్రోత్సాహించింది అని అన్నారు.

అంతేకాదు తనకు ఇష్టమైన ఫుడ్ గురించి కూడా చెప్పారు విజయ్. ఇక ఖుషి సినిమా షూటింగ్ టైమ్ లో బాగా ఎంజాయ్ చేశామని సినిమా చాలా బాగా వచ్చిందని అన్నారు విజయ్. ముందు నెల రోజులు డైరెక్టర్ శివతో ఇబ్బందిగా అనిపించింది అయితే ఆ తర్వాత అతనికి సినిమా మీద ఉన్న పిచ్చి తెలిసిందని అన్నారు. సమంత ఈ సినిమా కోసం చాలా సపోర్ట్ చేసిందని ఆమె సినిమాకు ప్లస్ పాయింట్ అన్నారు విజయ్.

లవ్, రొమాన్స్, ఎమోషన్ అన్నిటిలో కన్నా తనకు ఈ సినిమా లో ఫన్ బాగా నచ్చిందని అన్నారు. సినిమా ఫస్ట్ హాఫ్ లో వెన్నెల కిషోర్ తో కామెడీ.. సెకండ్ హాఫ్ రాహుల్ రామకృష్ణతో ఫన్ ఆడియన్స్ ని ఎంటర్టైన్ చేస్తుందని అన్నారు. విజయ్ దేవరకొండ సమంత కలిసి మహానటి లో నటించారు. మళ్ళీ ఈ సినిమా కోసం పని చేశారు. వరుస ఫ్లాపులతో ఫ్యాన్స్ ని నిరుత్సాహ పరుస్తున్న విజయ్ ఖుషితో ఫ్యాన్స్ ని ఎంటర్ టైన్ చేసేందుకు వస్తున్నారు.