విజయ్ పాన్ ఇండియా.. ఇలా అయితే కష్టమే..

విజయ్ దేవర కొండ పరిచయం అవసరం లేని పేరు. సపోర్టెడ్ యాక్టర్ గా కెరీర్ మొదలుపెట్టి, ఇప్పుడు టాలీవుడ్ లో స్టార్ హీరోగా ఎదిగాడు. ముఖ్యంగా అర్జున్ రెడ్డి మూవీతో ఎక్కువ స్టార్ డమ్ సంపాదించుకున్నాడు. ఆ మూవీలో అతని యాటిట్యూడ్, నటకు అందరూ ఫిదా అయిపోయారు. ఆ మూవీ తెచ్చిన క్రేజ్ తోనే పాన్ ఇండియా స్టార్ గా ఎదిగేందుకు ప్రయత్నాలు మొదలుపెట్టాడు.

నిజానికి విజయ్ కి అర్జున్ రెడ్డి తర్వాత నార్త్ లో కూడా ఫ్యాన్స్ పెరిగిపోయారు. బాలీవుడ్ స్టార్స్ చాలా మంది తమ ఫేవరేట్ హీరో ఎవరు, ఎవరితో నటించాలని అనుకుంటున్నారు అంటే, ఎక్కువగా విజయ్ పేరే చెబుతారు. అయితే, అంత క్రేజీ ఉన్నా, ఆయన పాన్ ఇండియా స్టార్ గా మాత్రం సక్సెస్ కాలేకపోతున్నాడు.

డియర్ కామ్రేడ్, లైగర్ వంటి సినిమాలను పాన్ ఇండియా రేంజ్ లో విడుదల చేశారు. కానీ, ఆ రెండు సినిమాలు బాక్సాఫీసు వద్ద బోల్తా పడ్డాయి. ఆ రెండు దెబ్బేయడంతో, దాని ప్రభావం తాజా సినిమా ఖుషీ పై పడటం గమనార్హం. ఖుషీ మూవీని సమంత, విజయ్ ల క్రేజ్ దృష్టిలో పెట్టుకొని కేవలం తెలుగులోనే కాకుండా, అన్ని భాషల్లోనూ విడుదల చేశారు. కానీ రిజల్ట్ మాత్రం అనుకున్నట్లుగా రాబట్టలేకపోయారు. కనీసం లైగర్ మూవీకి వచ్చిన కలెక్షన్లు కూడా ఖుషీ రాబట్టలేకపోయింది.

అలా అని, మూవీ ప్రమోట్ చేయలేదా అంటే చేశాడు. కేవలం తెలుగులోనే కాదు, ఇతర భాషల్లోనూ విజయ్ ప్రమోషన్స్ గట్టిగానే చేశాడు. సోషల్ మీడియాను సైతం వీలైనంత వరకు బాగానే వాడుకున్నాడు. కానీ, ఎందో నార్త్ జనాలను ఆకట్టుకోవడంలో విఫలమయ్యాడు.

నిజానికి అయితే, చూసేవారేమో కానీ, ముందు రెండు సినిమాలు బోల్తా పడటంతో, ఈ మూవీ పై ఆసక్తి చూపించలేదు. తెలుగులో కాసులు బాగానే రాబడుతోంది. కానీ, ఇతర భాషల్లో కనీసం 50 లక్షల షేర్ కూడా అందుకోలేకపోయింది. దీంతో, పాపం విజయ్ ఎంత ట్రై చేసినా కూడా పాన్ ఇండియా స్టార్ ఇమేజ్ ని మాత్రం సంపాదించుకోలేకపోతున్నాడు. ఏదైనా మంచి యాక్షన్ మూవీ పడితే తప్ప, విజయ్ పాన్ ఇండియా కళ నెరవేరదేమో.