దేవ‌ర‌కొండ బ్ర‌ద‌ర్స్ ఒకే ఫ్రేమ్ లో!

విజ‌య్ దేవ‌ర‌కొండ త‌మ్ముడిగా టాలీవుడ్ కి ఎంట్రీ ఇచ్చిన ఆనంద్ దేవ‌ర‌కొండ సుప‌రిచితుడే. `దొర‌సాని` సినిమాతో తెరంగేట్రం చేసిన ఆనంద్ అటుపై ఓ మూడు సినిమాలుచేసాడు గానీ...అవేమి పెద్ద‌గా స‌క్సెస్ అవ్వ‌లేదు. ఇటీవ‌లే రిలీజ్ అయిన రొమాంటిక్ చిత్రం `బేబి`తో మాత్రం మంచి గుర్తింపు వ‌చ్చింది. ఇదే అత‌ని తొలి స‌క్సెస్ గా చెప్పొచ్చు. క‌మ‌ర్శియ‌ల్ గా ఈ సినిమా మంచి విజ‌యం సాధించింది.

త‌క్కువ బ‌డ్జెట్ లో తెర‌కెక్కిన భారీ వ‌సూళ్లు తెచ్చి పెట్టింది. దీంతో ఆనంద్ లో ఆనందం రెట్టింపు అయింది. బేబిలో ఆనంద్ తో పాటు మ‌రికొన్ని కీల‌క పాత్ర‌లు ఉన్నా! విజ‌య్ దేవ‌ర‌కొండ త‌మ్ముడిగా ఉన్న ఐడెంటిటీ అత‌న్ని మ‌రింత ఫోక‌స్ చేసింది. ప్ర‌స్తుతం యంగ్ హీరో `గంగంగ‌ణేశా` అనే చిత్రంలో న‌టిస్తున్నాడు. తాజాగా ఈసినిమా ప్ర‌చారం లో భాగంగా ఆనంద్ ఆస‌క్తిక‌ర వ్యాఖ్య‌లు చేసారు.

భ‌విష్య‌త్ లో అన్న‌య్య‌తో క‌లిసి న‌టిస్తానేమోన‌ని వ్యాఖ్య‌నించారు. ఇంత‌వ‌ర‌కూ ఏ సినిమా సంద‌ర్భంలో నూ ఇలాంటి వ్యాఖ్య‌లు చేయ‌లేదు. ఆనంద్ నోట తొలిసారి రావ‌డం ఇదే. బ‌హుశా `బేబి` విజ‌యం అందించిన ఉత్సాహం కావొచ్చు. ఆ సినిమా తెచ్చిన వ‌సూళ్లు కార‌ణం అవ్వొచ్చు. అలాగే అన్న‌య్య ఇచ్చిన ధీమా కూడా కావొచ్చు. విజ‌య్ ఇప్ప‌టికే అగ్ర హీరోగా కొన‌సాగుతున్నాడు. త‌మ్ముడికి లిప్ట్ ఇచ్చే స్టేజ్ లో ఉన్నాడు.

ఇంత‌కాలం బ్యాకెండ్ లో ఉన్న విజ‌య్ ఇప్పుడు నేరుగా ఆనంద్ ప‌క్క‌న చేర‌బోతున్నాడు. ఇద్ద‌రు క‌లిసి ఓ సినిమా చేస్తే ఎలా ఉంటుంది? అన్న ఆలోచ‌న ఎవ‌రిది అన్న‌ది తెలియ‌దు గానీ..ఆనంద్ నోట‌..అన్న నేను క‌లిసి ప‌నిచేస్తాం అన్న మాట మాత్రం దేవ‌ర‌కొండ అభిమానుల్ని ఆనందానికి గురి చేస్తుంది. ప్ర‌స్తుతం స్టార్ హీరోల‌కే క‌లిసి ప‌నిచేస్తున్నారు. ఒక సినిమా ప్ర‌చారానికి మ‌రోకరు స‌హ‌క‌రిస్తున్నారు. ఆ స్నేహంతో పాన్ ఇండియాలో పెద్ద లెవ‌ల్లో ప్లాన్ చేస్తున్నారు. ఇంత ఛేంజ్ చూసిన త‌రుణంలో విజ‌య్-ఆనంద్ క‌లిసి ప‌నిచేయ‌డానికి ఎంతో స‌మ‌యం ప‌ట్ట‌క‌పోవ‌చ్చ‌ని చెప్పొచ్చు.