విజయ్​ న్యూ కాంబో.. దర్శకుడు ఎవరంటే?

ది రౌడీ హీరో విజయ్ దేవరకొండ వరసగా సినిమాలకు సైన్‌ చేస్తున్నారు. కొంత కాలం నుంచి ఏడాదికి ఒక్క చిత్రంతోనే ప్రేక్షకుల ముందుకు వస్తున్న విజయ్​.. రీసెంట్​గా ఖుషి సినిమాతో మంచి హిట్ అందుకున్నారు. వచ్చే ఏడాది నుంచి జోరు పెంచేలా కనిపిస్తున్నారు. వరుస చిత్రాలతో అలరించేలా ప్లాన్ చేస్తున్నట్లు తెలుస్తోంది. టాలెంటెడ్‌ డైరెక్టర్లతో పాటు, బిగ్ బ్యానర్లలో సినిమాలు చేసేలా గ్రీన్​ సిగ్నల్ ఇస్తున్నారు.

అయితే ప్రస్తుతం... విజయ్ దేవరకొండ రెండు సినిమాల్లో నటిస్తూ బిజీగా ఉన్నారు. అందులో ఒకటి పరుశురామ్‌ దర్శకత్వంలో తెరకెక్కుతోంది. ఇది ఫ్యామిలీ అండ్ లవ్​ ఎంటర్​టైనర్​గా ప్రేక్షకుల ముందుకు రాబోతుందట. పరుశురామ్‌ చేస్తున్న ఈ చిత్రాన్ని ప్రముఖ నిర్మాత దిల్‌ రాజు ప్రొడ్యూస్ చేస్తున్నారు. అయితే ఈయన బ్యానర్‌లోనే మరో రెండు చిత్రాలకు కూడా విజయ్ సైన్‌ చేసినట్లు ఆ మధ్య తెగ వార్తలు వచ్చాయి.

తాజాగా మరో వార్త ఒకటి బయటకు వచ్చింది. అదేంటంటే దిల్​ రాజ్​ బ్యానర్​లో విజయ్ చేయబోయే సినిమా డైరెక్టర్​ వివరాలు గురించి తెలిసింది. ఈ చిత్రానికి విద్యా సాగర్ చింటా దర్శకత్వం వహించబోతున్నారట. ఈయన వెళ్లిపోమాకే(2017), ఫలక్​నామా దాస్​(2019), అద్భుతం(2021) చిత్రాలకు సినిమాటోగ్రాఫర్​గా పని చేశారు. ఆ తర్వాత విశ్వక్​ సేన్​ హీరోగా నటించిన అకోశ వనంలో అర్జున్ కల్యాణంతో దర్శకుడిగా మారారు. గతేడాది విడుదలైన ఈ చిత్రం మంచి టాక్ తెచ్చుకుంది.

ఇప్పుడు తన రెండో సినిమాను ఏకంగా దిల్​ రాజు బ్యానర్​లో విజయ్ దేవరకొండతో చేయబోతున్నారట. ఈ సినిమాకు సంబంధించిన అఫీషియల్​ అనౌన్స్​మెంట్​ త్వరలోనే రాబోతుందని సినీ వర్గాల నుంటి టాక్ వినిపిస్తోంది. అలాగే మరిన్ని వివరాలను త్వరలోనే తెలియజేయనున్నారట.

ఇకపోతే విజయ్​ దేవరకొండ ప్రస్తుతం పరశురామ్ చిత్రంతో పాటు గౌతమ్‌ తిన్ననూరి డైరెక్షన్‌లో ఓ మూవీ చేస్తున్నారు. గౌతమ్ సినిమాలో విజయ్​ పోలీస్​ ఆఫీసర్​గా కనిపించనున్నారు. గ్యాంగ్​ స్టర్​ బ్యాక్​ డ్రాప్​ కూడా ఈ చిత్రంలో ఉండటనున్నట్లు సమాచారం అందింది.