ఫ్యామిలీ స్టార్.. సూపర్ హీరో లుక్

రౌడీ స్టార్ విజయ్ దేవరకొండ కు నేషనల్ వైడ్ గా మంచి క్రేజ్ అందుకుంటున్నాడు కానీ ఫ్యాన్ ఇండియా రేంజ్ లో అయితే అతనికి సక్సెస్ రావడం లేదు. ప్రతిసారి తన సినిమాలతో భారీ స్థాయిలో హడావిడి చేస్తున్న రౌడీ స్టార్ బాక్సాఫీస్ వద్ద మాత్రం పెట్టిన పెట్టుబడులకు సరైన ప్రాఫిట్స్ తీసుకురావడం లేదు. అయినప్పటికీ తన ప్రయత్నాలు ఆపకుండా ఎంతో పాజిటివ్గా ముందుకు కొనసాగుతూ ఉన్నాడు.

ప్రస్తుతం విజయ్ ఫ్యామిలీ స్టార్ అనే సినిమా చేస్తున్న విషయం తెలిసిందే. పరుశురాం దర్శకత్వంలో చేస్తున్న ఈ సినిమా సంక్రాంతికి గ్రాండ్ గా విడుదల కాబోతోంది. ఇక రీసెంట్ గా వచ్చిన ఫస్ట్ లుక్ టీజర్ కూడా బాగానే అట్రాక్ట్ చేసింది. దానికి తోడు అందులోని డైలాగ్ 'ఐరనే వంచాలా ఏంటి..' బాగా వైరల్ అయింది. ఎప్పటికప్పుడు విజయ్ అయితే తన క్రేజ్ ను పెంచుకోవడమే కాకుండా సినిమాపై పాజిటివ్ వైబ్ క్రియేట్ అయ్యే విధంగా ముందుకు కొనసాగుతూ ఉన్నాడు.

ఇక రీసెంట్ గా మరికొన్ని ఫోటోలు అతను విడుదల చేసాడు. అందులో విజయ్ ఒక పిక్ లో అయితే సూపర్ హీరో తరహాలో దర్శనమిచ్చాడు. అలాగే సింపుల్ కూల్ స్టీల్ కూడా ఇచ్చిన విజయ్ ఈ స్టిల్స్ ఎందులోవి అనేది మాత్రం క్లారిటీ ఇవ్వలేదు. ఏదైనా యాడ్ ప్రమోషన్ లో పాల్గొన్నారా ఫ్యామిలీ స్టార్ సంబంధించిన ఫోటోలా అనే కామెంట్స్ అయితే వస్తున్నాయి.

ఏదేమైనా విజయ్ మాత్రం ఈ లుక్స్ లో అదిరిపోయాడు అని పాజిటివ్ రియాక్షన్స్ వస్తున్నాయి. విజయ్ దేవరకొండకు ఎలాంటి పాత్రలు అయినా చేయగలడు అని ఈ ఫోటోలు చూస్తేనే అర్థమవుతుంది అంటూ మరికొందరు కామెంట్ చేస్తున్నారు. ఇక విజయ్ దేవరకొండ ఫ్యామిలీ స్టార్ సినిమాపై అంచనాలు గట్టిగానే ఉన్నాయి.

ఎందుకంటే ఈ సినిమాను డైరెక్ట్ చేస్తున్న పరుశురామ్ తోనే విజయ్ గీతగోవిందం సినిమా చేసి బాక్సాఫీస్ వద్ద ఒక బిగ్ సక్సెస్ చూశాడు. దీంతో ఈ కాంబినేషన్ కు మార్కెట్లో హై డిమాండ్ అయితే ఉంది. దిల్ ఈ సినిమాలను నిర్మిస్తున్నాడు. ఇక విజయ మరొకవైపు గౌతమ్ తిన్ననూరి తో పాటు టాక్సీవాలా డైరెక్టర్ రాహుల్ తో కూడా సినిమా చేస్తున్నాడు.