సమంతకు విజయ్ లేట్ నైట్ కాల్..

సమంత, విజయ్ దేవరకొండ జంటగా ఖుషీ మూవీలో నటిస్తున్న విషయం తెలిసిందే. ఈ మూవీ మరో నాలుగు రోజుల్లో ప్రేక్షకుల ముందుకు రానుంది. ఇప్పటి వరకు సమంత, విజయ్ దేవర కండ మూవీ ప్రమోషన్స్ పూర్తి చేసేశారు. సమంత మ్యూజిక్ కన్సర్ట్ లో పాల్గొన్నారు. దానికి ముందు ఆమె ఇన్ స్టాగ్రామ్ సెలబ్రెటీలతో కూడా చిట్ చాట్ చేశారు.

ఈ ప్రమోషన్ పూర్తవ్వగానే సమంత న్యూయార్క్ చెక్కేశారు. ఆమె అక్కడ తనకు వీలైనంత వరకు మూవీని ప్రమోట్ చేస్తూనే ఉన్నారు. ఇక్కడ విజయ్ కూడా సోషల్ మీడియా ద్వారా, ఇక పలు టీవీ షోలకు హాజరౌతూ, తమ మూవీని ప్రేక్షకులకు దగ్గర చేస్తున్నారు. అయితే, వీరిద్దరూ కలిసి మూవీని ప్రమోట్ చేయడం లేదనే బాధ చాలా మంది అభిమానుల్లో ఉంది.

అందుకే, వారి కోసం వీరిద్దరూ కలిసి ఓ ప్లాన్ చేశారు. విజయ్ దేవర కొండ సమంతకు లేట్ నైట్ వీడియో కాల్ చేశారు. దీనికి సంబంధించిన వీడియోని వారు సోషల్ మీడియాలో షేర్ చేయగా, అది కాస్త వైరల్ గా మారింది. ఇద్దరూ ఒకే చోట లేకున్నా, ఇలా వర్చువల్ గా మూవీని ప్రమోట్ చేయాలనే ఆలోచన చాలా క్రేజీగా ఉంది. వారిద్దరూ కలిసి సరదాగా మాట్లాడుకుంటున్న వీడియో అది.

ఈ వీడియోలో సమంత కోసం విజయ్ దేవరకొండ ఖుషి చిత్రంలోని 'నా రోజా నువ్వే' అనే సాంగ్ ని అద్భుతంగా పాడాడు. దీనితో సమంత హాయిగా నవ్వేశారు. కొందరు వీరిని ఇలా చూడటాన్ని చాలా సంతోషిస్తుంటే, మరి కొందరు మాత్రం విమర్శిస్తున్నారు. మూవీ ప్రమోషన్స్ కోసం ఇలా కూడా చేస్తారా అంటూ ట్రోల్ చేస్తున్నారు. అలా ట్రోల్ చేయడానికి రీజన్ కూడా ఉంది. ఇది నిజంగా వీడియో కాల్ కాదని, వీడియో కాల్ లాగా క్రియేట్ చేశారని, అది జస్ట్ రికార్డెడ్ వీడియో అంటూ కామెంట్స్ చేస్తున్నారు.

మూవీ ప్రమోషన్స్ కోసం ఇలా చీప్ గా ప్రయత్నిస్తారా అని కామెంట్స్ చేస్తున్నారు. మరి అది నిజంగా వీడియో కాలా లేక, రికార్డెడ్ కాలో తెలియాల్సి ఉంది. ఇక, ఈ మూవీ సెప్టెంబర్ 1వ తేదీన ప్రేక్షకుల ముందుకు వస్తోంది. శివ నిర్వాణ దర్శకత్వం వహించారు. కంప్లీట్ ఫ్యామిలీ ఎంటర్ ట్రైనర్. ఈ మూవీ హిట్ ప్రస్తుతం సమంతో పాటు, విజయ్ కెరీర్ కి కూడా చాలా అవసరం. మరి ఈ ఖుషీ సినిమా ఎంత వరకు ప్రేక్షకులను మెప్పిస్తుందో చూడాలి.