కొత్త బిగ్‌బాస్ కన్ఫర్మ్‌ అయ్యాడు..!

హిందీ ప్రేక్షకులను సుదీర్ఘ కాలంగా ఎంటర్‌టైన్ చేస్తున్న బిగ్‌బాస్ కొన్ని సంవత్సరాల క్రితం తెలుగు మరియు తమిళంలో కూడా ప్రారంభం అయిన విషయం తెల్సిందే. ఇప్పటికే తమిళ మరియు తెలుగులో ఏడు సీజన్‌ లను ముగించుకున్న బిగ్‌బాస్ 8వ సీజన్ కి రెడీ అవుతోంది. తెలుగు లో మొదటి సీజన్ కు ఎన్టీఆర్‌ హోస్టింగ్‌ చేయగా, రెండో సీజన్ కి నాని హోస్ట్‌ గా వ్యవహరించాడు, ఆ తర్వాత ప్రతి సీజన్ కి కూడా నాగార్జున హోస్ట్‌ గా చేస్తున్న విషయం తెల్సిందే. ఈ ఎనిమిదవ సీజన్‌ కి కూడా నాగార్జున హోస్ట్‌ గా వ్యవహరించబోతున్నాడు. ఆ విషయమై అధికారికంగా కూడా ప్రకటన వచ్చింది.

తమిళ బిగ్‌ బాస్ విషయంలో మాత్రం ఒకింత సందిగ్దం నెలకొంది. వరుసగా ఏడు సీజన్‌ లకు హోస్ట్‌ గా వ్యవహరించిన కమల్‌ హాసన్ ఈ సీజన్ కు తాను హోస్టింగ్ చేయలేను అంటూ తేల్చి చెప్పాడు. తాను బిగ్‌ బాస్ నుంచి విరామం తీసుకుంటున్నట్లుగా కమల్‌ ప్రకటించిన విషయం తెల్సిందే. తమిళ బిగ్ బాస్‌ ప్రేక్షకులు కమల్‌ ప్లేస్ లో ఎవరు వస్తారా అంటూ అంతా ఆసక్తిగా ఎదురు చూస్తున్నారు. తమిళంకు చెందిన పలువురి హీరోల పేర్లు ప్రస్థావనకు వచ్చాయి. ఎట్టకేలకు ప్రేక్షకులు సంతోషం వ్యక్తం చేసే పేరు ప్రచారం జరుగుతోంది.

ఆయనే విజయ్‌ సేతుపతి. విభిన్న చిత్రాల నటుడిగా, విలక్షణ నటుడిగా పేరు సొంతం చేసుకున్న విజయ్ సేతుపతి ని తమిళ బిగ్‌ బాస్‌ హోస్ట్‌ గా చేస్తే కచ్చితంగా మంచి రేటింగ్ దక్కే అవకాశాలు ఉన్నాయి అంటూ విశ్లేషకులు అభిప్రాయం వ్యక్తం చేస్తున్నారు. కొత్త బిగ్ బాస్ కోసం తమిళ సినీ ప్రేక్షకులు ఎదురు చూస్తున్నారు. విజయ్‌ సేతుపతి ని ఇప్పటికే పలు సందర్భాల్లో బుల్లి తెర స్క్రీన్ పై చూసిన ప్రేక్షకులు బిగ్ బాస్‌ షో లో చూడటం కోసం అంతా ఎదురు చూస్తున్నట్లుగా తెలుస్తోంది.

తమిళ బిగ్ బాస్ సీజన్ 8 లో రియాజ్ ఖాన్‌, పూనమ్‌ బజ్వా, ఇంకా పలువురు బుల్లి తెర ప్రముఖులు మరియు సోషల్ మీడియా సెలబ్రిటీలు పాల్గొనబోతున్నట్లుగా సమాచారం అందుతోంది. ఈ నెల చివరిలో లేదా వచ్చే నెలలో అధికారికంగా ప్రకటన వస్తుంది అంటూ తమిళ మీడియా వర్గాల ద్వారా సమాచారం అందుతోంది. కొత్త సీజన్ విషయంలో ఇంకా ఎలాంటి నిర్ణయం తీసుకోవాలేదు అంటూ ఇటీవల ఒక ప్రకటనలో బిగ్‌ బాస్ నిర్వాహకులు ప్రకటించారు. త్వరలో విజయ్ సేతుపతి బిగ్ బాస్ హోస్ట్‌ గా అధికారికంగా ప్రకటన వచ్చే అవకాశాలు ఉన్నాయి.