గీతా గోవిందం సరసన చేరిన ఖుషి..!

టాలీవుడ్ లో అనతికాలంలోనే స్టార్ డం తెచ్చుకున్న వారిలో విజయ్ దేవరకొండ ఒకరు. 10 సినిమాలతోనే విజయ్ తన రేంజ్ పెంచుకుంటూ వచ్చాడు. టాలీవుడ్ ముద్దుల హీరోగా సూపర్ క్రేజ్ తెచ్చుకున్న విజయ్ ప్రతి సినిమాలో లిప్ లాక్ సీన్స్ కచ్చితంగా ఉండేలా చూసుకున్నాడు. విజయ్ తన సినిమాల్లో నటించిన ఇన్ని సినిమాల్లో గీతా గోవిందం తప్ప మిగతా అన్ని సినిమాలు U/A సర్టిఫికెట్ అందుకున్నాయి. అయితే గీతా గోవిందం మాత్రమే U సర్టిఫికెట్ అందుకుంది. ఆ తర్వాత మళ్లీ ఖుషి సినిమాకు U సర్టిఫికెట్ వచ్చింది.

గీతా గోవిందం సినిమా తర్వత ఖుషి సినిమాకు విజయ్ సినిమా U సర్టిఫికెట్ అందుకుంది. లవ్ స్టోరీగా వస్తున్న ఈ సినిమాలో లిప్ లాక్, బెడ్ రూం సీన్స్ అవకాశం ఉన్నా శివ నిర్వాణ మాత్రం అలాంటి సీన్స్ ఏమి లేకుండా సినిమా తెరకెక్కించాడు. శివ నిర్వాణ మొన్న జరిగిన మ్యూజికల్ కాన్సర్ట్ లో కూడా సినిమా తప్పకుండా హృదయాలను తాకుతుందని అన్నారు. శివ నిర్వాణ డైరెక్షన్ లో వచ్చిన నిన్ను కోరి, మజిలి సినిమాలు ఎలా ఫ్యామిలీ ఎంటర్టైనర్స్ గా వచ్చాయో ఇప్పుడు ఖుషి కూడా అదే తరహాలో వస్తుంది.

ఖుషి సినిమాలో సమంత ఫిమేల్ లీడ్ గా నటిస్తుంది. ప్రేమ పెళ్లి కాన్సెప్ట్ తో వస్తున్న ఈ సినిమాలో లిప్ లాక్ సీన్స్ కి ఛాన్స్ ఉన్నా కూడా శివ నిర్వాణ ఎక్కడ అలాంటి సీన్స్ పెట్టలేదని తెలుస్తుంది. లవ్ స్టోరీలో ఎమోషనల్ కంటెంట్ తో ఈ సినిమా వస్తుందని అంటున్నారు. సెన్సార్ టీం కూడా సినిమా గురించి పాజిటివ్ గా స్పందించిందని టాక్. విజయ్ దేవరకొండ సినిమా అంటే లిప్ లాక్, బెడ్ సీన్స్ కామన్ అనేలా టాక్ వచ్చింది. కానీ క్లీన్ ఎంటర్టైనర్ గా తన కెరీర్ లో ఖుషి ఒక ప్రత్యేకమైన సినిమాగా చేశాడు విజయ్ దేవరకొండ.

ఈ సినిమా విషయంలో మేకర్స్ కూడా ప్రమోషన్స్ బాగా ప్లాన్ చేస్తున్నారు. సమంత ట్రీట్ మెంట్ కి వెళ్లే టైం లోనే మరో రెండు మూడు ఇంటర్వ్యూస్ ఇవ్వాలని అనుకుంటుందట. అంతేకాదు ఏపీలో మరో ఈవెంట్ ని కూడా ఖుషి టీం ప్లాన్ చేస్తున్నట్టు తెలుస్తుంది. లైగర్ ఫ్లాప్ తో డీలా పడ్డ విజయ్ దేవరకొండ ఖుషితో హిట్ ట్రాక్ ఎకాలని చూస్తున్నాడు. హేషం అబ్దుల్ వాహబ్ మ్యూజిక్ కూడా సినిమాపై అంచనాలు పెంచింది. మరి ఖుషి అనుకున్న రేంజ్ లో సక్సెస్ అవుతుందా లేదా అన్నది చూడాలి.