రౌడీ స్టార్ ఎన్ని సినిమాలు లైన్ లో పెట్టాడో తెలుసా?

రౌడీ స్టార్ విజయ్ దేవరకొండ లైగర్ తర్వాత చాలా గ్యాప్ తీసుకొని ఖుషి మూవీతో ప్రేక్షకుల ముందుకి వచ్చారు. ఈ చిత్రం ఏవరేజ్ టాక్ తెచ్చుకుంది. మళ్ళీ ఈ ఏడాదిలో విజయ్ దేవరకొండ నుంచి మూవీ వచ్చే ఛాన్స్ అయితే లేదు. కానీ వచ్చే ఏడాది రెండు సినిమాలు కచ్చితంగా రిలీజ్ అయ్యేలా ప్లాన్ చేసుకున్నాడు. అందులో భాగంగా ఇప్పటికే దిల్ రాజు శ్రీ వెంకటేశ్వర క్రియేషన్స్ లో పరశురామ్ దర్శకత్వంలో సినిమా సెట్స్ పైకి తీసుకొని వెళ్ళాడు.

అలాగే సితారా ఎంటర్టైన్మెంట్స్ లో గౌతమ్ తిన్ననూరి దర్శకత్వంలో యాక్షన్ బ్యాక్ డ్రాప్ స్టోరీ కూడా సెట్స్ పైన ఉంది. ఈ ఇందులో పరశురామ్ సినిమాని సంక్రాంతికి రిలీజ్ చేసే ఛాన్స్ కనిపిస్తోంది. అయితే ఈ రెండు మాత్రమే కాకుండా దిల్ రాజు ప్రొడక్షన్ లో మరో రెండు సినిమాలకి కూడా విజయ్ ఒప్పందం చేసుకున్నాడంట. అందులో కొత్త డైరెక్టర్ తో ఒక సినిమా ఉండనుంది.

అలాగే ఇంద్రగంటి మోహనకృష్ణ దర్శకత్వంలో జటాయు మూవీ కూడా పాన్ ఇండియా రేంజ్ లో వంద కోట్లకి పైగా బడ్జెట్ తో తెరకెక్కించడానికి దిల్ రాజు సిద్ధం అవుతున్నారు. మరో వైపు మైత్రీ మూవీ మేకర్స్ లో విజయ్ దేవరకొండ రెండు సినిమాలకి అగ్రిమెంట్ చేసుకున్నట్లు తెలుస్తోంది.

వీటిలో ఒక సినిమా కోసం మలయాళీ దర్శకుడు టిను పపాంచన్ విజయ్ కి స్టోరీ నేరేట్ చేయడం కూడా జరిగింది. ఈ స్టోరీ నచ్చడంతో విజయ్ ఒకే చెప్పాడంట. అలాగే సందీప్ వంగా కూడా గతంలో విజయ్ దేవరకొండతో ఒక సినిమా చేస్తానని, అయితే అది నెక్స్ట్ లెవల్ లో ఉంటుందని క్లారిటీ ఇచ్చాడు. ఇలా విజయ్ చేతిలో ప్రస్తుతం అరడజను సినిమాలకి పైగా ఉండటం విశేషం.

ఈ సినిమాల జాబితా చూసుకుంటే మరో మూడు, నాలుగేళ్ల తర్వాత విజయ్ దేవరకొండ ఖాళీ అయ్యే ఛాన్స్ లేదు. ఏడాదికి రెండు సినిమాలు ప్రేక్షకుల ముందుకి తీసుకొచ్చే ప్లాన్ రౌడీ స్టార్ విజయ్ చేసుకుంటున్నాడు. అందులో భాగంగానే ఇలా వరుస ప్రాజెక్ట్స్ కి కమిట్ అయినట్లు తెలుస్తోంది.