రౌడీ స్టార్ డబుల్ డోస్

రౌడీ స్టార్ విజయ్ దేవరకొండ చాలా కాలంగా సాలిడ్ సక్సెస్ కోసం వెయిట్ చేస్తున్నాడు. డియర్ కామ్రేడ్ నుంచి ఇప్పటి వరకు విజయ్ దేవరకొండకి సక్సెస్ పడలేదు. గత ఏడాది రిలీజ్ అయిన ఖుషి మూవీ కొంచెం పర్వాలేదనే టాక్ తెచ్చుకుంది. మరల ఈ ఏడాది ది ఫ్యామిలీ స్టార్ చిత్రంతో డిజాస్టర్ అందుకున్నారు. ప్రస్తుతం గౌతమ్ తిన్ననూరి దర్శకత్వంలో VD12 మూవీ విజయ్ దేవరకొండ చేస్తున్నారు. ఈ సినిమా షూటింగ్ దశలో ఉంది. భాగ్యశ్రీ బోర్సే ఈ చిత్రంలో హీరోయిన్ గా నటిస్తోంది.

సితార ఎంటర్టైన్మెంట్స్ భారీ బడ్జెట్ తో పాన్ ఇండియా మూవీగా ఈ చిత్రాన్ని నిర్మిస్తోంది. ఇదిలా ఉంటే తాజాగా ఈ సినిమా నుంచి ఖైదీ గెటప్ లో గెడ్డంతో వర్షంలో తడుస్తూ గట్టిగా కేకలు వేస్తున్నట్లు ఉన్న విజయ్ దేవరకొండ లుక్ ని చిత్ర యూనిట్ రిలీజ్ చేసింది. ఈ లుక్ కి మంచి రెస్పాన్స్ వస్తోంది. విజయ్ దేవరకొండ కెరియర్ కంప్లీట్ డిఫరెంట్ లుక్ లో ఈ సినిమాలో కనిపించబోతున్నాడని అర్ధమవుతోంది. ఈ సినిమా గురించి మరో ఇంటరెస్టింగ్ న్యూస్ బయటకొచ్చింది.

మూవీలో విజయ్ దేవరకొండ పోలీస్ గా అలాగే ఖైదీగా రెండు భిన్నమైన లుక్స్ లో కనిపిస్తాడంట. పోలీస్ ఆఫీసర్ గా ఉన్నవాడు ఖైదీగా ఎందుకు మారాడనేది కథలో ఇంటరెస్టింగ్ గా గౌతమ్ తిన్ననూరి చెప్పబోతున్నాడంట. హైవోల్టేజ్ యాక్షన్ సీక్వెన్స్ కూడా ఈ చిత్రంలో ఉంటాయని తెలుస్తోంది. విజయ్ దేవరకొండ బెస్ట్ పెర్ఫార్మెన్స్ ని ఈ చిత్రంలో ఆడియన్స్ చూసే ఛాన్స్ ఉందని అంటున్నారు.

కచ్చితంగా అతని కెరియర్ లో టాప్ పెర్ఫార్మెన్స్ చిత్రాలలో VD12 కూడా ఒకటిగా ఉంటుందని సినీ విశ్లేషకులు చెబుతున్నారు. ఈ సినిమాని 2025 మార్చి 28న రిలీజ్ చేయబోతున్నట్లు ఫస్ట్ లుక్ పోస్టర్ తోనే కన్ఫర్మ్ చేశారు. విజయ్ దేవరకొండ ఇప్పటి వరకు చేసిన సినిమాలలో స్టైలిష్ అవతార్ లోనే కనిపించాడు. అయితే VD12లో అతనిలోని ఒక మాస్ యాక్టర్ ని కూడా ప్రేక్షకులు చూడబోతున్నారని తెలుస్తోంది.

ఈ సినిమాకి అనిరుద్ రవిచందర్ మ్యూజిక్ అందించబోతున్నారు. కచ్చితంగా ఇలాంటి పవర్ ప్యాక్డ్ మూవీకి అనిరుద్ నుంచి కూడా నెక్స్ట్ లెవల్ లో మ్యూజిక్ ఎక్స్ పెక్ట్ చేయొచ్చు. జెర్సీ మూవీ తర్వాత గౌతమ్ తిన్ననూరి తెలుగులో చేస్తోన్న సినిమా ఇదే కావడం విశేషం. ఈ సినిమా తర్వాత విజయ్ దేవరకొండ రాహుల్ సాంకృత్యాన్ సినిమాని సెట్స్ పైకి తీసుకొని వెళ్లనున్నట్లు తెలుస్తోంది.