విజయ్ దేవరకొండ ప్లానింగ్ అదుర్స్..!

రౌడీ హీరో విజయ్ దేవరకొండ తన సినిమాల విషయంలో ప్లానింగ్ మార్చుకున్నాడు. పెళ్లిచూపులు, అర్జున్ రెడ్డి, గీతా గోవిందం ఈ సినిమాలతో స్టార్ రేంజ్ కి వెళ్లిన విజయ్ దేవరకొండ డియర్ కామ్రేడ్ నుంచి వరుస ఫ్లాపులు అందుకున్నాడు. లాస్ట్ ఇయర్ వచ్చిన లైగర్ సినిమా భారీ అంచనాలతో రాగా డిజాస్టర్ అయ్యింది. లైగర్ విషయంలో భారీగా హోప్స్ పెట్టుకున్న విజయ్ ఆ సినిమా రిజల్ట్ తో నిరాశపడ్డాడు. అందుకే ఇక మీదట కంటెంట్ మీద మరింత ఎక్కువ దృష్టి పెట్టాలని ఫిక్స్ అయ్యాడు.

ఈ క్రమంలోనే శివ నిర్వాణ డైరెక్షన్ లో వచ్చిన ఖుషి సినిమా ఓకే చేశాడు. లవ్ స్టోరీగా రాబోతున్న ఖుషి సినిమా సెప్టెంబర్ 1న రిలీజ్ అవుతుంది. ఈ సినిమా ట్రైలర్ ఇంప్రెసివ్ గా ఉంది. ఖుషితో విజయ్ హిట్ ట్రాక్ ఎక్కాలని చూస్తున్నాడు. ఈ సినిమాలో సమంత కూడా స్పెషల్ ఎట్రాక్షన్ కానుంది. విజయ్ సమంతల జోడీ సినిమాకే హైలెట్ గా నిలిచేలా ఉంది. ఇక ఈ సినిమా తర్వాత విజయ్ దేవరకొండ పరశురాం డైరెక్షన్ లో సినిమా చేస్తున్నాడు. దిల్ రాజు నిర్మిస్తున్న ఈ సినిమాలో మృణాల్ ఠాకూర్, దివ్యాన్ష కౌశిక్ హీరోయిన్స్ గా నటిస్తున్నారు

ఫ్యామిలీ స్టార్ టైటిల్ పరిశీలనలో ఉన్న ఈ సినిమా గీతా గోవిందం రిజల్ట్ ని రిపీట్ చేయాలని చూస్తున్నారు. ఇదే కాకుండా గౌతం తిన్ననూరి డైరెక్షన్ లో ఓ సినిమా షురూ చేశాడు. జెర్సీ తో తెలుగు, హిందీ భాషల్లో క్రేజీ హిట్ అందుకున్న గౌతం చరణ్ తో సినిమా అనుకున్నా అది ఎందుకో సెట్ కాలేదు. అందుకే విజయ్ దేవరకొండతో సినిమా ఫిక్స్ చేసుకున్నాడు. ఈ సినిమాతో విజయ్ మరోసారి పాన్ ఇండియా అటెంప్ట్ చేస్తున్నాడు.

ఇక మీదట తన సినిమాల ప్లానింగ్ తో విజయ్ ఫ్యాన్స్ కి సూపర్ ట్రీట్ అందించాలని చూస్తున్నాడు. పర్ఫెక్ట్ ప్లానింగ్ తో ఆడియన్స్ కి ఫ్యాన్స్ ని డిజప్పాయింట్ చేయకుండా సినిమాలు ఉండేలా ప్లాన్ చేస్తున్నాడు విజయ్. డియర్ కామ్రేడ్ తర్వాత సూపర్ కం బ్యాక్ ఇవ్వాలని చూస్తున్న విజయ్ కి ఖుషి హిట్ కిక్ ఇస్తుందా లేదా అన్నది చూడాలి. ఖుషి, ఫ్యామిలీ స్టార్ గౌతం తిన్ననూరి మూవీ ఇలా ప్రతి సినిమా విషయంలో విజయ్ ప్లానింగ్ ఫ్యాన్స్ లో ఆశలని రేకెత్తిస్తుంది. మరి ఈ ప్లాన్ ప్రకారం రౌడీ హీరో ఇక మీదట హిట్ మేనియా కొనసాగిస్తాడేమో చూడాలి.