అదే జరగకపోతే పాన్ ఇండియా యాక్టర్ మిస్ అయ్యేవాడు..!

కోలీవుడ్ విలక్షణ నటుల్లో ఒకరైన విజయ్ సేతుపతి ఎప్పటికప్పుడు తన మార్క్ చాటుతూ వస్తున్నాడు. దుబాయ్ లో జాబ్ చేస్తున్న అతను నటుడిగా మారి తన విలక్షణ నటనతో ప్రేక్షకులను ఆకట్టుకుంటూ వస్తున్నాడు. తనకు ఇచ్చిన ఎలాంటి పాత్ర అయినా సరే దానిలో ఒక కొత్తదనం చూపిస్తూ సత్తా చాటుతూ వస్తున్నాడు. మొన్నటిదాకా కేవలం తమిళంలోనే సినిమాలు చేస్తూ వచ్చిన విజయ్ సేతుపతి తెలుగు, హిందీ భాషల్లో కూడా రాణిస్తూ వస్తున్నారు.

స్టార్ సినిమాల్లో నెగిటివ్ పాత్ర ఇచ్చినా.. సపోర్టింగ్ రోల్ ఇచ్చినా తన పాత్రకు పర్ఫెక్షన్ తీసుకురావడంలో ది బెస్ట్ అనిపిస్తారు విజయ్ సేతుపతి. అందుకే ఆయన ఈమధ్య ప్రతి సినిమాలో కనిపిస్తున్నారు. అతని కోసం కొత్త కొత్త పాత్రలు సృష్టిస్తున్నారు. విజయ్ అంటే విలక్షణత అనేలా క్రేజ్ తెచ్చుకున్నారు విజయ్ సేతుపతి. అందుకే ఆయన్ను ముద్దుగా ఫ్యాన్స్ అంతా కూడా మక్కల్ సెల్వన్ అని పిలుస్తారు.

తెలుగులో ఆయన చేసిన శేషా రాయణం పాత్రలో అదరగొట్టారు. ఉప్పెన సినిమా ఆ రేంజ్ హిట్ అయ్యింది అంటే అందులో విజయ్ సేతుపతి పాత్ర కూడా ఉందని చెప్పొచ్చు. అంతకుముందు సైరా నరసింహా రెడ్డి సినిమాలో నటించిన విజయ్ సేతుపతి ఇప్పుడు బాలీవుడ్ సినిమాల్లో కూడా రాణిస్తున్నారు. లాస్ట్ ఇయర్ షారుఖ్ ఖాన్ నటించిన జవాన్ సినిమాలో విజయ్ సేతుపతి నటించాడని తెలిసిందే.

రీసెంట్ గా కత్రినా కైఫ్ తో మెర్రీ క్రిస్మస్ సినిమాలో కూడా నటించి మెప్పించారు విజయ్ సేతుపతి. మెర్రీ క్రిస్ మస్ తో మరోసారి తన నటనతో ఆకట్టుకున్నారు విజయ్ సేతుపతి. సినిమా సినిమాకు తన రేంజ్ పెంచుకుంటూ తనకు ఇచ్చిన పాత్రకు పూర్తి స్థాయిలో న్యాయం చేస్తూ వస్తున్న విజయ్ సేతుపతి 46వ పుట్టినరోజు నేడు. ఇలాంటి పుట్టినరోజులు ఆయన మరెన్నో జరుపుకోవాలని మరెన్నో విలక్షణ పాత్రల్లో మెప్పించాలని కోరుతున్నారు విజయ్ సేతుపతి ఫ్యాన్స్.

ముఖ్యంగా తన ఫ్యాన్స్ ని స్నేహితులుగా చూసే విజయ్ సేతుపతి బయట చాలా డౌన్ టు ఎర్త్ గా ఉంటారు. తన ఫ్రెండ్స్ కి ముద్దులు పెట్టడం.. వారికి కానుకలు ఇవ్వడంలో ముందుంటారు. తనకు ఈ రేంజ్ లో సక్సెస్ అందించిన తన అభిమానులకు ఎప్పుడు కృతజ్ఞత చూపిస్తుంటారు విజయ్ సేతుపతి.