అమితాబ్, కమల్‌ తో పాటు దేవరకొండ కూడా..!
తెలుగు ప్రేక్షకులతో పాటు పాన్ ఇండియా సినీ ప్రేక్షకులు ఎంతో ఆసక్తిగా ఎదురు చూస్తున్న ప్రభాస్ 'కల్కి' సినిమా విడుదల తేదీ వచ్చేసింది.
By: Tupaki Desk | 20 Jan 2024 7:10 AM GMT
తెలుగు ప్రేక్షకులతో పాటు పాన్ ఇండియా సినీ ప్రేక్షకులు ఎంతో ఆసక్తిగా ఎదురు చూస్తున్న ప్రభాస్ 'కల్కి' సినిమా విడుదల తేదీ వచ్చేసింది. ఈ ఏడాది మే 9న కల్కి సినిమాను విడుదల చేసేందుకు అన్ని ఏర్పాట్లు జరుగుతున్నాయి. ఈ సినిమాలో ఎంతో మంది స్టార్స్ కీలక పాత్రల్లో, అతిథి పాత్రల్లో కనిపించబోతున్నారు.
అమితాబచ్చన్‌, కమల్‌ హాసన్‌ లు నటిస్తున్నట్లుగా ఇప్పటికే అధికారికంగా యూనిట్‌ సభ్యులు ప్రకటించారు. బాలీవుడ్‌ స్టార్ హీరోయిన్స్ దీపికా పదుకునే మరియు దిశా పటానీ లు నటిస్తున్న విషయం తెల్సిందే. మలయాళ స్టార్ దుల్కర్ సల్మాన్ కూడా ఈ సినిమాలో నటిస్తున్నాడనే వార్తలు వస్తున్నాయి. తాజాగా ఈ సినిమాలో రౌడీ స్టార్ విజయ్ దేవరకొండ కూడా నటిస్తున్నాడనే వార్తలు వస్తున్నాయి.
కల్కి సినిమాలో విజయ్ దేవరకొండ నటిస్తున్నాడనే వార్తలు జోరుగా వస్తున్నాయి. ఎవడే సుబ్రమణ్యం సినిమా తో విజయ్ దేవరకొండ కి మంచి గుర్తింపు వచ్చింది. నాగ్‌ అశ్విన్ వల్లే ఆ సినిమాలో విజయ్ కి చోటు దక్కింది. ఆ తర్వాత నాగ్‌ అశ్విన్ రూపొందించిన మహానటి సినిమాలో కూడా విజయ్ దేవరకొండ నటించిన విషయం తెల్సిందే.
నాగ్‌ అశ్విన్ ప్రతి ప్రాజెక్ట్‌ లో కూడా విజయ్ దేవరకొండ కంటిన్యూ అవుతున్నాడు. ఆ సినిమాలు మంచి విజయాన్ని సొంతం చేసుకున్నాయి. కనుక కల్కి లో కూడా విజయ్ దేవరకొండ ఉంటే సెంటిమెంట్‌ వర్కౌట్‌ అయ్యి విజయాన్ని సొంతం చేసుకుంటుందనే అభిప్రాయంను కొందరు వ్యక్తం చేస్తున్నారు.
ప్రభాస్, అమితాబ్, కమల్‌, దుల్కర్ వంటి స్టార్స్ తో పాటు రౌడీ స్టార్ విజయ్ దేవరకొండ కూడా కల్కి లో నటించడం వల్ల కచ్చితంగా సినిమా స్థాయి మరింతగా పెరుగుతుంది. ఖుషి తో సక్సెస్ జోష్ లో ఉన్న విజయ్ దేవరకొండ ఫ్యామిలీ స్టార్ తో సమ్మర్‌ లో ప్రేక్షకుల ముందుకు రాబోతున్నాడు. ఆ వెంటనే కల్కి తో కూడా రౌడీ స్టార్ తన ఫ్యాన్స్ ని అలరించబోతున్నాడు.
